ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙް އެދިވަޑައިގެންނެވި ނަމަވެސް ގައިދުރުކޮށް ނަމާދު ކުރުމާމެދު ދެންނެވޭނީ، ވަރަށް ބޮޑަށް "ސޮރީއޭ" ކަމަށް އިސްލާމް ދީނުގެ ޢިލްމްވެރިޔާ ޑރ. މުޙައްމަދު އިޔާޒް ވިދާޅުވެއްޖެއެވެ.
މާލޭ ސަރަޙައްދުގައި ކޯވިޑް-19 ހަލުވިކަމާއެކު ފެތުރެމުންދާތީ ރައްކާތެރި ފިޔަވަޅެއްގެ ގޮތުގައި މާލެ ސަރަހައްދުގެ މިސްކިތްތަކުގައި ގައިދުރުކޮށްގެން ނަމާދު ކުރުމަށް އިސްލާމިކް މިނިސްޓްރީއިން މިއަދު ވަނީ ނިންމައިފައެވެ. މިނިސްޓްރީގެ އެ ނިންމެވުމާ ގުޅިގެން ޑރ. އިޔާޒް ވިދާޅުވީ، އެ ނިންމެވުމުގެ ސަބަބުން ވަރަށް ގިނަ ޢާއްމު ރައްޔިތުންގެ ފަރާތުން މެސެޖްތަކާއި ކޯލްތައް ލިބެމުންދާ ކަމަށެވެ.
އެގޮތުން ގުޅުއްވި ބައެއް ބޭފުޅުން މިނިސްޓްރީން ޖަމާޢަތް ހުއްޓާލަން އެންގި ނަމަވެސް މިސްކިތަށް ގޮސް ވަކިން ޖަމާޢަތް ހަދައިގެން ނަމާދު ކުރާނެ ކަމަށް ބުނެފައިވާ ކަމަށް ޑރ. އިޔާޒް ވިދާޅުވިއެވެ. އަދި ކުރަން މިއުޅޭ ކަމަކީ ބަސްނުވިކޭ އޮޑި އެއްގެ ދިރުނބާކޮޅަށް އެރުން ކަމަށާއި، މިކަން ނުކުރުމަށް ކާބަފައިން ވެސް ވަނީ އިލްތިމާސްކޮށްފައިކަމަށް ޑރ. އިޔާޒް ވިދާޅުވިއެވެ.
"ރައީސް އަށް ދަންނަވަން އޮތީ ވަރަށް ބޮޑަށް ސޮރީއޭ. މިއީ އަޅުކަމެކޭ. މިކަމަކާ ނުކުޅެވޭނެޔޭ. އަޅުގަޑުގެ އަމިއްލަ ކަމެއްނަމަ ކޮންމެ ފަދަ ދުލެއްވެސް ދެވިދާނެޔޭ. އަޅުގަޑުމެންނަށް ދެވިދާނެ ލުއިތަކުގެ ވާހަކަތައް ވާނީ ސީދާ އެމަނިކުފާނާއިވެސް ޙިއްސާ ކުރެވިފައި." ޑރ. އިޔާޒް ވިދާޅުވެފައިވެއެވެ.
ޑރ. އިޔާޒް ވިދާޅުވީ، ކުރަން މިއުޅޭ ކަންތައް ސާފު ނުވާ ކަމަށާއި، ކޮވިޑްގެ ކަންތަކުގައި މިސްކިތާއި ގުޅޭ ގޮތުން ނޫން އެހެން އެއްވެސް ކަމެއްގައި އެޗްޕީއޭގެ ސީރިއަސްކަމެއް ނުފެންނަ ކަމަށެވެ. އެގޮތުން މަގުމަތީގައި ސާމްޕަލް ނަގަން ތިބޭ ބޭފުޅުން މިހާރު ތިއްބަވަނީ ފޭސް ޝީލްޑްވެސް ނާޅުއްވާ ކަަމަށް ޑރ. އިޔާޒް ވިދާޅުވިއެވެ.
ޑރ. އިޔާޒް ވިދާޅުވީ، ފުޓްބޯޅަ ފަރިތަ ކުރަން ހުއްދަ ދެވިއްޖެ ކަމަށާއި، ނަމަވެސް މިސްކިތުގައި ބަޔަކު މާސްކު ނާޅާ ކަމުގެ ޚަބަރު ލިބިވަޑައިގެން ހެލްތު މިނިސްޓަރ ހިތުގައި ހުރި ހުރިހާ އުދާސްތަކެއް ބަންޑުން ކޮށްލެއްވި ކަމަށެވެ. އަދި އެޑިއުކޭޝަން މިނިސްޓްރީންވެސް އެޗްޕީއޭގެ އެންގުމަށް ފުރިހަމައަށް ބޯލަނބާފައި ނުވާކަމަށް ޑރ. އިޔާޒް ވިދާޅުވިއެވެ.
އެހެންކަމުން އިސްލާމިކް މިނިސްޓްރީންވެސް އެޗްޕީއޭއިން ޖަހާހާ ބެރަކަށް ނަށައިގެން ނުވާނެ ކަމަށާއި، ދައްކާހާ ބިރަކަށް ސިހިގެންވެސް ނުވާނެ ކަމަށް ޑރ. އިޔާޒް ވިދާޅުވިއެވެ. އޭގެ ބަދަލުގައި ކަންތައްތައް ކުރަންޖެހޭނީ ހަރުދަނާކޮށް ކަމަށާއި، ދޫދެވުނު މިންވަރަކަށް ދޫދިން ނަމަވެސް ދޫނުދެވޭނެ ކަންތައްތަކެއް ހުންނާނެކަމަށް އިޔާޒް ވިދާޅުވިއެވެ.
ގައިދުރުކޮށް ނަމާދުކުރަން ބުނާނަމަ މައްކާގެ ޙަރަމްފުޅުގެ ނަމާދު ޓީވީ އިން އަޅުވައިގެން ގޭގެ ކޮޓަރި ތެރޭ ހުރެ ނަމާދު ކުރުން ރަނގަޅުވާނެ ކަމަށާއި، އޭރުން ޙަރަމްގައި ނަމާދު ކުރުން ކަމަށްވެސް ވެދާނެކަމަށް މަލާމާތުގެ ރާގެއްގައި އިޔާޒް ވިދާޅުވިއެވެ. އިޔާޒް ވިދާޅުވީ މިއީ ކުރިމަތިވެފައިވާ ބޮޑު އިމްތިޙާނެއް ކަމަށާއި، މި އިމްތިޙާނުން ފާސްވުމަށް الله ގެ ދީނަށް ރުޖޫޢަވާން ޖެހޭކަން ގަބޫލުކޮށް އެކަން މީސްތަކުންނަށް ވިސްނައިދޭން ޖެހޭ ކަމަށެވެ. އޭގެ ބަދަލުގައި ދީނުގެ ތެރެއަށް الله އެންމެ ރުހިވޮޑިގެން ނުވާ ބިދުޢަވެރިކަން އަޅުކަމުގެ ތެރެއަށް ވައްދަން ވެއްޖެނަމަ މިބަލިން ސަލާމަތްވުން ވާނީ ލަސްތޯ އަވަސްތޯ އަމިއްލަ ނަފްސަށް ސުވާލުކޮށްލަން އެބަ ޖެހޭ ކަމަށް އިޔާޒް ވިދާޅުވިއެވެ.
ޞަޙާބީންނާއި ތާބިޢީންގެ ޒަމާނުގައިވެސް ގައިން ގަޔަށް އަރާ ބަލިތައް ފެތުރިގެން ދިޔަ ކަމަށާއި، ނަމަވެސް 2020 ގައި އުފެދުނު ބިދުޢަ ކަމުގައިވާ ގައިދުރުކޮށް ނަމާދު ކުރުމުގެ ކަންތައް އެބޭފުޅުން ނުކުރައްވާ ކަމަށް އިޔާޒް ވިދާޅުވިއެވެ.
"އެއީ އެންމެ ހެޔޮ ގަރްނުގެ ބޭކަލުން. އެބޭކަލުން ނުކުރެއްވި ކަމެއް މާމޮޅު ކަމަކަށް ހަދައިގެން ކުރަން އުޅުމަކީ ކޮސް ކަމެއް. ބަޔަކު މީހުން ގޮތަކަށް ކަމެއް ކުރުން އެއީ ޙުއްޖަތެއް ނޫން. ދީނުގެ ކަނކަން ނިންމަން ޖެހޭނީ ޙުއްޖަތާއި ދަލީލުގެ މައްޗަށް ބުރަވެގެން. ގައިދުރުކޮށް ޞަފު ހެދުމަށް އެއްވެސް ދަލީލެއް ނެތް." ޑރ. އިޔާޒް ވިދާޅުވިއެވެ.
ދީނީ ޢިލްމުވެރިން ޒަމާނުއްސުރެ އެންމެ ބިރުގަންނަ ފިކުރަކީ ޑޮޓް ފިކުރު ކަން ފާހަގަކުރަށްވައި ޑރ. އިޔާޒް ވިދާޅުވީ، ގައިދުރުކޮށް ސަފު ހަދަން ހުޅުވާލުމަކީ ޑޮޓް ފިކުރު ފެތުރުމަށް ދެވޭ ދަޢުވަތެއް ކަމަށެވެ. އޭރުން މިސްކިތުގައި ތިން ހަތަރު ޖަމާޢަތް ހެދޭނެ ކަމަށާއި، ޚާއްޞަކޮށް ހުކުރު ދުވަހު އެއްބަޔަކު ހުކުރުކޮށްގެން ފޭބީމާ ނޫނީ އަނެއްބަޔަކަށް ޖާގަ ނުލިބޭތީ ގެތަކުގައި ހުކުރު ކުރަން ފަށާފާނެ ކަމުގެ ބިރު އެބައޮތްކަމަށް ވެސް ޑރ. އިޔާޒް ވިދާޅުވިއެވެ.
އެގޮތުން ގުޅުއްވި ބައެއް ބޭފުޅުން މިނިސްޓްރީން ޖަމާޢަތް ހުއްޓާލަން އެންގި ނަމަވެސް މިސްކިތަށް ގޮސް ވަކިން ޖަމާޢަތް ހަދައިގެން ނަމާދު ކުރާނެ ކަމަށް ބުނެފައިވާ ކަމަށް ޑރ. އިޔާޒް ވިދާޅުވިއެވެ. އަދި ކުރަން މިއުޅޭ ކަމަކީ ބަސްނުވިކޭ އޮޑި އެއްގެ ދިރުނބާކޮޅަށް އެރުން ކަމަށާއި، މިކަން ނުކުރުމަށް ކާބަފައިން ވެސް ވަނީ އިލްތިމާސްކޮށްފައިކަމަށް ޑރ. އިޔާޒް ވިދާޅުވިއެވެ.
"ރައީސް އަށް ދަންނަވަން އޮތީ ވަރަށް ބޮޑަށް ސޮރީއޭ. މިއީ އަޅުކަމެކޭ. މިކަމަކާ ނުކުޅެވޭނެޔޭ. އަޅުގަޑުގެ އަމިއްލަ ކަމެއްނަމަ ކޮންމެ ފަދަ ދުލެއްވެސް ދެވިދާނެޔޭ. އަޅުގަޑުމެންނަށް ދެވިދާނެ ލުއިތަކުގެ ވާހަކަތައް ވާނީ ސީދާ އެމަނިކުފާނާއިވެސް ޙިއްސާ ކުރެވިފައި." ޑރ. އިޔާޒް ވިދާޅުވެފައިވެއެވެ.
ޑރ. އިޔާޒް ވިދާޅުވީ، ކުރަން މިއުޅޭ ކަންތައް ސާފު ނުވާ ކަމަށާއި، ކޮވިޑްގެ ކަންތަކުގައި މިސްކިތާއި ގުޅޭ ގޮތުން ނޫން އެހެން އެއްވެސް ކަމެއްގައި އެޗްޕީއޭގެ ސީރިއަސްކަމެއް ނުފެންނަ ކަމަށެވެ. އެގޮތުން މަގުމަތީގައި ސާމްޕަލް ނަގަން ތިބޭ ބޭފުޅުން މިހާރު ތިއްބަވަނީ ފޭސް ޝީލްޑްވެސް ނާޅުއްވާ ކަަމަށް ޑރ. އިޔާޒް ވިދާޅުވިއެވެ.
ޑރ. އިޔާޒް ވިދާޅުވީ، ފުޓްބޯޅަ ފަރިތަ ކުރަން ހުއްދަ ދެވިއްޖެ ކަމަށާއި، ނަމަވެސް މިސްކިތުގައި ބަޔަކު މާސްކު ނާޅާ ކަމުގެ ޚަބަރު ލިބިވަޑައިގެން ހެލްތު މިނިސްޓަރ ހިތުގައި ހުރި ހުރިހާ އުދާސްތަކެއް ބަންޑުން ކޮށްލެއްވި ކަމަށެވެ. އަދި އެޑިއުކޭޝަން މިނިސްޓްރީންވެސް އެޗްޕީއޭގެ އެންގުމަށް ފުރިހަމައަށް ބޯލަނބާފައި ނުވާކަމަށް ޑރ. އިޔާޒް ވިދާޅުވިއެވެ.
އެހެންކަމުން އިސްލާމިކް މިނިސްޓްރީންވެސް އެޗްޕީއޭއިން ޖަހާހާ ބެރަކަށް ނަށައިގެން ނުވާނެ ކަމަށާއި، ދައްކާހާ ބިރަކަށް ސިހިގެންވެސް ނުވާނެ ކަމަށް ޑރ. އިޔާޒް ވިދާޅުވިއެވެ. އޭގެ ބަދަލުގައި ކަންތައްތައް ކުރަންޖެހޭނީ ހަރުދަނާކޮށް ކަމަށާއި، ދޫދެވުނު މިންވަރަކަށް ދޫދިން ނަމަވެސް ދޫނުދެވޭނެ ކަންތައްތަކެއް ހުންނާނެކަމަށް އިޔާޒް ވިދާޅުވިއެވެ.
ގައިދުރުކޮށް ނަމާދުކުރަން ބުނާނަމަ މައްކާގެ ޙަރަމްފުޅުގެ ނަމާދު ޓީވީ އިން އަޅުވައިގެން ގޭގެ ކޮޓަރި ތެރޭ ހުރެ ނަމާދު ކުރުން ރަނގަޅުވާނެ ކަމަށާއި، އޭރުން ޙަރަމްގައި ނަމާދު ކުރުން ކަމަށްވެސް ވެދާނެކަމަށް މަލާމާތުގެ ރާގެއްގައި އިޔާޒް ވިދާޅުވިއެވެ. އިޔާޒް ވިދާޅުވީ މިއީ ކުރިމަތިވެފައިވާ ބޮޑު އިމްތިޙާނެއް ކަމަށާއި، މި އިމްތިޙާނުން ފާސްވުމަށް الله ގެ ދީނަށް ރުޖޫޢަވާން ޖެހޭކަން ގަބޫލުކޮށް އެކަން މީސްތަކުންނަށް ވިސްނައިދޭން ޖެހޭ ކަމަށެވެ. އޭގެ ބަދަލުގައި ދީނުގެ ތެރެއަށް الله އެންމެ ރުހިވޮޑިގެން ނުވާ ބިދުޢަވެރިކަން އަޅުކަމުގެ ތެރެއަށް ވައްދަން ވެއްޖެނަމަ މިބަލިން ސަލާމަތްވުން ވާނީ ލަސްތޯ އަވަސްތޯ އަމިއްލަ ނަފްސަށް ސުވާލުކޮށްލަން އެބަ ޖެހޭ ކަމަށް އިޔާޒް ވިދާޅުވިއެވެ.
ޞަޙާބީންނާއި ތާބިޢީންގެ ޒަމާނުގައިވެސް ގައިން ގަޔަށް އަރާ ބަލިތައް ފެތުރިގެން ދިޔަ ކަމަށާއި، ނަމަވެސް 2020 ގައި އުފެދުނު ބިދުޢަ ކަމުގައިވާ ގައިދުރުކޮށް ނަމާދު ކުރުމުގެ ކަންތައް އެބޭފުޅުން ނުކުރައްވާ ކަމަށް އިޔާޒް ވިދާޅުވިއެވެ.
ދީނީ ޢިލްމުވެރިން ޒަމާނުއްސުރެ އެންމެ ބިރުގަންނަ ފިކުރަކީ ޑޮޓް ފިކުރު ކަން ފާހަގަކުރަށްވައި ޑރ. އިޔާޒް ވިދާޅުވީ، ގައިދުރުކޮށް ސަފު ހަދަން ހުޅުވާލުމަކީ ޑޮޓް ފިކުރު ފެތުރުމަށް ދެވޭ ދަޢުވަތެއް ކަމަށެވެ. އޭރުން މިސްކިތުގައި ތިން ހަތަރު ޖަމާޢަތް ހެދޭނެ ކަމަށާއި، ޚާއްޞަކޮށް ހުކުރު ދުވަހު އެއްބަޔަކު ހުކުރުކޮށްގެން ފޭބީމާ ނޫނީ އަނެއްބަޔަކަށް ޖާގަ ނުލިބޭތީ ގެތަކުގައި ހުކުރު ކުރަން ފަށާފާނެ ކަމުގެ ބިރު އެބައޮތްކަމަށް ވެސް ޑރ. އިޔާޒް ވިދާޅުވިއެވެ.
ކިޔުންތެރިންގެ ހިޔާލު