ގަލޮޅު ފުޓުބޯޅަ ދަނޑުގައި ޑިސްއިންފެކްޓް ގޭޓެއް ބަހައްޓައިފިއެވެ.

އެފްއޭއެމްގެ ރައީސް ބައްސާމް ޢަދީލް ޖަލީލް މިއަދު ކުރެއްވި ޓްވީޓެއްގައި ވިދާޅުވީ، ގަލޮޅު ފުޓުބޯޅަ ދަނޑުގައި ޑިސްއިންފެކްޓް ގޭޓެއް ހަރުކޮށްފައިވާ ވާކަމަށެވެ.

މި ގޭޓަކީ މާޒިޔާ ސްޕޯޓްސް ކްލަބުން ހަދިޔާކޮށްފައިވާ ގޭޓެއް ކަމަށާއި، މި ގޭޓް ސްޕޮންސަރ ކޮށްފައިވަނީ މެޑީކުއިޕް މޯލްޑިވްސް އިން ކަމަށް ބައްސާމް ވިދާޅުވިއެވެ.

Disinfect gate installed at the national stadium.

Huge thanks to @MaziyaSr for gifting the gate which was a sponsor by Mediquip Maldives Pvt Ltd. #resumptionofleague #staysafe pic.twitter.com/n7LSy2Q9X6

— Bassam Adeel Jaleel (@bassam_jaleeI) March 18, 2021

ކުޅިވަރުގެ ހަރަކާތްތައް ހުއްޓާލުމަށް އެޗްޕީއޭއިން އެންގުމާއި ގުޅިގެން ދިވެހި ޕްރިމިއަރ ލީގުގެ ކުޅުން ވަގުތީ ގޮތުން ވަނީ މެދު ކަނޑާލައިފައެވެ. ނަމަވެސް އެޗްޕީއޭއިން މިހާރު ވަނީ އެފްއޭއެމްއިން ކުރިޔަށް ގެންދިޔުމަށް ރާވައިފައިވާ ފުޓްބޯޅައިގެ ޙަރަކާތްތައް ފެށުމަށް 25 ފެބްރުއަރީގައި ހުއްދަ ދީފައެވެ.

އެޗްޕީއޭގެ ހުއްދަ އަލުން ލިބުމާ ގުޅިގެން ގައިޑްލައިންއާ އެއްގޮތަށް ދިވެހި ޕްރިމިއަރ ލީގު ކުރިޔަށް ގެންދިޔުމަށް އެފްއޭއެމްއިން މިހާރު ގެންދަނީ ތައްޔާރުވަމުންނެވެ.