މިހާރުވެސް ފ އަތޮޅުގައި 35 މަޝްރޫޢު އަދި ދ އަތޮޅުގައި 42 މަޝްރޫޢެއްގެ މަސައްކަތް ކުރިޔަށްދާ ކަމަށް ރައީސުލްޖުމްހޫރިއްޔާގެ އޮފީހުން ހާމަކޮށްފިއެވެ.

ރައީސް އޮފީހުން މިއަދު ހާމަކޮށްފައިވާ ތަފާސް ހިސާބު ދައްކާގޮތުން ފ އަތޮޅުގައި 35 މަޝްރޫޢެއް ކުރިއަށް ގެންދިއުމަށް އެކި މަރުޙަލާތަކުގައި ދަނީ މަސައްކަތް ކުރަމުންނެވެ. އޭގެ ތެރެއިން މިވަގުތު ޢަމަލީ މަސައްކަތް ކުރިއަށްދާ 6 މަޝްރޫޢު ހިމެނޭ ކަމަށް ރައީސް އޮފީހުން މަޢުލޫމާތު ދެއެވެ. މިސަރުކާރުން ވަނީ ފާއިތުވި ދެއަހަރުގެ ތެރޭގައި ފ އަތޮޅަށް 71.4 މިލިއަން ރުފިޔާ ޚަރަދުކޮށްފައެވެ.

މިއަހަރުގެ މިހާތަނަށް ފ. އަތޮޅުގައި 4 މަޝްރޫޢެއްގެ މަސައްކަތް މި ސަރުކާރުން ނިންމާފައިވާއިރު، 4 މަޝްރޫޢެއް ކުރިއަށް ގެންދިއުމަށް ކޮންޓްރެކްޓްގައި ވަނީ ސޮއިކޮށްފައެވެ. އަދި ޕްރީޓެންޑަރ މަރުޙަލާގައި 15 މަޝްރޫޢެއް އޮތްއިރު، ޓެންޑަރ މަރުޙަލާގައި މިވަގުތު 2 މަޝްރޫއެއް އެބައޮތް ކަމަށް ރައީސް އޮފީހުންވަނީ ހާމަކޮށްފައެވެ.

ފ އަތޮޅުގެ 195 ދަރިވަރުން ފުރަތަމަ ޑިގްރީއަށް ހިލޭ ކިޔަވަމުން ދާއިރު، ސަރުކާރުގެ ލޯނު ސްކީމްގެ ދަށުން 8 ކުއްޖަކު ދަނީ ކިޔަވަމުންނެވެ. އަދި އިންކަމް ސަޕޯޓްގެ ގޮތުގައި 364 މީހަކަށް 5.1 މިލިއަން ރުފިޔާ ދޫކޮށްފައިވާއިރު، އެސްއެމްއީ ލޯނުގެ ގޮތުގައި ފ އަތޮޅުގެ 6 ފަރާތަކަށް 5.4 މިލިއަން ރުފިޔާ ވަނީ ދޫކޮށްފައެވެ.

ފ. އަތޮޅުގައި ސަރުކާރުން މިދިޔަ ދެ އަހަރު ކުރިއަށް ގެންދިޔަ ތަރައްޤީގެ މަޝްރޫއުތައް #LaamarukazeeRaajje pic.twitter.com/m3Uet4OrCE

— Government of Maldives (@governmentmv) April 5, 2021

ރައީސް އޮފީހުން މިއަދު ހާމަކޮށްފައިވާ ތަފާސް ހިސާބު ދައްކާގޮތުން ދ އަތޮޅުގައި 42 މަޝްރޫޢެއް ކުރިއަށް ގެންދިއުމަށް އެކި މަރުޙަލާތަކުގައި ދަނީ މަސައްކަތް ކުރަމުންނެވެ. އޭގެ ތެރެއިން މިވަގުތު ޢަމަލީ މަސައްކަތް ކުރިއަށްދާ 9 މަޝްރޫޢު ހިމެނޭ ކަމަށް ރައީސް އޮފީހުން މަޢުލޫމާތު ދެއެވެ. މިސަރުކާރުން ވަނީ ފާއިތުވި ދެއަހަރުގެ ތެރޭގައި ދ އަތޮޅަށް 69.1 މިލިއަން ރުފިޔާ ޚަރަދުކޮށްފައެވެ.

މިއަހަރުގެ މިހާތަނަށް ދ އަތޮޅުގައި 3 މަޝްރޫޢެއްގެ މަސައްކަތް މި ސަރުކާރުން ނިންމާފައިވާއިރު، 6 މަޝްރޫޢެއް ކުރިއަށް ގެންދިއުމަށް ކޮންޓްރެކްޓްގައި ވަނީ ސޮއިކޮށްފައެވެ. އަދި ޕްރީޓެންޑަރ މަރުޙަލާގައި 15 މަޝްރޫޢެއް އޮތްއިރު، ޓެންޑަރ މަރުޙަލާގައި މިވަގުތު 2 މަޝްރޫއެއް އެބައޮތް ކަމަށް ރައީސް އޮފީހުންވަނީ ހާމަކޮށްފައެވެ.

ދ އަތޮޅުގެ 212 ދަރިވަރުން ފުރަތަމަ ޑިގްރީއަށް ހިލޭ ކިޔަވަމުން ދާއިރު، ސަރުކާރުގެ ލޯނު ސްކީމްގެ ދަށުން 3 ކުއްޖަކު ދަނީ ކިޔަވަމުންނެވެ. އަދި އިންކަމް ސަޕޯޓްގެ ގޮތުގައި 199 މީހަކަށް 2.9 މިލިއަން ރުފިޔާ ދޫކޮށްފައިވާއިރު، އެސްއެމްއީ ލޯނުގެ ގޮތުގައި ދ އަތޮޅުގެ 4 ފަރާތަކަށް 3.8 މިލިއަން ރުފިޔާ ވަނީ ދޫކޮށްފައެވެ.

ދ. އަތޮޅުގައި ސަރުކާރުން މިދިޔަ ދެ އަހަރު ކުރިއަށް ގެންދިޔަ ތަރައްޤީގެ މަޝްރޫއުތައް #LaamarukazeeRaajje pic.twitter.com/NhxZWjldiU

— Government of Maldives (@governmentmv) April 5, 2021

މި ސަރުކާރުން އަންނަނީ ސަރުކާރުގެ ވަޢުދުތައް ފުއްދުމަށް ރާއްޖޭގެ އެކި ކަންކޮޅު ތަކުގައި ގިނަ މަޝްރޫޢު ތަކެއް ހިންގަމުންނެވެ. އަދި ގިނަ ޢަދަދެއްގެ މަޝްރޫޢުތަކެއް ހިންގުމަށް މިވަގުތުވެސް ވަނީ ޓެންޑަރ ކޮށްފައެވެ.