މިދިޔަ ހުކުރުދުވަހު ކުރިޔަށްގެންދަން މަސައްކަތްކުރި އިދިކޮޅު ކޯލިޝަންގެ "ނޭވާ ހޮޅިއަށް" މުޒާހަރާއިން ހައްޔަރުކުރި ނުވަ މީހަކަށް ބަންދުގެ މުއްދަތު ޖަހައިފިއެވެ.
ފުލުހުން ބުނީ ހުކުރުދުވަހުގެ މުޒާހަރާއިން ފުލުހުންގެ ބެލުމުގެ ދަށަށް ގެންދިޔަ 17 މީހުންގެ ތެރެއިން ދެމީހަކު ޝަރުތަކާ ނުލައި އަދި ހަ މީހަކު ޝަރުތުތަކަކާއެކު ކްރިމިނަލް ކޯޓުން ދޫކޮށްލާފައިވާކަމަށެވެ. ޝަރުތުކޮށް ދޫކޮށްލި މީހުންގެ ތެރޭގައި ރައްޔިތުންގެ މަޖިލީހުގެ ގުރައިދޫ ދާއިރާގެ މެންބަރު މުހައްމަދު ޣައްސާން މައުމޫނާއި މާވަށު ދާއިރާގެ މެމްބަރު މުހައްމަދު ސައީދު ހިމެނެއެވެ.
ހުކުރުދުވަހުގެ މުޒާހަރާއިން ހައްޔަރުކުރި މީހުންގެ ތެރެއިން ތިން މީހަކަށް ތިން ދުވަސް، ދެ މީހަކަށް ހަތް ދުވަސް އަދި ހަތަރު މީހަކަށް ދެ ދުވަހުގެ ބަންދުގެ މުއްދަތެއް ކްރިމިނަލް ކޯޓުން ވަނީ ދީފައެވެ. ބަންދުގެ މުއްދަތު އިތުރުކޮށްފައިވާ މީހުންގެ ތެރޭގައި މާލޭސިޓީ ކައުންސިލްގެ ޑެޕިއުޓީ މޭޔަރ އަޙްމަދު ނަރީޝް އާއި ހޯރަފުށީ ދާއިރާގެ ކުރީގެ މެންބަރު މުހައްމަދު އިސްމާއީލުވެސް ހިމެނެއެވެ.
އިންޑިއާ ސިފައިން ރާއްޖޭގައި ތިބުމާ ދެކޮޅުހަދައި "ނޭވާ ހޮޅިއަށް"، ނަމުގައި އިދިކޮޅު ކޯލިޝަނުން ހުކުރު ދުވަހު ހަވީރު ބޭއްވުމަށް މަސައްކަތްކުރި އެއްވުން ފެށުމުގެ ކުރިން ފުލުހުން ވަނީ ޕީޕިއެމް އޮފީސް ހިމެނޭ ސަރަހައްދު ބަންދުކޮށް، އެ ސަރަހައްދަށް އެސްއޯ ފުލުހުން ގެންގޮސް މުޒާހަރާ ހުއްޓުވާފައެވެ.
އެއްވުން ފެށުމުގެ ކުރިންވެސް ފުލުހުން ވަނީ މި އެއްވުމަކީ ގާނޫނީ އިމުގެ ތެރެއިން ބާއްވާ އެއްވުމެއް ކަމަށް ނުބެލެވޭ ކަމަށް ބުނެ ބޮޑެތި ތުހުމަތުތަކެއްކޮށް އެއްވުން ނުބޭއްވުމަށް އަންގާފަ އެވެ.
ހުކުރުދުވަހުގެ މުޒާހަރާއިން ހައްޔަރުކުރި މީހުންގެ ތެރެއިން ތިން މީހަކަށް ތިން ދުވަސް، ދެ މީހަކަށް ހަތް ދުވަސް އަދި ހަތަރު މީހަކަށް ދެ ދުވަހުގެ ބަންދުގެ މުއްދަތެއް ކްރިމިނަލް ކޯޓުން ވަނީ ދީފައެވެ. ބަންދުގެ މުއްދަތު އިތުރުކޮށްފައިވާ މީހުންގެ ތެރޭގައި މާލޭސިޓީ ކައުންސިލްގެ ޑެޕިއުޓީ މޭޔަރ އަޙްމަދު ނަރީޝް އާއި ހޯރަފުށީ ދާއިރާގެ ކުރީގެ މެންބަރު މުހައްމަދު އިސްމާއީލުވެސް ހިމެނެއެވެ.
އެއްވުން ފެށުމުގެ ކުރިންވެސް ފުލުހުން ވަނީ މި އެއްވުމަކީ ގާނޫނީ އިމުގެ ތެރެއިން ބާއްވާ އެއްވުމެއް ކަމަށް ނުބެލެވޭ ކަމަށް ބުނެ ބޮޑެތި ތުހުމަތުތަކެއްކޮށް އެއްވުން ނުބޭއްވުމަށް އަންގާފަ އެވެ.
ކިޔުންތެރިންގެ ހިޔާލު