ރައީސް ނަޝީދުގެ ވެރިކަން ބަދަލުވުމާ ގުޅިގެން މާލޭގައި ހިނގި ހަމަނުޖެހުންތަކުގައި މިހާރުގެ މާފަންނު މެދު ދާއިރާގެ މެމްބަރު އިބްރާހިމް ރަޝީދު (ބޮންޑޭ) އަށް ފުލުހުން އަނިޔާކުރި ވީޑިއޯ ރައްޔިތުންގެ މަޖިލީހުގެ ތަޅުމުގައި މިއަދު ދައްކައިފިއެވެ.
ގަލޮޅު އުތުރު ދާއިރާގެ މެމްބަރު އީވާ އަބްދުﷲގެ އެދިވަޑައިިގަތުމަށް މަޖިލީހުގެ ތަޅުމުގައި އެ ވީޑިއޯ މިއަދު ދައްކާފައިވާއިރު، މިއީ އެފަދަ ގޮތަކަށް މަޖިލީހުގެ ތަޅުމުގައި ވީޑިއޯއެއް ދެއްކި ފުރަތަމަ ފަހަރެވެ.
ހެންވޭރު ހުޅަނގު ދާއިރާގެ މެމްބަރު ހަސަން ލަތީފް ހުށަހަޅުއްވާފައިިވާ، ދިވެހި ފުލުހުންގެ ހިދުމަތުގެ ބިލަށް ބަހުސްކުރައްވަމުން، މަޖިލީހުގެ ނާއިބު ރައީސް އީވާ ޢަބްދުﷲ ވިދާޅުވީ، އިބްރާހިމް ރަޝީދަށް ފެބުރުއަރީ އަށެއް 2012 ގައިި ކުރި އަނިޔާ ދިވެހި ހުރިހާ ރައްޔިތުން ދުށްކަމަށާއި، އެހެންކަމުން އެ ވީޑިއޯ މަޖިލީހުގެ ތަޅުމުގައި ދައްކައި ދިނުމަށް އެދޭ ކަމަށެވެ.
އީވާ ވިދާޅުވީ، ދިވެހި ރައްޔިތުންނަށް އަނިޔާ ކުރި މީހުން، އަނިޔާކުރި ކަމަށް ރަސްމީ ސިފައެއްގައި އިއުތިރާފުވެ، މައާފަށް އެދިފައި ނުވާކަމަށާއި، ވީކަމެއް އެއީ ނުވާކަމަކަށް ހަދައިގެން ޤައުމައިގެން ކުރިއަށް ނުދެވޭނެ ކަމަށެވެ.
"އަނިޔާތަކަށް ރަސްމީ ސިފައެއްގައި މައާފަށް ނޭދޭހާ ހިނދެއްގައި އަޅުގަނޑުމެން މި ތިބެނީ ނުވާ ކަމަކަށް ހަދައިގެން." ރައްޔިތުން މަޖިލީހުގެ ނައިބްރައީސްކަން ވެސް ކުރައްވާ އީވާ ވިދާޅުވި އެވެ.
މިއަދުގެ ޖަލްސާގައި މަޖިލީހުގެ ގިނަ މެމްބަރުން ވަނީ ކުރީގެ ރައީސުލްޖުމްހޫރިއްޔާ، އަދި މަޖިލީހުގެ މިހާރުގެ ރައީސް މުހައްމަދު ނަޝީދުގެ ވެރިކަން ފުރޮޅުނު ހަތެއް ފެބްރުއަރީ އާއި އަށެއް ފެބްރުއަރީގައި ހިނގާދިޔަ ބައެއް ކަންކަން ފާހަގަ ކުރައްވައި، އެދުވަހު ފުލުހުން ހިންގި ބައެއް ޢަމަލުތަކަށް އިންސާފު ލިބެން ޖެހޭ ކަމަށް ވިދާޅުވެފައެވެ.
މިހާރު އޮތް ކޯލިޝަން ސަރުކާރުގެ މައި ޕާޓީ، އެމްޑީގެ ސުޕަ މެޖޯރިޓީ އޮތް ރައްޔިތުންގެ މަޖިލީހުގައި އެކި މުނާސަބާ ތަކުގައި ހަތެއް ފެބްރުއަރީގައި ހިނގާދިޔަ ކަންކަމާއި އަށެއް ފެބްރުއަރީގެ ފުލުހުންގެ އަނިޔާތަކުގެ ވާހަކަ އެމްޑީޕީގެ މެންބަރުން ތަކުރާރުކޮށް ދައްކަވާއިރު މި ސަރުކާރުގެ ފުލުހުންގެ ވެރިއަކަށް ނުވަތަ ހޯމް މިނިސްޓަރެއްގެ ގޮތުގައި ހުންނެވީ އެބޭފުޅުން އެދައްކަވާ ހުރިހާ ވާހަކަތަކެއް ރައްށްދުވާ އެންމެ އިސް ފަރާތެވެ. އަދި އެބޭފުޅުންގެ ހޯމް މިނިސްޓަރ މަޖިލީހުގެ ތަޅުމަށް ގެންދަވައިގެން ސުވާލު ކުރައްވާ ދުވަސްތަކުގައި ވެސް ތަކުރާރުކޮށް އެދުވަހުގެ ހާދިސާއާއި ގުޅޭ ސުވާލުތައް ހޯމް މިނިސްޓަރާއި އަމާޒު ކުރައްވާފައި ވީނަމަވެސް އެތުހުމަތު ތަކަށް އެއްބަސްވެ ވަޑައިގެން، މިހާތަނަށްވެސް މާފަށް އެދި ވަޑައިގެންފައެއް ނުވެއެވެ.
ހެންވޭރު ހުޅަނގު ދާއިރާގެ މެމްބަރު ހަސަން ލަތީފް ހުށަހަޅުއްވާފައިިވާ، ދިވެހި ފުލުހުންގެ ހިދުމަތުގެ ބިލަށް ބަހުސްކުރައްވަމުން، މަޖިލީހުގެ ނާއިބު ރައީސް އީވާ ޢަބްދުﷲ ވިދާޅުވީ، އިބްރާހިމް ރަޝީދަށް ފެބުރުއަރީ އަށެއް 2012 ގައިި ކުރި އަނިޔާ ދިވެހި ހުރިހާ ރައްޔިތުން ދުށްކަމަށާއި، އެހެންކަމުން އެ ވީޑިއޯ މަޖިލީހުގެ ތަޅުމުގައި ދައްކައި ދިނުމަށް އެދޭ ކަމަށެވެ.
އީވާ ވިދާޅުވީ، ދިވެހި ރައްޔިތުންނަށް އަނިޔާ ކުރި މީހުން، އަނިޔާކުރި ކަމަށް ރަސްމީ ސިފައެއްގައި އިއުތިރާފުވެ، މައާފަށް އެދިފައި ނުވާކަމަށާއި، ވީކަމެއް އެއީ ނުވާކަމަކަށް ހަދައިގެން ޤައުމައިގެން ކުރިއަށް ނުދެވޭނެ ކަމަށެވެ.
މިއަދުގެ ޖަލްސާގައި މަޖިލީހުގެ ގިނަ މެމްބަރުން ވަނީ ކުރީގެ ރައީސުލްޖުމްހޫރިއްޔާ، އަދި މަޖިލީހުގެ މިހާރުގެ ރައީސް މުހައްމަދު ނަޝީދުގެ ވެރިކަން ފުރޮޅުނު ހަތެއް ފެބްރުއަރީ އާއި އަށެއް ފެބްރުއަރީގައި ހިނގާދިޔަ ބައެއް ކަންކަން ފާހަގަ ކުރައްވައި، އެދުވަހު ފުލުހުން ހިންގި ބައެއް ޢަމަލުތަކަށް އިންސާފު ލިބެން ޖެހޭ ކަމަށް ވިދާޅުވެފައެވެ.
މިހާރު އޮތް ކޯލިޝަން ސަރުކާރުގެ މައި ޕާޓީ، އެމްޑީގެ ސުޕަ މެޖޯރިޓީ އޮތް ރައްޔިތުންގެ މަޖިލީހުގައި އެކި މުނާސަބާ ތަކުގައި ހަތެއް ފެބްރުއަރީގައި ހިނގާދިޔަ ކަންކަމާއި އަށެއް ފެބްރުއަރީގެ ފުލުހުންގެ އަނިޔާތަކުގެ ވާހަކަ އެމްޑީޕީގެ މެންބަރުން ތަކުރާރުކޮށް ދައްކަވާއިރު މި ސަރުކާރުގެ ފުލުހުންގެ ވެރިއަކަށް ނުވަތަ ހޯމް މިނިސްޓަރެއްގެ ގޮތުގައި ހުންނެވީ އެބޭފުޅުން އެދައްކަވާ ހުރިހާ ވާހަކަތަކެއް ރައްށްދުވާ އެންމެ އިސް ފަރާތެވެ. އަދި އެބޭފުޅުންގެ ހޯމް މިނިސްޓަރ މަޖިލީހުގެ ތަޅުމަށް ގެންދަވައިގެން ސުވާލު ކުރައްވާ ދުވަސްތަކުގައި ވެސް ތަކުރާރުކޮށް އެދުވަހުގެ ހާދިސާއާއި ގުޅޭ ސުވާލުތައް ހޯމް މިނިސްޓަރާއި އަމާޒު ކުރައްވާފައި ވީނަމަވެސް އެތުހުމަތު ތަކަށް އެއްބަސްވެ ވަޑައިގެން، މިހާތަނަށްވެސް މާފަށް އެދި ވަޑައިގެންފައެއް ނުވެއެވެ.
ކިޔުންތެރިންގެ ހިޔާލު