އެއްޖިންސުން ގުޅުން ހިންގިކަމަށް އިއުތިރާފު ވެފައިވާ، ގާނޫނީ ވަކީލު ނާޒިމް ސައްތާރު ތިން މަހާއި 26 ދުވަހަށް ގޭބަންދު ކުރަން ހުކުމް ކޮށްފިއެވެ.
ބަންގްލަދޭޝްގެ ރައްޔިތެއް ކަމަށްވާ އަލަމްގީރާއިއެކު އެއްޖިންސުން ގުޅުން ހިންގި މައްސަލާގައި ނާޒިމްގެ މައްޗަށް ކުރި ދައުވާގެ އިބްތިދާއީ އަޑުއެހުމުގައި ނާޒިމް ވަނީ އެ ކުށަށް އިއުތިރާފު ވެފައެވެ. އެހެންކަމުން ކްރިމިނަލް ކޯޓުގައި މި މައްސަލަ ކުރިޔަށް ގެންގޮސްފައިވަނީ އަވަސް ނިޔާގެ ޝަރީއަތެއްގެ ގޮތުގައެވެ.
މިއަދު ކްރިމިނަލް ކޯޓުން ކުރި ހުކުމުގައި ވަނީ ދައުލަތުން ނާޒިމްގެ މައްޗަށް އުފުލާފައިވާ އެއްޖިންސުން ގުޅުންހިންގުމުގެ ކުށުގެ ދައުވާ އެއްވެސް ޝައްކެއް ނެތް މިންވަރަށް ސާބިތުވެފައިވާތީ އޭނާ ތިން މަހާއި 26 ދުވަހަށް ގޭގައި ބަންދު ކުރުމަށެވެ.
ނާޒިމްގެ މައްޗަށް މި ހުކުމް ކޮށްފައިވާއިރު، އޭނާ މިއަދުވަނީ ދިވެހިރައްޔިތުންގެ ކިބައިން މައާފަށް އެދި ބަޔާނެއް ވެސް ނެރެފައެވެ. ބަޔާނުގައި ބުނެފައިވަނީ، ރާއްޖޭން ބޭރަށް ނުގޮސް ޝަރީއަތް ފުރިހަމަ ކުރަނީ އޭނާ ތައުބާވާން ބޭނުންވާތީ ކަމަށާއި ރައްޔިތުން އޭނާއަށް މައާފު ކުރަން އެދޭ ކަމަށެވެ.
ނާޒިމްގެ މައްޗަށް މި ހުކުމް ކޮށްފައިވާއިރު، އޭނާ މިއަދުވަނީ ދިވެހިރައްޔިތުންގެ ކިބައިން މައާފަށް އެދި ބަޔާނެއް ވެސް ނެރެފައެވެ. ބަޔާނުގައި ބުނެފައިވަނީ، ރާއްޖޭން ބޭރަށް ނުގޮސް ޝަރީއަތް ފުރިހަމަ ކުރަނީ އޭނާ ތައުބާވާން ބޭނުންވާތީ ކަމަށާއި ރައްޔިތުން އޭނާއަށް މައާފު ކުރަން އެދޭ ކަމަށެވެ.
ކިޔުންތެރިންގެ ހިޔާލު