އެއްޖިންސުން ގުޅުން ހިންގާ ވީޑިއޯއަކާ ގުޅިގެން ހައްޔަރުކުރި ނޫސްވެރިޔާ ޢަބްދުﷲ ނަސީރު އިބްރާހީމްގެ މައްސަލަ ބަލައިނުގަނެ ކްރިމިނަލް ކޯޓުން އަނބުރާ ފޮނުވާލައިފިއެވެ.

ނަސީރުކަމަށް ބެލެވޭ މީހަކު އެއްޖިންސުން ގުޅުން ހިންގާ ކަމަށް ތުހުމަތު ކުރެވޭ ވީޑިއޯއެއް މީސްމީޑިއާގައިވަނީ ދައުރުވެފައެވެ. އެ މައްސަލާގައި ހައްޔަރުކުރުމަށްފަހު ފުލުހުންގެ ބަންދުން އޭނާ ދޫކޮށްލާފައިވަނީ ދައުވާކޮށްދިނުމަށް އެދި ޕްރޮސިކިއުޓާ ޖެނަރަލްގެ އޮފީހަށް މައްސަލަ ފޮނުވުމަށްފަހުއެވެ.

މަޢުލޫމާތު ލިބިފައިވާ ގޮތުގައި ނަސީރަށް ކޮށްފައިވާ ދައުވާގައި އަސާސީ ކަންތައްތަކެއް ފުރިހަމަ ނުވާތީ ކްރިމިނަލް ކޯޓުގެ ރަޖިސްޓްރާ ވަނީ އެމައްސަލަ ބަލައި ނުގަތުމަށް ނިންމާފައެވެ. އެހެންކަމުން އެނިންމުން ރިވިއުކޮށް ދިނުމަށްއެދި ޕީޖީ އޮފީހުން މިހާރުވަނީ މައްސަލަ ކްރިމިނަލް ކޯޓުގެ ޤާޟީންގެ މަޖިލީހަށް ހުށަހަޅައިފައެވެ.

މި ފަހުން ފަޅާއެރި ލިވާތުކުރިކަމަށް ތުހުމަތުކުރެވޭ މައްސަލައިގައި ނަސީރުގެ އިތުރުންވެސް ގިނަ ބަޔަކު ވަނީ ހައްޔަރުކޮށްފައެވެ.

އޭގެތެރެއިން ގާނޫނީ ވަކީލު ނާޒިމް އަބްދުއްސައްތާރާއި ބަންގްލަދޭޝްގެ އަލަމްގީރަށް ކުށްސާބިތުވެ މިހާރުވަނީ ޙުކުމްކޮށްފައެވެ.