މިދިޔަ ބުރާސްފަތި ދުވަހު މެންދުރު ފަހު މާލެއިން ފުރައިގެން އއ. އުކުޅަހަށް ދަތުރުކުރި ލޯންޗެއް ބަންޑުން ޖަހާލި ހާދިސާގައި ސަލާމަތްވި މީހާ އިތުރު ފަރުވާއަށް މިއަދު މާލެ ގެނެސްފި އެވެ.
ފުލުހުން ބުނީ، ލޯންޗުން ދަތުރުކުރި އެކަކު ގެއްލިގެން އަދިވެސް ހޯދަމުން ދާއިރު، ދެވަނަ މީހާ ފެނިފައި ވަނީ އއ. ފެރިދޫ ފުއްޓަރާ ދިމާލުން ކަމަށެވެ. ލޯންޗު ފުރީ މާލޭގެ ކުރީގެ ކުނިކޮއްޓާއި ދިމާލުން ކަމަށާއި އެ ލޯންޗުން ދަތުރުކުރީ ދިވެހި ދެ ފިރިހެނުން ކަމަށް ފުލުހުންވަނީ ބުނެފައެވެ.
"ޢާއިލާއިން އެދިގެން އިތުރު ފަރުވާއަށް އެމީހާ މިއަދުވަނީ މާލެ ގެނެސްފައި. އޭނާއަށް މިހާރު ފަރުވާ ދެމުން ދަނީ އައިޖީއެމްއެޗްގައި،" ފުލުހުން ބުންޏެވެ.
ލޯންޗު ބަންޑުންޖަހާލާފައި އޮއްވައި ފެނިފައިވަނީ އއ. މާޅޮސް ކައިރިންނެވެ.
ލޯންޗު ބަންޑުންޖަހާލާފައި އޮއްވައި ފެނިފައިވަނީ އއ. މާޅޮސް ކައިރިންނެވެ.
ކިޔުންތެރިންގެ ހިޔާލު