އައްޑު އަތޮޅު ހިތަދޫން ފުރައިގެން މަސް ހިފަން ދިޔަ ޑިންގީއެއްގައި ހުރި މީހަކު ގެއްލިގެން ހޯދަމުން ދަނިކޮށް މޫދު އަޑިން ފެނިއްޖެއެވެ.
ސ. ހިތަދޫ ފެހިވިނަ ތޮލާލް އަޙްމަދު 24 އަހަރު ގެއްލިގެން ހޯދަމުން ދަނިކޮށް ފެނިފައިވަނީ މޫދު އަޑިންނެވެ. އޭނާ ނަގައިގެން މިހާރު ވަނީ އައްޑޫ އިކުއިޓޯރިއަލް ހޮސްޕިޓަލަށް ގެންގޮސްފައިކަމަށް އެމްއެންޑީއެފުން މަޢުލޫމާތު ދެއެވެ.
އެމްއެންޑީއެފުން ބުނީ، އައްޑޫ ސިޓީ ހިތަދޫން ފުރި ޑިންގީއަކުން މަސް ހިފަން ތިން މީހަކު ދިޔަ ކަމަށެވެ. އޭގެ ތެރެއިން މަސްހިފަން މޫދަށްފޭބި ތޮލާލަށް އިތުރު ފަރުވާދެމުން އަންނަނިކޮށް މިއަދު 13:05 ގައި ނިޔާވެފައިވާކަމަށް މަޢުލޫމާތު ލިބިފައިވެއެވެ.
ތޮލާލް ގެއްލިގެން އުޅޭކަމުގެ ރިޕޯޓް ލިބުނީ މިއަދު ހެނދުނު 11:32 ހާއިރު ކަމަށް އެމްއެންޑީއެފުން މަޢުލޫމާތުދީފައިވެއެވެ. އަދި އޭނާ ހޯދުމުގެ މަސައްކަތުގައި ސަދާން އޭރިއާ ކޯސްޓްގާޑް ސްކޮޑްރަނުން ވަނީ ޙަރަކާތްތެރިވެފައެވެ.
ތޮލާލް ގެއްލިގެން އުޅޭކަމުގެ ރިޕޯޓް ލިބުނީ މިއަދު ހެނދުނު 11:32 ހާއިރު ކަމަށް އެމްއެންޑީއެފުން މަޢުލޫމާތުދީފައިވެއެވެ. އަދި އޭނާ ހޯދުމުގެ މަސައްކަތުގައި ސަދާން އޭރިއާ ކޯސްޓްގާޑް ސްކޮޑްރަނުން ވަނީ ޙަރަކާތްތެރިވެފައެވެ.
ކިޔުންތެރިންގެ ހިޔާލު