ގދ. ފަރެސްމާތޮޑާގެ 14 މޭލު ބޭރުން މުދާ އުފުލާ ބާޖެއް ބަންޑުން ޖަހާލައި މީހަކު ގެއްލިއްޖެއެވެ.
މޯލްޑިވްސް ނެޝަނަލް ޑިފެންސް ފޯސް (އެމްއެންޑީއެފް) އިން ބުނީ ގދ.ފަރެސްމާތޮޑާއިން ފުރައިގެން 4 މީހުންނާއިއެކު ދަތުރުކުރަމުން ދިޔަ "ލިއޯ ސަކްސަސް"ނަމަކަށް ކިޔާ ލޭންޑިންގކްރާފްޓެއްގެ ބެޓެރި ފެއިލްވެ، ދިޔަވުމުގެ ސަބަބުން ބައްޑުންޖަހާލާފައިވާ ކަމަށެވެ.
އެމްއެންޑީއެފުން ބުނީ އެޙާދިސާގައި ލޭންޑިންގ ކްރާފްޓުން ދަތުރުކުރި އެކަކު ގެއްލިގެން އެމީހާ ހޯދުމަށް ސަދަން އޭރިއާ ކޯސްޓްގާޑް ސްކޮޑްރަންއިން މިހާރު ހަރަކާތްތެރިވާންފަށާފައިވާ ކަމަށެވެ.
ފުލުހުން ބުނީ ލޭންޑިންގ ކްރާފްޓުން ދަތުރުކުރި މީހުން ސަލާމަތްކުރީ ވާދޫ ސީވީޑް ދޯނިން ކަމަށެވެ. އަދި އެސަރަޙައްދުގައި ސިފައިންނާއި ފުލުހުން ޙަރަކާތްތެރިވަމުންދާކަމަށްވެސް ފުލުހުން ވަނީ ބުނެފައެވެ.
ފުލުހުން ބުނީ ލޭންޑިންގ ކްރާފްޓުން ދަތުރުކުރި މީހުން ސަލާމަތްކުރީ ވާދޫ ސީވީޑް ދޯނިން ކަމަށެވެ. އަދި އެސަރަޙައްދުގައި ސިފައިންނާއި ފުލުހުން ޙަރަކާތްތެރިވަމުންދާކަމަށްވެސް ފުލުހުން ވަނީ ބުނެފައެވެ.
ކިޔުންތެރިންގެ ހިޔާލު