58 ފަހަރު ހައްޔަރު ކުރި މީހަކު ވައްކަން ކުރަން އުޅެނިކޮށް އަނެއްކާވެސް ހައްޔަރުކޮށްފިއެވެ.
އައްޑޫ ސިޓީ ފޭދޫއަށް ނިސްބަތްވާ މި މީހާ މިފަހަރު ހައްޔަރުކޮށްފައިވަނީ ކޯސްޓްލައިންގެ އޮފީހުގެ ތިޖޫރީ ފަޅާލަން މަސައްކަތް ކުރަމުންދަނިކޮށް އެ އޮފީހުގެ ތެރެއިންނެވެ. ވައްކަމުގެ މި މައްސަލަ ފުލުހުންނަށް ރިޕޯޓްކުރީ ތިޖޫރިގައި ތަޅާ އަޑު އިވިގެން އެއޮފީހުގެ މުވައްޒަފެކެވެ.
ޢުމުރުން 40 އަހަރުގެ މިމީހާގެ އިތުރުން އެ އޮފީހުގެ ތެރެއިން އިތުރު ތިން މީހަކު ފުލުހުން ހައްޔަރުކޮށްފައިވެއެވެ. ފުލުހުން ކޯޓުގައި ބުނެފައިވަނީ އެ މީހުން އަތުން ވައްކަން ކުރަން ބޭނުންކުރާ ބައެއް އާލާތް ފެނިފައިވާ ކަމަށެވެ.
ވައްކަމުގެ މިމައްސަލައިގައި ބަންދާމެދު ގޮތެއް ނިންމުމަށް ކްރިމިނަލް ކޯޓަށް ހާޒިރުކުރުމުން އޭނާގެ ބަންދަށް ފުރަތަމަ ދިނީ ފަސް ދުވަހެވެ. އަދި އިއްޔެ އޭނާގެ ބަންދު މުރާޖައާކުރަން ކޯޓަށް ގެންދިއުމުން ވަނީ ބަންދުގެ މުއްދަތަށް 45 ދުވަސް ދީފަ އެވެ.
ވައްކަމުގެ މިމައްސަލައިގައި ބަންދާމެދު ގޮތެއް ނިންމުމަށް ކްރިމިނަލް ކޯޓަށް ހާޒިރުކުރުމުން އޭނާގެ ބަންދަށް ފުރަތަމަ ދިނީ ފަސް ދުވަހެވެ. އަދި އިއްޔެ އޭނާގެ ބަންދު މުރާޖައާކުރަން ކޯޓަށް ގެންދިއުމުން ވަނީ ބަންދުގެ މުއްދަތަށް 45 ދުވަސް ދީފަ އެވެ.
ކިޔުންތެރިންގެ ހިޔާލު