ޕޮލިސް ބޯޑުގެ ހުސްވެފައިވާ މެމްބަރުކަމަށް ކުރީގެ ޕޮލިސް ކޮމިޝަނަރު އަޙުމަދު ފަސީހު މިއަދު އައްޔަންކޮށްފިއެވެ.
ޕޮލިސް ބޯޑުގެ މެންބަރެއްގެ ގޮނޑި ހުސްވީ އެ ބޯޑުގެ ރައީސްކަމުގެ މަޤާމުގައި ހުންނެވި، މއ. މަނާގެ ޢަލީ ފާއިޒް ދިވެހިރާއްޖެއިން ސްރީލަންކާއަށް ކަނޑައަޅާ ސަފީރު ކަމުގެ މަގާމަށް އައްޔަންކުރެއްވުމާ ގުޅިގެންނެވެ.
ކޮމިޝަނަރ އޮފް ޕޮލިސް ރިޓަޔާރޑް އަހުމަދު ފަސީހު ކުރީގެ ރައީސް މުހައްމަދު ނަޝީދުގެ ސަރުކާރުގައި ކޮމިޝަނަރ އޮފް ޕޮލިސްގެ މަޤާމު ވަނީ ފުރުއްވާފައެވެ. އަދި ރައީސް ނަޝީދު އިސްތިއުފާދެއްވި އިރުވެސް ކޮމިޝަނަރ އޮފް ޕޮލިސްގެ މަޤާމުގައި ހުންނެވީ ފަސީޙެވެ. އޭގެ ފަހުން ފަސީޙްވަނީ ސަރުކާރު ޙިއްސާވާ ކުންފުނިތަކުގެ އިސް މަޤާމުތަކެއް ފުރުއްވާފައެވެ.
ފަސީޙް ވަނީ ފުލުހުންގެ ޚިދުމަތުގައި 23 އަހަރު ޚިދުމަތް ކުރަށްވާފައެވެ.
ފުލުހުންގެ ޚިދުމަތުގެ ޤާނޫނުގެ ދަށުން "ޕޮލިސް ބޯޑު" އެކުލަވާލާފައިވަނީ 2021 ވަނަ އަހަރުގެ އޭޕްރީލް 9 ވަނަ ދުވަހުއެވެ. ޕޮލިސް ބޯޑް އެކުލެވިގެންވަނީ 7 މެމްބަރުންގެ މައްޗަށެވެ.
މިބޯޑަކީ ރައީސުލްޖުމްހޫރިއްޔާ އައްޔަން ކުރައްވަން ޖެހޭ ބޯޑެއްގެ ގޮތުގައި ގާނޫނުގައި އޮތްއިރު ބޯޑުގައި ހިމެނެނީ ރައީސުލްޖުމްހޫރިއްޔާ އައްޔަނުކުރާ 2 މެމްބަރުންނާއި ފަންނީ ދާއިރާއަކުން ތައުލީމާއި ތަޖުރިބާ ލިބިފައިވާ 3 މީހުންގެ އިތުރުން އާންމު ރައްޔިތުންގެ ތެރެއިން ކުރިމަތިލާ 2 މީހުންނެވެ.
ޕޮލިސް ބޯޑުގައި މިހާރު ތިއްބަވަނީ ބޯޑުގެ ނާއިބުރައީސް މ. ހަޒާރީވިލާ އަޙްމަދު ފަޔާޟް ޙަސަނާއި، ޢާއިޝަތު ނޫރާ މުޙައްމަދު ހ.ނޫމުތީ، އަޙްމަދު ނާޝިދު މއ.ގޯލްޑަންމޫން، އާދަމް އިބްރާހީމް ގ.ޑިމްލައިޓް، ޙާމިދު ޢަބްދުލްޣަފޫރު ހ.ޝޭޑީކޯނަރ އަދި ޞަފާ ޝަރީފް ދެތަޑިމާގެ ސ.ހުޅުދޫއެވެ.
2020 ވަނަ އަހަރުގެ ޑިސެމްބަރުމަހުގެ 6 ވަނަ ދުވަހު މަޖިލީހުން ފާސްކޮށް، ޑިސެމްބަރުމަހުގެ 27 ވަނަ ދުވަހު ރައީސުލްޖުމްހޫރިއްޔާ ތަސްދީޤްކުރެއްވި ދިވެހި ފުލުހުންގެ ޚިދުމަތުގެ ޤާނޫނުގެ ދަށުން ފުލުހުންގެ މުއައްސަސާއަށް ބޮޑެތި ބަދަލުތަކެއް ދަނީ ގެންނަމުންނެވެ.
ކޮމިޝަނަރ އޮފް ޕޮލިސް ރިޓަޔާރޑް އަހުމަދު ފަސީހު ކުރީގެ ރައީސް މުހައްމަދު ނަޝީދުގެ ސަރުކާރުގައި ކޮމިޝަނަރ އޮފް ޕޮލިސްގެ މަޤާމު ވަނީ ފުރުއްވާފައެވެ. އަދި ރައީސް ނަޝީދު އިސްތިއުފާދެއްވި އިރުވެސް ކޮމިޝަނަރ އޮފް ޕޮލިސްގެ މަޤާމުގައި ހުންނެވީ ފަސީޙެވެ. އޭގެ ފަހުން ފަސީޙްވަނީ ސަރުކާރު ޙިއްސާވާ ކުންފުނިތަކުގެ އިސް މަޤާމުތަކެއް ފުރުއްވާފައެވެ.
ފަސީޙް ވަނީ ފުލުހުންގެ ޚިދުމަތުގައި 23 އަހަރު ޚިދުމަތް ކުރަށްވާފައެވެ.
ފުލުހުންގެ ޚިދުމަތުގެ ޤާނޫނުގެ ދަށުން "ޕޮލިސް ބޯޑު" އެކުލަވާލާފައިވަނީ 2021 ވަނަ އަހަރުގެ އޭޕްރީލް 9 ވަނަ ދުވަހުއެވެ. ޕޮލިސް ބޯޑް އެކުލެވިގެންވަނީ 7 މެމްބަރުންގެ މައްޗަށެވެ.
މިބޯޑަކީ ރައީސުލްޖުމްހޫރިއްޔާ އައްޔަން ކުރައްވަން ޖެހޭ ބޯޑެއްގެ ގޮތުގައި ގާނޫނުގައި އޮތްއިރު ބޯޑުގައި ހިމެނެނީ ރައީސުލްޖުމްހޫރިއްޔާ އައްޔަނުކުރާ 2 މެމްބަރުންނާއި ފަންނީ ދާއިރާއަކުން ތައުލީމާއި ތަޖުރިބާ ލިބިފައިވާ 3 މީހުންގެ އިތުރުން އާންމު ރައްޔިތުންގެ ތެރެއިން ކުރިމަތިލާ 2 މީހުންނެވެ.
2020 ވަނަ އަހަރުގެ ޑިސެމްބަރުމަހުގެ 6 ވަނަ ދުވަހު މަޖިލީހުން ފާސްކޮށް، ޑިސެމްބަރުމަހުގެ 27 ވަނަ ދުވަހު ރައީސުލްޖުމްހޫރިއްޔާ ތަސްދީޤްކުރެއްވި ދިވެހި ފުލުހުންގެ ޚިދުމަތުގެ ޤާނޫނުގެ ދަށުން ފުލުހުންގެ މުއައްސަސާއަށް ބޮޑެތި ބަދަލުތަކެއް ދަނީ ގެންނަމުންނެވެ.
ކިޔުންތެރިންގެ ހިޔާލު