ހުޅުމާލޭގައި ހުންނަ ފިޔަވަތީގައި ދިރިއުޅޭ ކުދިންނަށް އަމާޒުކޮށްގެން ހައުސިން ޑިވެލޮޕްމެންޓް ކޯޕަރޭޝަން، އެޗްޑީސީން ޚާއްސަ ހަވީރެއް ބާއްވައިފިއެވެ.

އެޗްޑީސީގެ އިޖުތިމާޢީ ޒިންމާގެ ދަށުން އިއްޔެ ހަވީރު ކުރިއަށްގެންދިޔަ މިޙަރަކާތުގައި ފިޔަވަތީގައި ދިރިއުޅޭ ނުވަދިހައަށްވުރެ ގިނަ ޢަދަދެއްގެ ކުދިން ބައިވެރިވެފައިވާކަމަށް އެޗްޑީސީން ވަނީ ބުނެފައެވެ.

“ފިޔަވަތި ފަންޑޭ" ގެ ނަމުގައި ފަރުކޮޅުފުށީގައި ކުރިއަށް ގެންދިޔަ މިހަރަކާތަކީ 2022ވަނަ އަހަރުގެ އިޖްތިމާޢީ ޙަރަކާތްތައް ނިންމާލުމުގެ ގޮތުން ބޭއްވި ހަރަކާތެއްކަމަށްވެސް އެޗްޑިސީން ބުނެއެވެ.

We have summed up our CSR activities for the year with “Fiyavathi Fun Day” for over 90 kids living at Fiyavathi. It was a joy to see the happiness on the their faces as we handed all of them gifts.
We will always continue to do our part to leave a smile on these little angels. pic.twitter.com/vMK9BrIp7C

— HDC (@hdcmaldives) December 31, 2022

އެޗްޑީސީން ބުނީ މިޙަރަކާތުގައި ބައިވެރިވި ކުދިންގެ މޫނުމަތިން ފެނުނު ހިތްހަމަޖެހުމާއި އުފާވެރިކަމާއެކު އެ ކޯޕަރޭޝަނުން މި ޙަރަކާތް ކުރިއަށް ގެންދިޔަ މަޤުސަދު ޙާސިލުވެފައިވާ ކަމަށެވެ.

ފިޔަވައްޗަކީ ދައުލަތުގެ ބެލުމުގެ ދަށަށް ގެންދެވޭ ކުދިން ބަލަހައްޓާ ތަނެކެވެ. އިއްޔެގެ ޙަރަކާތުގައި އެޗްޑީސީން ވަނީ ފިޔަވަތީގައި ދިރިއުޅޭ ކުދިންނަށް ހަދީޔާދީފައިކަމަށްވެސް އެޗްޑީސީން މަޢުލޫމާތުދެއެވެ.