މިދިޔަ އަހަރުގެ ޖޫން މަހުގެ 21 ވަނަ ދުވަހު ގަލޮޅު ދަނޑުގައި ޔޯގާ ހަރަކާތް ކުރިއަށް ދަނިކޮށް ގިނަ އަދަދެއްގެ ބަޔަކު އެތަނަށް ވަދެ، އެތަނުގައި ތިބި މީހުންނަށް ހުރަސްއަޅައި ހަމަނުޖެހުން ހިންގި މައްސަލާގައި ދަޢުލަތުން ދުޢުވާ އުފުލާފައިވާ ޝައިހް އާދަމް ނިޝާނާއި، ޝައިހް މުހައްމަދު ފަޒްލޫނުގެ ޝަރީޢަތުގެ އަޑުއެހުމެއް މިއަދު ކްރިމިނަލް ކޯޓުގައި ކުރިއަށް ގެންގޮސްފިއެވެ.
ފަޟްލޫނާއި ނިޝާންގެ މައްޗަށް ދައުލަތުން ދައުވާ ކުރަނީ، ޓެރަރިޒަމް މަނާ ކުރުމުގެ ގާނޫނުގެ ދަށުންނެވެ. އެމީހުންގެ މައްޗަށް ކުރަނީ ޓެރަރިޒަމްގެ އަމަލެއް ކުރުމަށް ހިތްވަރު ދިނުމުގެ ކުށުގެ ދައުވާއެވެ.
މި މައްސަލައިގެ މިއަދުގެ އަޑުއެހުމުގައި އެ ދެމީހުންގެ ވަކީލު ވިދާޅުވީ، މައްސަލައާ ގުޅޭ ލިއެކިއުންތައް ލިބިފައިވާ ކަމަށާއި، ދައުވާއަށް ޖަވާބުދާރީވުމުގެ ކުރިން ލިއެކިއުންތައް ދިރާސާކުރަން ބޭނުންވާ ކަމަށެވެ. ހަމައެއާއެކު މި މައްސަލައިގެ މަންޒަރުތައް ވަގުތުން ދުރަށް ފެންނާނެ ގޮތަކަށް ކުރިއަށް ގެންދިއުމަށްވެސް ވަކީލް އެދިލައްވާފައިވެއެވެ.
ކްރިމިނަލް ކޯޓުގައި މި މައްސަަލަ ބައްލަވާ ޤާޟީ ހުސައިން ފާއިޒު ރަޝާދު ވިދާޅުވީ މައްސަލައިގެ އަޑުއެހުންތައް ވަގުތުން ދުރަށް ފޮނުވުމާމެދު ދެން އޮންނަ އަޑުއެހުމެއްގައި ގޮތެއް ނިންމަވާނެ ކަމަށެވެ. ހަމައެއާއެކު މި މައްސަލައިގެ އަޑުއެހުމެއް ދެން އޮންނާނީ އަންނަ މާރޗު މަހުގެ 13 ގައި ކަމަށް ޤާޟީ ވިދާޅުވިއެވެ.
ދެ ޝައިޚުން ހައްޔަރުކުރީ މިދިޔަ އަހަރުގެ ޖޫން މަހުގެ 21 ވަނަ ދުވަހު ގަލޮޅު ރަސްމީ ދަނޑުގައި ކުރިއަށްގެންދިޔަ، ބައިނަލްއަގުވާމީ ޔޯގާ ދުވަސް ފާހަގަކުރުމަށް ބޭއްވި ހަރަކާތް ހުއްޓުވައި ހިންގި ހަމަނުޖެހުމާ ގުޅިގެންނެވެ. އެ ހަމަނުޖެހުމާ ގުޅިގެން ދައުލަތުން 18 މީހެއްގެ މައްޗަށް ދައުވާ އުފުލާފައިވެއެވެ.
ޔޯގާ ދުވަސް ފާހަގަކުރުމަށް ބޭއްވި ހަރަކާތަކީ ޔޫތު މިނިސްޓްރީއާއި ރާއްޖޭގައި ހުންނަ އިންޑިއާ އެމްބަސީން އިންތިޒާމްކޮށްގެން ބޭއްވި ހަރަކާތެކެވެ. މި ހަރަކާތުގައި ބައިވެރިވި، ބޭރު ގައުމުތަކުގެ ސަފީރުންނާއި ޑިޕްލޮމެޓުންނާއި އާންމުންނަށް ހަމަލާދީ، ބައެއް ތަކެއްޗަށް ވެސް ވަނީ ގެއްލުން ދީފައެވެ.
ދެ ޝައިޚުން ފުލުހުންގެ ހައްޔަރުގައިވެސް އެތައް ދުވަހެއް ވަންދެން ބޭތިއްބިއެވެ. ނަމަވެސް، މިވަގުތު ތިއްބެވީ ކޯޓުން ދޫކޮށްލަން އަމުރު ކުރުމުން ފުލުހުންގެ ބަންދުން ދޫކޮށްލާފައެވެ.
މި މައްސަލައިގެ މިއަދުގެ އަޑުއެހުމުގައި އެ ދެމީހުންގެ ވަކީލު ވިދާޅުވީ، މައްސަލައާ ގުޅޭ ލިއެކިއުންތައް ލިބިފައިވާ ކަމަށާއި، ދައުވާއަށް ޖަވާބުދާރީވުމުގެ ކުރިން ލިއެކިއުންތައް ދިރާސާކުރަން ބޭނުންވާ ކަމަށެވެ. ހަމައެއާއެކު މި މައްސަލައިގެ މަންޒަރުތައް ވަގުތުން ދުރަށް ފެންނާނެ ގޮތަކަށް ކުރިއަށް ގެންދިއުމަށްވެސް ވަކީލް އެދިލައްވާފައިވެއެވެ.
ކްރިމިނަލް ކޯޓުގައި މި މައްސަަލަ ބައްލަވާ ޤާޟީ ހުސައިން ފާއިޒު ރަޝާދު ވިދާޅުވީ މައްސަލައިގެ އަޑުއެހުންތައް ވަގުތުން ދުރަށް ފޮނުވުމާމެދު ދެން އޮންނަ އަޑުއެހުމެއްގައި ގޮތެއް ނިންމަވާނެ ކަމަށެވެ. ހަމައެއާއެކު މި މައްސަލައިގެ އަޑުއެހުމެއް ދެން އޮންނާނީ އަންނަ މާރޗު މަހުގެ 13 ގައި ކަމަށް ޤާޟީ ވިދާޅުވިއެވެ.
ދެ ޝައިޚުން ހައްޔަރުކުރީ މިދިޔަ އަހަރުގެ ޖޫން މަހުގެ 21 ވަނަ ދުވަހު ގަލޮޅު ރަސްމީ ދަނޑުގައި ކުރިއަށްގެންދިޔަ، ބައިނަލްއަގުވާމީ ޔޯގާ ދުވަސް ފާހަގަކުރުމަށް ބޭއްވި ހަރަކާތް ހުއްޓުވައި ހިންގި ހަމަނުޖެހުމާ ގުޅިގެންނެވެ. އެ ހަމަނުޖެހުމާ ގުޅިގެން ދައުލަތުން 18 މީހެއްގެ މައްޗަށް ދައުވާ އުފުލާފައިވެއެވެ.
ދެ ޝައިޚުން ފުލުހުންގެ ހައްޔަރުގައިވެސް އެތައް ދުވަހެއް ވަންދެން ބޭތިއްބިއެވެ. ނަމަވެސް، މިވަގުތު ތިއްބެވީ ކޯޓުން ދޫކޮށްލަން އަމުރު ކުރުމުން ފުލުހުންގެ ބަންދުން ދޫކޮށްލާފައެވެ.
ކިޔުންތެރިންގެ ހިޔާލު