ދިވެހި ސިފައިންގެ އަސްކަރީ ތަމްރީނެއް ކ. ގިރިފުށީގައި ކުރިއަށް ގެންދިއުމަށް ހަމަޖެހިފައިވާތީ އެ ސަރަހައްދުން ކަނޑު ދަތުރުފަތުރުކުރާ މީހުން ސަމާލުވުމަށް އެމްއެންޑީއެފުން އިލްތިމާސްކޮށްފިއެވެ.

އެމްއެންޑީއެފުން ބުނީ މި ތަމްރީނުތައް ކުރިއަށްދާނީ މި މަހުގެ 16 ވަނަ ދުވަހުގެ އިރުއޮއްސި 6:00 އިން ފެށިގެން ރޭގަނޑު 11:00 އަށް ކަމަށެވެ.

މި އަސްކަރީ ތަމްރީނުގައި AK103 ރައިފަލް ބޭނުންކޮށްގެން ގިރިފުށީގެ ރޭންޖުން ހުޅަނގު ދެކުނުން ވައިގެ ސަރަހައްދަށް ބަޑިޖަހާނެ ކަމަށް އެމްއެންޑީއެފުން މައުލޫމާތުދެއެވެ. އެގޮތުން ވައިގެ ސަރަހައްދު ބޭނުންކުނެ އެންމެ ދުރުމިނަކީ 3000 މީޓަރު ކަމަށާއި، ވައިގެ ސަރަހައްދު ބޭނުންކުރާނެ އެންމެ އުސްމިނަކީ 300 މީޓަރު ކަމަށް އެމްއެންޑީއެފުން ހާމަކޮށްފައިވެއެވެ.

އަދި މި ތަމްރީނުގައި ވައިގެ ސަރަހައްދު ބޭނުންކުރާނެ އެންމެ ތިރިމިނަކީ ސީ.ލެވެލް ކަމަށް ބުނެފައިވާއިރު، މި ސަރަހައްދުން ކަނޑުދަތުރުފަތުރު ކުރާ ފަރާތްތަކުން މިކަމަށް ސަމާލުކަން ދިނުމަށް އެމްއެންޑީއެފުން ވަނީ އެދިފައެވެ.