ފުލުހުންގެ ފޮރެންސިކްގެ ބެލުމުގެދަށަށް ގެނެވޭ ހެއްކެއްގައިހުންނަ އެއްވެސް މައުލޫމާތެއް ލީކުނުވާނެ ކަމަށް ދިވެހި ފުލުހުންގެ ޚިދުމަތުން ހާމަކޮށްފިއެވެ.
ފުލުހުން މި ބީދައިން ބުނެފައިވާއިރު ފުލުހުން ބަލަމުންދިޔަ މައްސަލައަކާއި ގުޅިގެން ފުލުހުންގެ ބެލުމުގެ ދަށަށް ގެންދިޔަ ފޯނެއްގައި ހުރި ފޮޓޯ އާއި ވީޑިއޯތަކެއް ލީކު ކޮށްލާފައިވާކަމަށް ޢާއްމު ފަރާތަކުން މީސްމީޑިއާގައި ވަނީ ތުހުމަތު ކޮށްފައެވެ.
އެކަމާ ގުޅިގެން ފުލުހުންގެ މީޑިއާ އޮފިޝަލް މިއަދު ވިދާޅުވީ، ފުލުހުންގެ ބެލުމުގެ ދަށަށް ހެކީގެ ގޮތުގައި ގެނެވޭ ތަކެތި ގެންގުޅުމާއި ބެލެހެއްޓުމުގައި ޢަމަލުކުރަނީ ގާނޫނުގައިވާ ގޮތުގެ މަތިން ކަމަށެވެ. އަދި އެފަދަ ހެކިތައް ބަލަހައްޓަނީ ބައިނަލްއަގުވާމީ ބެސްޓް ޕްރެކްޓިސްއާ އެއްގޮތަށް ކަމަށްވެސް މީޑިއާ އޮފިޝަލް ވިދާޅުވިއެވެ.
ހަމައެއާއެކު، ފުލުހުންގެ ފޮރެންސިކް ލެބޯރަޓަރީގެ މަސައްކަތްތައް ތަރުތީބުކުރެވިފައި ހުންނަނީ އެ ލެބޯރަޓަރީއަށް ގެންނަ ހެކިތަކުގެ ޕްރައިވެސީ ރައްކާތެރިކޮށްދެވޭ ގޮތަށް ކަމަށްވެސް މީޑިއާ އޮފިޝަލް ވިދާޅުވިއެވެ.
"ފޮރެންސިކްގެ ބެލުމުގެ ދަށަށް ގެނެވޭ ހެއްކެއްގައި ހުންނަ އެއްވެސް މައުލޫމާތެއް ލީކު ނުވާނެ ކަމުގެ ފުރިހަމަ ޔަގީންކަން މި ޚިދުމަތަށް އޮވޭ." ފުލުހުންގެ މީޑިއާ އޮފިޝަލް ވިދާޅުވިއެވެ.
މަސްތުވާތަކެތީގެ މައްސަލައަކާއި ގުޅިގެން ފުލުހުންގެ ބަންދުގައި ދުވަސްތަކެއް ހޭދަކޮށްފައިވާ އައިމިނަތު ރިޝްފާ އިއްޔެ މީސްމީޑިއާގައި ބުނެފައިވަނީ، ނޮވެމްބަރު 2022ން ފެށިގެން ޑިސެމްބަރު 2022ށް އޭނާގެ ފޯނު އޮތީ ފުލުހުންގެ ބެލުމުގެ ދަށުގައި ކަމަށާއި ނަމަވެސް މިހާރު އޭގައި ހުރި ޒާތީ ބައެއް މަންޒަރުތައް ލީކު ކޮށްލާފައިވާ ކަމަށެވެ.
އޭނާ ވަނީ ފުލުހުންގެ ބެލުމުގެ ދަށަށް އޭނާގެ ފޯނު އޭރު ގެންދިޔަ ފަހުން އޭނާގެ ޒާތީ ފޮޓޯތަކާއި ވީޑިއޯތައް ލީކުވެފައިވާކަމަށް ބުނެފައެވެ. އޭނާގެ ޕޯސްޓަށް ކޮމެންޓު ކުރި ބައެއް ފަރާތްތަކުންވެސް ވަނީ ފުލުހުންގެ ތެރެއިން އެކަން އެގޮތަށް ހިނގާކަމަށް ބުނެފައެވެ.
އެގޮތުން ސިނަމާލެ ބްރިޖްގައި ސައިކަލަކާއި ކާރެއް ޖެހި، ވިޔަފާރިވެރިޔާ އިސްމާއިލް މޫސާ (ޖަމްބޯ އިއްސެ) މަރުވި އެކްސިޑެންޓުގެ މަންޒަރު ފެންނަ ވީޑިއޯވެސް ވަނީ ލީކުވެފައެވެ.
އެކަމާ ގުޅިގެން ފުލުހުންގެ މީޑިއާ އޮފިޝަލް މިއަދު ވިދާޅުވީ، ފުލުހުންގެ ބެލުމުގެ ދަށަށް ހެކީގެ ގޮތުގައި ގެނެވޭ ތަކެތި ގެންގުޅުމާއި ބެލެހެއްޓުމުގައި ޢަމަލުކުރަނީ ގާނޫނުގައިވާ ގޮތުގެ މަތިން ކަމަށެވެ. އަދި އެފަދަ ހެކިތައް ބަލަހައްޓަނީ ބައިނަލްއަގުވާމީ ބެސްޓް ޕްރެކްޓިސްއާ އެއްގޮތަށް ކަމަށްވެސް މީޑިއާ އޮފިޝަލް ވިދާޅުވިއެވެ.
ހަމައެއާއެކު، ފުލުހުންގެ ފޮރެންސިކް ލެބޯރަޓަރީގެ މަސައްކަތްތައް ތަރުތީބުކުރެވިފައި ހުންނަނީ އެ ލެބޯރަޓަރީއަށް ގެންނަ ހެކިތަކުގެ ޕްރައިވެސީ ރައްކާތެރިކޮށްދެވޭ ގޮތަށް ކަމަށްވެސް މީޑިއާ އޮފިޝަލް ވިދާޅުވިއެވެ.
"ފޮރެންސިކްގެ ބެލުމުގެ ދަށަށް ގެނެވޭ ހެއްކެއްގައި ހުންނަ އެއްވެސް މައުލޫމާތެއް ލީކު ނުވާނެ ކަމުގެ ފުރިހަމަ ޔަގީންކަން މި ޚިދުމަތަށް އޮވޭ." ފުލުހުންގެ މީޑިއާ އޮފިޝަލް ވިދާޅުވިއެވެ.
މަސްތުވާތަކެތީގެ މައްސަލައަކާއި ގުޅިގެން ފުލުހުންގެ ބަންދުގައި ދުވަސްތަކެއް ހޭދަކޮށްފައިވާ އައިމިނަތު ރިޝްފާ އިއްޔެ މީސްމީޑިއާގައި ބުނެފައިވަނީ، ނޮވެމްބަރު 2022ން ފެށިގެން ޑިސެމްބަރު 2022ށް އޭނާގެ ފޯނު އޮތީ ފުލުހުންގެ ބެލުމުގެ ދަށުގައި ކަމަށާއި ނަމަވެސް މިހާރު އޭގައި ހުރި ޒާތީ ބައެއް މަންޒަރުތައް ލީކު ކޮށްލާފައިވާ ކަމަށެވެ.
އެގޮތުން ސިނަމާލެ ބްރިޖްގައި ސައިކަލަކާއި ކާރެއް ޖެހި، ވިޔަފާރިވެރިޔާ އިސްމާއިލް މޫސާ (ޖަމްބޯ އިއްސެ) މަރުވި އެކްސިޑެންޓުގެ މަންޒަރު ފެންނަ ވީޑިއޯވެސް ވަނީ ލީކުވެފައެވެ.
ކިޔުންތެރިންގެ ހިޔާލު