ބަންގްލަދޭޝްގެ އެމްޑީ އަލަމްގީރާއެކު އެއްޖިންސުން ގުޅުން ހިންގި ފުލުސް މީހާ، އަބްދުއްރަހްމާން ރަފީއު (ދޮންދިގު) 1 އަހަރަށް ޖަލަށް ލުމަށް ކްރިމިނަލް ކޯޓުން ކޮށްފައިވާ ޙުކުމުން އެއް މަސް ދުވަހުގެ މުއްދަތެއް ހައިކޯޓުން އުނިކޮށްފި އެވެ.
ޕްރޮސެކިއުޓާ ޖެނެރަލްގެ އޮފީހުން ދޮންދިގުގެ މައްޗަށް އުފުލާފައިވާ ދައުވާއަށް އިޢުތިރާފްވެފައިވާ ދޮންދިގަށް ޙުކުމް އިއްވާފައިވަނީ 01 (އެކެއް) އަހަރާއި 02 (ދޭއް) މަހާއި 12 (ބާރަ) ދުވަހުގެ މުއްދަތަށް ޖަލަށްލުމަށެވެ. އޭނާގެ އަދަބު އޭރު ބޮޑުކޮށްފައިވަނީ އޭނާ ކުށްކުރީ ފުލުހެއްގެ ގޮތުގައި ހުރެ ކަމަށްވާތީއެވެ.
އެހެންނަމަވެސް ފުލުހުންގެ ބަންދުގައިހުރި މުއްދަތު އުނިކުރުމުން ޢަބްދުއްރަޙްމާނު ރަފީޢު ޖަލުގައި ތަންފީޒުކުރަންޖެހޭ މުއްދަތަކީ، 01 (އެކެއް) އަހަރާއި 01 (އެކެއް) މަހާއި 28 (އަށާވީސް) ދުވަސް ކަމަށް ކްރިމިނަލް ކޯޓުން ވަނީ ކަނޑައަޅާފައެވެ. އެމައްސަލަ ޢަބްދުއްރަޙްމާނުގެ ފަރާތުން އިސްތިއުނާފް ކުރުމުން ހައި ކޯޓުން ކުރި ހުކުމުގައިވަނީ އަދަބުގެ މިންވަރު މަތިކުރަން ދަށު ކޯޓުން ނިންމި ނިިންމުން ރަނގަޅު ކަމަށެވެ. އެކަމަކު އަދަބުގެ މިންވަރު މަތިކުރި ގޮތް ގޯސް ކަމަށް ހުކުމުގައިވެ އެވެ.
ހައިކޯޓުގެ ޙުކުމުގައި ވަނީ، ދަށު ކޯޓުން އަބްދުއްރަޙްމާންގެ އަދަބު ބޮޑުކުރީ އަދަބުގެ ދެ ދަރަޖައިގެ ބަދަލުގައި އަދަބު ދެ ގުނަކޮށްގެން ކަމަށެވެ. އެހެންކަމުން އޭނާގެ އަދަބުން 1 މަސްދުވަސް ހައިކޯޓުން ވަނީ އުނިކޮށްދީފައެވެ.
މި މައްސަލަ ހައި ކޯޓުގައި ބެއްލެވީ ފަނޑިޔާރު މުހައްމަދު ނިޔާޒާއި ފަނޑިޔާރު ހުސައިން މަޒީދާއި ފަނޑިޔާރު ފާތިމަތު ފަރުހީޒާ އެވެ.
މި މައްސަލައިގައި ޢަބްދުއްރަޙްމާނުގެ މައްޗަށް އުފުލާފައިވަނީ އެއްޖިންސުން ޖިންސީގުޅުން ހިންގުމުގެ ކުށުގެ ދަޢުވާއެވެ. އޭނާގެ މައްޗަށް ދައުވާކުރީ ދިވެހިރާއްޖޭގެ ޤާނޫނުލްޢުޤޫބާތުގެ 411 ވަނަ މާއްދާގެ (ހ) ގެ (2) ވަނަ ނަންބަރާ ޙަވާލާދީ، އެ މާއްދާގެ (ށ) ގެ (1) ވަނަ ނަންބަރުގެ ދަށުންނެވެ.
ގިނަ އަދަދެއްގެ ފިރިހެނުންނާއެކު އެއްޖިންސުން ގުޅުން ހިންގި މައްސަލާގައި، އަލަމްގީރު 7 މަހާއި 6 ދުވަހަށް ޖަލަށްލުމަށް ކްރިމިނަލް ކޯޓުން މީގެ ކުރިންވަނީ ހުކުމް ކޮށްފައެވެ. އަލަމްގީރުގެ މައްޗަށް ކުށް ސާބިތުވާކަމަށް ކްރިމިނަލް ކޯޓުން ކަނޑައެޅީ އޭނާގެ މައްޗަށް ދައުލަތުން އުފުލާފައިވާ އެއްޖިންސުން ގުޅުން ހިންގުމުގެ 3 ދައުވާއަކަށް އިއުތިރާފު ވުމުންނެވެ.
އޭގެ އިތުރުން އަލަމްގީރުގެ މައްޗަށް އޮރިޔާން ކާޑު ހެދުމުގެ ކުށުގެ 40 (ސާޅީސް) ދަޢުވާ 17 ސެޕްޓެންބަރު 2022 ވަނަ ދުވަހު ޕީޖީ އޮފީހުންވަނީ ކްރިމިނަލް ކޯޓަށް ހުށަހަޅާފައެވެ. އެމައްސަލާގައި އަލަމްގީރު 2 އަހަރާއި 9 މަހުގެ މުއްދަތަކަށް ޖަލަށްލާން ކޯޓުން ޙުކުމްކޮށްފައިވެއެވެ.
އަލަމްގީރާއެކު އެއްޖިންސުން ގުޅުން ހިންގި މައްސަލާގައި ޤާނޫނީވަކީލް ނާޒިމް އަބްދުއްސައްތާރު ގޭބަންދުކުރުމަށް ކޯޓުން ވަނީ ޙުކުމްކޮށްފައެވެ. އަދި އެމައްސަލާގައި ހިމެނޭ ގިނަޢަދަދެއްގެ މީހުންގެ ތަޙުޤީޤު މަރުޙަލާއާއި ޝަރީޢަތުގެ މަރުޙަލާ މިހާރުދަނީ ކުރިއަށެވެ.
އެހެންނަމަވެސް ފުލުހުންގެ ބަންދުގައިހުރި މުއްދަތު އުނިކުރުމުން ޢަބްދުއްރަޙްމާނު ރަފީޢު ޖަލުގައި ތަންފީޒުކުރަންޖެހޭ މުއްދަތަކީ، 01 (އެކެއް) އަހަރާއި 01 (އެކެއް) މަހާއި 28 (އަށާވީސް) ދުވަސް ކަމަށް ކްރިމިނަލް ކޯޓުން ވަނީ ކަނޑައަޅާފައެވެ. އެމައްސަލަ ޢަބްދުއްރަޙްމާނުގެ ފަރާތުން އިސްތިއުނާފް ކުރުމުން ހައި ކޯޓުން ކުރި ހުކުމުގައިވަނީ އަދަބުގެ މިންވަރު މަތިކުރަން ދަށު ކޯޓުން ނިންމި ނިިންމުން ރަނގަޅު ކަމަށެވެ. އެކަމަކު އަދަބުގެ މިންވަރު މަތިކުރި ގޮތް ގޯސް ކަމަށް ހުކުމުގައިވެ އެވެ.
ހައިކޯޓުގެ ޙުކުމުގައި ވަނީ، ދަށު ކޯޓުން އަބްދުއްރަޙްމާންގެ އަދަބު ބޮޑުކުރީ އަދަބުގެ ދެ ދަރަޖައިގެ ބަދަލުގައި އަދަބު ދެ ގުނަކޮށްގެން ކަމަށެވެ. އެހެންކަމުން އޭނާގެ އަދަބުން 1 މަސްދުވަސް ހައިކޯޓުން ވަނީ އުނިކޮށްދީފައެވެ.
މި މައްސަލަ ހައި ކޯޓުގައި ބެއްލެވީ ފަނޑިޔާރު މުހައްމަދު ނިޔާޒާއި ފަނޑިޔާރު ހުސައިން މަޒީދާއި ފަނޑިޔާރު ފާތިމަތު ފަރުހީޒާ އެވެ.
މި މައްސަލައިގައި ޢަބްދުއްރަޙްމާނުގެ މައްޗަށް އުފުލާފައިވަނީ އެއްޖިންސުން ޖިންސީގުޅުން ހިންގުމުގެ ކުށުގެ ދަޢުވާއެވެ. އޭނާގެ މައްޗަށް ދައުވާކުރީ ދިވެހިރާއްޖޭގެ ޤާނޫނުލްޢުޤޫބާތުގެ 411 ވަނަ މާއްދާގެ (ހ) ގެ (2) ވަނަ ނަންބަރާ ޙަވާލާދީ، އެ މާއްދާގެ (ށ) ގެ (1) ވަނަ ނަންބަރުގެ ދަށުންނެވެ.
ގިނަ އަދަދެއްގެ ފިރިހެނުންނާއެކު އެއްޖިންސުން ގުޅުން ހިންގި މައްސަލާގައި، އަލަމްގީރު 7 މަހާއި 6 ދުވަހަށް ޖަލަށްލުމަށް ކްރިމިނަލް ކޯޓުން މީގެ ކުރިންވަނީ ހުކުމް ކޮށްފައެވެ. އަލަމްގީރުގެ މައްޗަށް ކުށް ސާބިތުވާކަމަށް ކްރިމިނަލް ކޯޓުން ކަނޑައެޅީ އޭނާގެ މައްޗަށް ދައުލަތުން އުފުލާފައިވާ އެއްޖިންސުން ގުޅުން ހިންގުމުގެ 3 ދައުވާއަކަށް އިއުތިރާފު ވުމުންނެވެ.
އަލަމްގީރާއެކު އެއްޖިންސުން ގުޅުން ހިންގި މައްސަލާގައި ޤާނޫނީވަކީލް ނާޒިމް އަބްދުއްސައްތާރު ގޭބަންދުކުރުމަށް ކޯޓުން ވަނީ ޙުކުމްކޮށްފައެވެ. އަދި އެމައްސަލާގައި ހިމެނޭ ގިނަޢަދަދެއްގެ މީހުންގެ ތަޙުޤީޤު މަރުޙަލާއާއި ޝަރީޢަތުގެ މަރުޙަލާ މިހާރުދަނީ ކުރިއަށެވެ.
ކިޔުންތެރިންގެ ހިޔާލު