ފުވައްމުލަކު ސިޓީގައި ހަަށިވިއްކަމުން ދިޔަކަމުގެ ތުހުމަތުގައި 3 މީހަކު ހައްޔަރުކޮށްފި އެވެ.
ފުލުހުން މިރޭ ބުނީ ފުވައްމުލަކުގައި ހިންގަމުންދާ ސްޕާއެއްގައި ހަށިވިއްކަމުންދާކަމަށް ފުލުހުންގެ އިންޓެލިޖެންސަށް ލިބުނު މަޢުލޫމާތަކާއި ގުޅިގެން ޚާއްސަ އޮޕަރޭޝަނެއް އިއްޔެ އެރަށުގައި ކުރިޔަށް ގެންގޮސްފައިވާ ކަމަށެވެ.
މި އޮޕަރޭޝަންގައި ކޯޓު އަމުރެއްގެ ދަށުން އެސްޕާ ބަލައި ފާސްކުރުމަށްފަހު ބިދޭސީ ދެ އަންހެނުންނާއި ދިވެހި ފިރިހެނަކު ހައްޔަރުކޮށްފައިވާ ކަމަށް ފުލުހުން މަޢުލޫމާތުދެއެވެ.
ހައްޔަރުކުރި ދެ އަންހެނުނަކީ ތައިލެންޑަށް ނިސްބަތްވާ އުމުރުން 43 އަހަރުގެ އަންހެނަކާއި 36 އަހަރުގެ އަންހެނެކެވެ. އަދި ހައްޔަރުކުރި ދިވެހި ފިރިހެން މީހާއަކީ އުމުރުން 31 އަހަރުގެ ފިރިހެނެއް ކަމަށް ފުލުހުން ބުނެފައިވެއެވެ.
މި މައްސަލަ ފުވައްމުލަކު ސިޓީ ޕޮލިހާއި ހިއުމަންޓްރެފިކިން ޑިޕާރޓްމަންޓުން މިހާރު އަންނަނީ ތަހުގީގު ކުރަމުންނެވެ.
މި އޮޕަރޭޝަންގައި ކޯޓު އަމުރެއްގެ ދަށުން އެސްޕާ ބަލައި ފާސްކުރުމަށްފަހު ބިދޭސީ ދެ އަންހެނުންނާއި ދިވެހި ފިރިހެނަކު ހައްޔަރުކޮށްފައިވާ ކަމަށް ފުލުހުން މަޢުލޫމާތުދެއެވެ.
މި މައްސަލަ ފުވައްމުލަކު ސިޓީ ޕޮލިހާއި ހިއުމަންޓްރެފިކިން ޑިޕާރޓްމަންޓުން މިހާރު އަންނަނީ ތަހުގީގު ކުރަމުންނެވެ.
ކިޔުންތެރިންގެ ހިޔާލު