ޚަބަރު

Share

އެސްޓީއޯގެ ހިއްސާއަކަށް 77 ރުފިޔާ ބަހަން ހުށަހަޅައިފި

އަހުމަދު ޝާހް   28 އޭޕްރީލު 2023 - 15:58
ސްޓޭޓް ޓްރޭޑިން އޯގަނައިޒޭޝަން (އެސްޓީއޯ) ގެ ޙިއްސާއަކަށް 77 ރުފިޔާ ބެހުމަށް އެކުންފުނީގެ ޑިރެކްޓަރުންގެ ބޯޑުން ނިންމައިފިއެވެ.

އެސްޓީއޯއިން ބުނީ 2022 ވަނަ އަހަރުގެ އަހަރީ އާންމު ޖަލްސާގައި އެ އަހަރުގެ ފައިދާއިން ހިއްސާގެ ފައިދާގެ ގޮތުގައި ހިއްސާއަކަށް 77 ރުފިޔާ ބަހަން ހުށަހެޅުމަށް އެސްޓީއޯގެ ޑިރެކްޓަރުންގެ ބޯޑުން ނިންމާފައިވާ ކަމަށެވެ.

އެހެންނަމަވެސް އެޢަދަދު ބެހުމަށް ކަނޑައެޅޭނީ ކުންފުނީގެ އަހަރީ އާންމު ޖަލްސާއަށް ހުށައަޅައި އަހަރީ އާންމު ޖަލްސާއިން ފާސްވުމަށްފަހު ކަމަށް އެސްޓީއޯއިން ބުނެފައިވެއެވެ.

އެސްޓީއޯގެ 2022ވަނަ އަހަރުގެ ވަގުތީ މާލީބަޔާނަށް ބަލާއިރު، މިދިޔަ އަހަރު އެ ކުންފުންޏަށް ސާފު ފައިދާގެ ގޮތުގައި ވަނީ 742.21 މިލިއަން ރުފިޔާ ލިބިފައެވެ.

މިދިޔަ އަހަރު އެސްޓީއޯއިން ބަހާފައިވަނީ ހިއްސާއަކަށް 65 ރުފިޔާއެވެ.

އެސްޓީއޯ

މި ލިޔުމާ ގުޅޭ

Ad
Ad
Share

ކިޔުންތެރިންގެ ހިޔާލު



Ad

ފަހުގެ ލިޔުންތައް

Ad

ޓްރެންޑިން

Ad
Ad