ސިވިލް ކޯޓާއި ކްރިމިނަލް ކޯޓުގެ އިސް ޤާޟީ ކަމަށް ބޭފުޅުން އައްޔަންކުރަށްވައިފި އެވެ.
ސިވިލް ކޯޓުގެ އިސް ޤާޟީ ކަމަށް އައްޔަންކުރައްވާފައިވަނީ ގއ. މާމެންދޫ، ފެހިގެ، އަހްމަދު ނިމާލް ޖުނައިދު އެވެ. އޭނާ މި މަގާމަށް އައްޔަންކުރެއްވީ ސިިވިލް ކޯޓުގެ އިސް ޤާޟީ މަޤާމުގައި އެންމެ ފަހުން ހުންނެވި ޤާޟީ އަބްދުﷲ އަލީ ފަނޑިޔާރުކަމުން ރިޓަޔަރ ކުރެއްވުމާ ގުޅިގެންނެވެ. ސިވިލް ކޯޓުގެ ޤާޟީ ކަމަށް އަޙްމަދު ނިމާލް ޖުނައިދު އައްޔަން ކުރެއްވީ މިދިޔަ އަހަރުގެ މާޗް 15 ވަނަ ދުވަހު އެވެ.
ކްރިމިނަލް ކޯޓުގެ އިސް ޤާޟީ ކަމަށް އައްޔަންކުރައްވާފައިވަނީ ޅ. ހިންނަވަރު، މާތިލަ، އާދަމް މުހައްމަދު އެވެ. އޭނާ މި މަގާމަށް އައްޔަންކުރެއްވީ ކްރިމިނަލް ކޯޓުގެ އިސް ޤާޟީގެ ގޮތުގައި އެންމެ ފަހުން ހުންނެވި ޤާޟީ އަހްމަދު ޝަކީލް ހައިކޯޓުގެ ފަނޑިޔާރު ކަމަށް އައްޔަން ކުރެއްވުމާ ގުޅިގެންނެވެ. ކްރިމިނަލް ކޯޓުގެ ޤާޟީ ކަމަށް އާދަމް މުހައްމަދު އައްޔަން ކުރެއްވީ ޖެނުއަރީ 21، 2020 ގައެވެ.
މި ދެ ބޭފުޅުން އިސް ޤާޟީ ކަމަށް އައްޔަންކުރައްވައި މި ދެ ބޭފުޅުންނަށް މަގާމުގެ ލިޔުން މިއަދު ހަވާލުކުރެއްވީ ޖުޑިޝަލް ސާވިސް ކޮމިޝަން (ޖޭއެސްސީ)ގެ ރައީސް ހިސާން ހުސައިން އެވެ.
މި ދެ ބޭފުޅުން އިސް ޤާޟީ ކަމަށް އައްޔަންކުރައްވައި މި ދެ ބޭފުޅުންނަށް މަގާމުގެ ލިޔުން މިއަދު ހަވާލުކުރެއްވީ ޖުޑިޝަލް ސާވިސް ކޮމިޝަން (ޖޭއެސްސީ)ގެ ރައީސް ހިސާން ހުސައިން އެވެ.
ކިޔުންތެރިންގެ ހިޔާލު