ރައީސް ޔާމީންގެ ގެކޮޅުގައި ހަރުކުރި އިންޑިޔާ އައުޓް ބެނަރ ނެގުމަށް މަސައްކަތްކުރި ވަކިވަކި ފުލުހުންގެ މައުލޫމާތު ހާމަކުރަން އިންފޮމޭޝަން ކޮމިޝަނަރ އެންގީ ގާނޫނާ ހިލާފަށް ކަމަށް ހައިކޯޓުން ކަނޑައަޅައިފިއެވެ.
އިންފޮމޭޝަން ކޮމިޝަނަރ އާހިދު ރަޝީދުގެ ނިންމެވުން ދައުލަތުގެ ފަރާތުން ހައިކޯޓުގައި އިސްތިއުނާފު ކުރުމުން އެ ކޯޓުން މިއަދު ނިންމާފައިވަނީ، ވަކިވަކި ފުލުހުންނަކީ މައުލޫމާތު ހޯދުމުގެ ހައްގުގެ ގާނޫނުގެ 23 ވަނަ މާއްދާގައި ބަޔާންކުރާ ދާއިރާއަށް ފެތޭ ބައެއްކަމަށެވެ. އެހެންކަމުން ވަކިވަކި ފުލުހުންގެ މަޢުލޫމާތު ހާމަކުރަން އިންފޮމޭޝަން ކޮމިޝަނަރ އެންގީ ރަނގަޅަށް ނޫންކަމަށް ޙުކުމްގައި ވެއެވެ.
ހައިކޯޓުގެ ޙުކުމްގައި ބުނެފައިވަނީ، ދައުލަތުގެ އިދާރާއެއްގައި މަސައްކަތްކުރާ ވަކިވަކި ފަރުދުންގެ ޒާތީ މައުލޫމާތު ހާމަކުރަން އިންފޮމޭޝަން ކޮމިޝަނަރު އަންގަންޖެހޭނީ ޤާނޫނުގައި ބަޔާންކުރާ އިޖުރާއާތު ފުރިހަމަކުރުމަށްފަހު އާންމު މަސްލަހަތު ދެމެހެއްޓުމަށް އެ މައުލޫމާތު ހާމަކުރުން މުހިއްމުކަމަށް ފެންނަ ހާލަތުގައި އެކަނި ކަމަށެވެ.
"ޤާނޫނުގެ 33 ވަނަ މާއްދާ ކިޔަންވާނީ، 32 ވަނަ މާއްދާގައި ބަޔާންކުރާ އުސޫލު ނެގެހެއްޓުމަށް އަދި އެ އުސޫލަށް ހަނިކަމެއް ނާންނާނެ ގޮތުގެ މަތިންނެވެ. މި ޤާނޫނުގެ 32 ވަނަ މާއްދާގައި ބަޔާންކުރާ އުޞޫލަކީ ޢާންމު މަޞްލަޙަތަށް އިސްކަން ދިނުމުގެ އުސޫލު ނުވަތަ "ޕަބްލިކް އިންޓަރެސްޓް ޓެސްޓް" ގެ އުޞޫލެވެ." ޙުކުމުގައިވެއެވެ.
އޭގެ އިތުރުން ޤާނޫނުން އިސްތިސްނާކޮށްފައިވާ މައުލޫމާތުގެ ތެރެއިން ޝަރުތަކާއެކު އިސްތިސްނާކޮށްފައިވާ މައުލޫމާތު ހާމަކުރުމާމެދު ގޮތެއް ނިންމާއިރު ބަލަންޖެހޭނީ އެ މައުލޫމާތެއް ދިނުމަށް އިންކާރުކުރުމަށްވުރެ، އެ މައުލޫމާތު ދިނުމަކީ މުޅި ރައްޔިތުންގެ މަސްލަހަތު މާރަނގަޅަށް ހާސިލުވާނެއް ކަމެއްކަމުގައި ވާނެތޯއާއި، އެ މައުލޫމާތު ހާމަނުކުރުމުން ރައްކާތެރިކުރެވޭ މަސްލަހަތަށްވުރެ އެމައުލޫމާތު ހާމަކުރުމުން ރައްކާތެރިކުރެވޭ މަސްލަހަތު ބޮޑުކަމުގައިވާނެތޯކަމަށް ހައިކޯޓުގެ ހުކުމުގައި ވެއެވެ.
"މި ޤާނޫނުގައި "ތިންވަނަ ފަރާތް" މާނަ ކޮށްދީފައިވާ ގޮތުން، ދައުލަތުގެ އިދާރާ އާއި މަޢުލޫމާތަށް އެދޭ ފަރާތް ފިޔަވައި ދެން ކޮންމެ ވަކިފަރުދަކީ ތިންވަނަ ފަރާތް ކަމުގައި ވާނެއެވެ. ވީމާ، ފުލުހުންގެ އިދާރާ ތިންވަނަ ފަރާތެއްގެ ގޮތުގައި ހިމެނިގެން ނުދިޔަ ނަމަވެސް ވަކިވަކި ފުލުހުންނަކީ އާރު.ޓީ.އައި ޤާނޫނު ބަޔާން ކުރާގޮތުން ތިންވަނަ ފަރާތުގެ ގޮތުގައި ހިމެނޭނެ މީހެކެވެ. ވީމާ ފުލުހެއްގެ ޒާތީ މަޢުލޫމާތަކީވެސް އާރު.ޓީ.އައި ޤާނޫނުގައިވާ ގޮތުގެ މަތިން މެނުވީ ހާމަކުރެވިގެންވާނެ ޒާތީ މަޢުލޫމާތެއް ނޫނެވެ." ހައިކޯޓުގެ ޙުކުމްގައިވެއެވެ.
ފުލުހުންގެ ވަނަވަރާއި އެމީހުން އޮޕަރޭޝަނުގައި އަދާކުރި ދައުރު ހާމަކުރުމަކީ އެކަމުގެ ސަބަބުން ޤާނޫނާ ޚިލާފު އަމަލުތައް ހިނގިޔަނުދިނުމަށް ފުލުހުން ކުރަންޖެހޭ މަސައްކަތްތަކަށް ހުރަސްތަށް ކުރިމަތިވެ، އެކަންކަން ކުރުމަށް ހަދާފައިވާ އުސޫލުތަކުގެ ބޭނުންތެރިކަން އެގޮތުގައި ނެގެހެއްޓުމަށް ބުރޫއަރާނެ ކަމަށް ޙުކުމުގައިވެއެވެ.
"އޮޕަރޭޝަން ހިންގުމުގައި އިސްކޮށް ހަރަކާތްތެރިވި ފުލުހުންގެ ކޮމާންޑަރުގެ ނަމާއި، ރޭންކު، މިކަންކަމުގެ މަޢުލޫމާތު ދޫކުރުމަށް އިންފޮމޭޝަން ކޮމިޝަނަރު އެންގި އެންގުން ޤާނޫނާ އެއްގޮތްކަމަކަށް އަހުރެންނަކަށް ނުފެނެއެވެ." ހައިކޯޓުގެ ޙުކުމްގައިވެއެވެ.
ހައިކޯޓުގައި މި މައްސަލަ ބެއްލެވީ ފަނޑިޔާރު މުހައްމަދު ނިޔާޒާއި ފަނޑިޔާރު ދީބާނާޒު ފަހުމީއާއި ފަނޑިޔާރު ހުސައިން މަޒީދެވެ.
ހައިކޯޓުގެ ޙުކުމްގައި ބުނެފައިވަނީ، ދައުލަތުގެ އިދާރާއެއްގައި މަސައްކަތްކުރާ ވަކިވަކި ފަރުދުންގެ ޒާތީ މައުލޫމާތު ހާމަކުރަން އިންފޮމޭޝަން ކޮމިޝަނަރު އަންގަންޖެހޭނީ ޤާނޫނުގައި ބަޔާންކުރާ އިޖުރާއާތު ފުރިހަމަކުރުމަށްފަހު އާންމު މަސްލަހަތު ދެމެހެއްޓުމަށް އެ މައުލޫމާތު ހާމަކުރުން މުހިއްމުކަމަށް ފެންނަ ހާލަތުގައި އެކަނި ކަމަށެވެ.
"ޤާނޫނުގެ 33 ވަނަ މާއްދާ ކިޔަންވާނީ، 32 ވަނަ މާއްދާގައި ބަޔާންކުރާ އުސޫލު ނެގެހެއްޓުމަށް އަދި އެ އުސޫލަށް ހަނިކަމެއް ނާންނާނެ ގޮތުގެ މަތިންނެވެ. މި ޤާނޫނުގެ 32 ވަނަ މާއްދާގައި ބަޔާންކުރާ އުޞޫލަކީ ޢާންމު މަޞްލަޙަތަށް އިސްކަން ދިނުމުގެ އުސޫލު ނުވަތަ "ޕަބްލިކް އިންޓަރެސްޓް ޓެސްޓް" ގެ އުޞޫލެވެ." ޙުކުމުގައިވެއެވެ.
އޭގެ އިތުރުން ޤާނޫނުން އިސްތިސްނާކޮށްފައިވާ މައުލޫމާތުގެ ތެރެއިން ޝަރުތަކާއެކު އިސްތިސްނާކޮށްފައިވާ މައުލޫމާތު ހާމަކުރުމާމެދު ގޮތެއް ނިންމާއިރު ބަލަންޖެހޭނީ އެ މައުލޫމާތެއް ދިނުމަށް އިންކާރުކުރުމަށްވުރެ، އެ މައުލޫމާތު ދިނުމަކީ މުޅި ރައްޔިތުންގެ މަސްލަހަތު މާރަނގަޅަށް ހާސިލުވާނެއް ކަމެއްކަމުގައި ވާނެތޯއާއި، އެ މައުލޫމާތު ހާމަނުކުރުމުން ރައްކާތެރިކުރެވޭ މަސްލަހަތަށްވުރެ އެމައުލޫމާތު ހާމަކުރުމުން ރައްކާތެރިކުރެވޭ މަސްލަހަތު ބޮޑުކަމުގައިވާނެތޯކަމަށް ހައިކޯޓުގެ ހުކުމުގައި ވެއެވެ.
"މި ޤާނޫނުގައި "ތިންވަނަ ފަރާތް" މާނަ ކޮށްދީފައިވާ ގޮތުން، ދައުލަތުގެ އިދާރާ އާއި މަޢުލޫމާތަށް އެދޭ ފަރާތް ފިޔަވައި ދެން ކޮންމެ ވަކިފަރުދަކީ ތިންވަނަ ފަރާތް ކަމުގައި ވާނެއެވެ. ވީމާ، ފުލުހުންގެ އިދާރާ ތިންވަނަ ފަރާތެއްގެ ގޮތުގައި ހިމެނިގެން ނުދިޔަ ނަމަވެސް ވަކިވަކި ފުލުހުންނަކީ އާރު.ޓީ.އައި ޤާނޫނު ބަޔާން ކުރާގޮތުން ތިންވަނަ ފަރާތުގެ ގޮތުގައި ހިމެނޭނެ މީހެކެވެ. ވީމާ ފުލުހެއްގެ ޒާތީ މަޢުލޫމާތަކީވެސް އާރު.ޓީ.އައި ޤާނޫނުގައިވާ ގޮތުގެ މަތިން މެނުވީ ހާމަކުރެވިގެންވާނެ ޒާތީ މަޢުލޫމާތެއް ނޫނެވެ." ހައިކޯޓުގެ ޙުކުމްގައިވެއެވެ.
ފުލުހުންގެ ވަނަވަރާއި އެމީހުން އޮޕަރޭޝަނުގައި އަދާކުރި ދައުރު ހާމަކުރުމަކީ އެކަމުގެ ސަބަބުން ޤާނޫނާ ޚިލާފު އަމަލުތައް ހިނގިޔަނުދިނުމަށް ފުލުހުން ކުރަންޖެހޭ މަސައްކަތްތަކަށް ހުރަސްތަށް ކުރިމަތިވެ، އެކަންކަން ކުރުމަށް ހަދާފައިވާ އުސޫލުތަކުގެ ބޭނުންތެރިކަން އެގޮތުގައި ނެގެހެއްޓުމަށް ބުރޫއަރާނެ ކަމަށް ޙުކުމުގައިވެއެވެ.
ހައިކޯޓުގައި މި މައްސަލަ ބެއްލެވީ ފަނޑިޔާރު މުހައްމަދު ނިޔާޒާއި ފަނޑިޔާރު ދީބާނާޒު ފަހުމީއާއި ފަނޑިޔާރު ހުސައިން މަޒީދެވެ.
ކިޔުންތެރިންގެ ހިޔާލު