ހުޅުމާލެ ދެވަނަ ފިޔަވަހީގައި ނުރައްކާތެރި އެކްސިޑެންޓެއް ހިނގައި، ކުޑަ ދެކުއްޖަކާއި އެ ވެހިކަލްގެ ޑްރައިވަރަށް އަނިޔާވެގެން ހޮސްޕިޓަލްގައި ފަރުވާދޭން ފަށައިފި އެވެ.
ފުލުހުން ބުނީ ހުޅުމާލެ ފޭސް 2 ގެ ސިނާއީ ސަރަހައްދު ކައިރިން ދުއްވާފައި ދިޔަ ކޮންކްރީޓް ގަށާ ޓްރަކެއް ފުރޮޅާލީ ހެނދުނު 7:35 ހާއިރު ކަމަށެވެ. އެ ޙާދިސާގައި އަނިޔާވި ދެ ކުދިން ބައިސްކަލް ދުއްވާފައި ދިޔައީ އެ ޓްރަކްގެ ކައިރިން ކަމަށް ފުލުހުން މަޢުލޫމާތުދެއެވެ.
ފުލުހުން ބުނީ ޙާދިސާގައި އަނިޔާވީ އުމުރުން 13 އަހަރުގެ ދެ ފިރިހެން ކުދިންނަށް ކަމަށެވެ. އެ ކުދިންނާއި ޑްރައިވަރަށް މިހާރު އަންނަނީ ހުޅުމާލެ ހޮސްޕިޓަލްގައި ފަރުވާ ދެމުން ކަމަށް ފުލުހުން ބުންޏެވެ. ނަމަވެސް އެފަރާތްތަކަށް ލިބުނު އަނިޔާގެ ތަފުސީލެއް ފުލުހުން ނުދެއެވެ.
ފުލުހުން ބުނީ ހާދިސާއާ ގުޅިގެން ބަލަންޖެހޭ ކަންކަން ބަލަމުންދާ ކަމަށެވެ.
ފުލުހުން ބުނީ ހާދިސާއާ ގުޅިގެން ބަލަންޖެހޭ ކަންކަން ބަލަމުންދާ ކަމަށެވެ.
ކިޔުންތެރިންގެ ހިޔާލު