މެރުއާނާ ގަސްތަކެއް ހައްދައިގެން އުޅުނު މީހަކު މާލެއިން ހައްޔަރުކޮށް މުއްދަތު ޖަހައިފިއެވެ.
ކްރިމިނަލް ކޯޓުގެ ބަންދު އަމުރުގައި ބުނެފައިވަނީ، ނ. ކެނދިކުޅުދޫ، ކެނދިކޮޅު، ޢުމުރުން 29 އަހަރުގެ އަހުމަދު ޔާސިހު ހައްޔަރުކޮށްފައިވަނީ، މެރުއާނާ ގަސްތަކެއް ހައްދައިގެން އުޅުނުކަމަށް ތުހުމަތު ކުރެވޭ މައްސަލައެއްގައި ކަމަށެވެ.
ކޯޓުގައި ފުލުހުން ބުނެފައިވަނީ، މެރުއާނާ ގަސްތައް ހައްދާފައި ހުއްޓާ ފެނުނީ ގަލޮޅުގެ ގެއެއްގައި ކަމަށެވެ. އަދި އެގަސްތަކަކީ ޔާސިހްގެ ގަސްތަކެއް ކަމަށް އޭނާ އެއްބަސްވެފައިވާ ކަމަށް ފުލުހުން ކޯޓުގައި ބުންޏެވެ.
އޭގެއިތުރުން އެ ގޭގެ ބެލްކަނީގައިވެސް މެރުއާނާ ގަސްތަކެއް ހުންނާނެ ކަމަށް އޭނާ ބުނި ކަމަށް ފުލުހުން ބުނެފައިވެއެވެ. އަދި ފުލުހުންގެ ތަހުގީގަށް އެއްބާރުލުން ދޭނެ ކަމަށް ބުނެ، ސޮއިކޮށް ފޯމްގައި އިނގިލީގެ ނިޝާން ޖެހިކަމަށްވެސް ފުލުހުން ބުނެފައިވެއެވެ.
ނަމަވެސް ކޯޓުގައި ޔާސިޙް ބުނެފައިވަނީ، ފުލުހުން އޭނާ އަށް އަނިޔާ ކުރި ކަމަށާއި ބަލައި ފާސްކުރި ތަނުގައި ހުރި ތަކެއްޗަށް ވެސް ގެއްލުން ދީފައިވާ ކަމަށެވެ. ހަމައެއާއެކު އެ ގެ ބަލައި ފާސްކުރަން ހުއްދަ ނުދޭ ކަމަށްވެސް އޭނާ ބުންޏެވެ.
ބަންދު މަޖިލީހުގައި ފަނޑިޔާރު ނިންމާފައިވަނީ، ޔާސިހު ހައްޔަރުކުރީ އިޖުރާއަތުތަކާ އެއްގޮތަށް ކަމަށާއި އެހެންކަމުން އޭނާ 15 ދުވަހަށް ބަންދު ކުރުމަށެވެ.
ކޯޓުގައި ފުލުހުން ބުނެފައިވަނީ، މެރުއާނާ ގަސްތައް ހައްދާފައި ހުއްޓާ ފެނުނީ ގަލޮޅުގެ ގެއެއްގައި ކަމަށެވެ. އަދި އެގަސްތަކަކީ ޔާސިހްގެ ގަސްތަކެއް ކަމަށް އޭނާ އެއްބަސްވެފައިވާ ކަމަށް ފުލުހުން ކޯޓުގައި ބުންޏެވެ.
އޭގެއިތުރުން އެ ގޭގެ ބެލްކަނީގައިވެސް މެރުއާނާ ގަސްތަކެއް ހުންނާނެ ކަމަށް އޭނާ ބުނި ކަމަށް ފުލުހުން ބުނެފައިވެއެވެ. އަދި ފުލުހުންގެ ތަހުގީގަށް އެއްބާރުލުން ދޭނެ ކަމަށް ބުނެ، ސޮއިކޮށް ފޯމްގައި އިނގިލީގެ ނިޝާން ޖެހިކަމަށްވެސް ފުލުހުން ބުނެފައިވެއެވެ.
ބަންދު މަޖިލީހުގައި ފަނޑިޔާރު ނިންމާފައިވަނީ، ޔާސިހު ހައްޔަރުކުރީ އިޖުރާއަތުތަކާ އެއްގޮތަށް ކަމަށާއި އެހެންކަމުން އޭނާ 15 ދުވަހަށް ބަންދު ކުރުމަށެވެ.
ކިޔުންތެރިންގެ ހިޔާލު