ސަފާރީ ރޭޕްގެ މައްސަލައިގެ ހެކި ހޯދުމުގެ ރަނުގެ ފުރުސަތު ނަގައިލި ގޮތް ފުލުހުންނަށް އަދިވެސް ސާފުކޮށް ނުދެވޭކަމަށް ވިލިމާލެ ދާއިރާގެ މެމްބަރު އަޙްމަދު އުޝާމް ވިދާޅުވެއްޖެއެވެ.
މެމްބަރު އުޝާމް ކުރެއްވި ޓުވީޓެއްގައި ވިދާޅުވީ އެމައްސަލައިގައި ފުލުހުން ދައްކާ ވާހަކަ ޤަބޫލު ކުރަން ދަތިކަމަށެވެ. އެފަދަ މައްސަލަތަކުގައި އެންމެ މުހިންމު ވާނީ "ގޯލްޑަން އަވަރ" ގައި ހެކިހޯދުންކަން ފުލުހުންނަށް އެނގޭނެ ކަމަށް ވެސް އުޝާމް ވިދާޅުވެފައިވެއެވެ.
ސަފާރީއެއްގައި ކެންޔާގެ އަންހެންނަކަށް ޖިންސީ ގޯނާ ކުރި ކަމަށް ތުހުމަތު ކުރެވޭ ދެމީހުން ދޫކޮށްލުމާ ގުޅިގެން ގިނަ ބައެއްގެ ފާޑު ކިޔުން ފުލުހުންނަށް އަންނަނީ އަމާޒުވަމުންނެވެ. މި މައްސަލައިގައި ތުހުމަތު ކުރެވޭ ދެ މީހުން މަސްތުގެ ހާލަތުގައި ތިބި ކަމަށް ނުބެލެވޭތީ އެމީހުންގެ ޔޫރިން ސާމްޕަލް ނުނަގާ ކަމަށާއި އެފަދަ އެއްވެސް ޓެސްޓެއްވެސް ނުހަދާ ކަމަށް ފުލުހުން ރައްޔިތުންގެ މަޖިލީހުގެ އިންސާނީ ޙައްޤުތަކާ ބެހޭ ކޮމެޓީގައި ވަނީ ބުނެފައެވެ.
ޔޫރިންވެސް ނުނަގައި އެމީހުން މަސްތު ނުވާ ކަމަށް ނިންމި ގޮތާ މެދު ސުވާލު އުފައްދާ އެކި ފަރާތްތަކުން އަންނަނީ ފުލުހުންނަށް ފާޑު ކިޔަމުންނެވެ. މިމައްސަލަ ފުލުހުން ތަޙްޤީޤް ކުރަމުންދާ ގޮތް ރައްޔިތުންގެ މަޖިލީހުގެ އިތުރުން ހިޔުމަންރައިޓްސް ކޮމިޝަނާއި ނެޝަނަލް އިންޓަގްރިޓީ ކޮމިޝަނުން ވެސް ގެންދަނީ ބަލަމުންނެވެ.
ފުލުހުން ބުނީ ސަފާރީ ރޭޕް ކޭސްއާއި ގުޅިގެން ފުލުހުންގެ ބެލުމުގެ ދަށަށް ގެނައި 39 އަހަރުގެ 2 ދިވެހި ފިރިހެނުން ބަންދުން ދޫކޮށްލާފައި ވަނީ އެވަގުތާއި ހަމައަށް ލިބިފައިހުރި މަޢުލޫމާތު ތަކަށް ބަލާއިރު ބަންދުގައި ބައިތިއްބައިގެން ތަހުގީގު ކުރިއަށް ގެންދިއުމަށް ނުފެންނާތީކަމަށެވެ. މި މައްސަލާގައި މަޖިލީހުގެ އެމްޑީޕީއަށް ނިސްބަތްވާ މެމްބަރެއްގެ ފިރިކަލުން ހިމެނޭތީ، މިއީ ބޮޑު މީހުންނަށް ބޮޑު އިންސާފު، ދެރަ މީހުންނަށް ދެރަ އިންސާފު ލިބޭގޮތުގެ ނަމޫނާއެއް ކަމަށް ބުނެ ގިނަ ބައެއްގެ ނުރުހުން ފުލުހުންނާއި، ސަރުކާރަށް ވަނީ އަމާޒުވެފައެވެ.
މައްސަލައިގެ ތުހުމަތު ކުރެވޭ ދެމީހުންގެ ޔޫރިން ޓެސްޓް ނުކޮށް ފުލުހުން އެމީހުން ދޫކޮށްލި ނަމަވެސް ކެންޔާގެ އެންހެން މީހާ ބުނެފައިވަނީ އޭނާ ސަފާރީއަށް ގޮސް އެހެން ބަޔަކާއެކު ޕާޓީ ކޮށް ބަނގުރާ ވެސް ބުއި ކަމަށެވެ.
Mi massalaiga fuluhun dhakkaa vaahaka gabool kuran dhathi. Mi fadha massalathakuga enme muhimmu vaanee ‘golden hour’ therey heki hoadhunkan fuluhunnah egeyne. E furusathu gellunee nuvatha gelluvaalee kon sababakaa gulhigenkan @PoliceMv in rayyithunnah adhives saafukoh nudhey. https://t.co/dBAgtFY0Zf
— Ahmed Usham (@a_usham) July 4, 2020
ސަފާރީއެއްގައި ކެންޔާގެ އަންހެންނަކަށް ޖިންސީ ގޯނާ ކުރި ކަމަށް ތުހުމަތު ކުރެވޭ ދެމީހުން ދޫކޮށްލުމާ ގުޅިގެން ގިނަ ބައެއްގެ ފާޑު ކިޔުން ފުލުހުންނަށް އަންނަނީ އަމާޒުވަމުންނެވެ. މި މައްސަލައިގައި ތުހުމަތު ކުރެވޭ ދެ މީހުން މަސްތުގެ ހާލަތުގައި ތިބި ކަމަށް ނުބެލެވޭތީ އެމީހުންގެ ޔޫރިން ސާމްޕަލް ނުނަގާ ކަމަށާއި އެފަދަ އެއްވެސް ޓެސްޓެއްވެސް ނުހަދާ ކަމަށް ފުލުހުން ރައްޔިތުންގެ މަޖިލީހުގެ އިންސާނީ ޙައްޤުތަކާ ބެހޭ ކޮމެޓީގައި ވަނީ ބުނެފައެވެ.
ޔޫރިންވެސް ނުނަގައި އެމީހުން މަސްތު ނުވާ ކަމަށް ނިންމި ގޮތާ މެދު ސުވާލު އުފައްދާ އެކި ފަރާތްތަކުން އަންނަނީ ފުލުހުންނަށް ފާޑު ކިޔަމުންނެވެ. މިމައްސަލަ ފުލުހުން ތަޙްޤީޤް ކުރަމުންދާ ގޮތް ރައްޔިތުންގެ މަޖިލީހުގެ އިތުރުން ހިޔުމަންރައިޓްސް ކޮމިޝަނާއި ނެޝަނަލް އިންޓަގްރިޓީ ކޮމިޝަނުން ވެސް ގެންދަނީ ބަލަމުންނެވެ.
މައްސަލައިގެ ތުހުމަތު ކުރެވޭ ދެމީހުންގެ ޔޫރިން ޓެސްޓް ނުކޮށް ފުލުހުން އެމީހުން ދޫކޮށްލި ނަމަވެސް ކެންޔާގެ އެންހެން މީހާ ބުނެފައިވަނީ އޭނާ ސަފާރީއަށް ގޮސް އެހެން ބަޔަކާއެކު ޕާޓީ ކޮށް ބަނގުރާ ވެސް ބުއި ކަމަށެވެ.
ކިޔުންތެރިންގެ ހިޔާލު