މާލޭ ރަސްފަންނާ ދިމާލު މޫދުން ހަބަރު ހުސްވެފައި އޮތް މީހަކު އޮޔާދަނިކޮށް ސަލާމަތްކޮށްފިއެވެ.
ފުލުހުން ބުނީ، ހަބަރު ހުސްވެފައި އޮތް މީހަކު ރަސްފަންނާ ދިމާ ކަނޑުމަތިން އޮޔާދަނިކޮށް ފުލުހުންގެ އެހީތެރިކަމާއެކު ލޯންޗަކަށް ނަގައިގެން މިއަދު ހަވީރު 16:44 ހާއިރު އައިޖީއެމްއެޗްއަށް ގެންގޮސްފައިވާކަމަށެވެ.
އެއީ 24 އަހަރުގެ ދިވެހި ފިރިހެނެއްކަމަށާއި، އެ މީހާގެ ހާލު ރަނގަޅުކަމަށް ފުލުހުން މަޢުލޫމާތުދެއެވެ.
ގެނބިގެން ހަބަރު ހުސްވެފައި އޮތް އެމީހާ އޮޔާދަނިކޮށް ފެނުނީ ރަސްފަންނުގައި ތިބި ބަޔަކަށެވެ. އެއީ މަރުވެފައި އޮތް މީހެއް ކަމަށް ހީކޮށް، އެ މައްސަލަ ބަޔަކު ރިޕޯޓްކުރީ އައިޖީއެމްއެޗް ކައިރީގައި ހުންނަ ފުލުހުންގެ ކުޑަކުދިންގެ ހިދުމަތްތަކާ ބެހޭ ޔުނިޓަށެވެ.
އެ މީހާ ސަލާމަތްކުރުމަށް ފުލުހުން ޙަރަކާތްތެރިވާ މަންޒަރު ފެންނަ ވީޑިއޯއެއް ސޯޝަލް މީޑިއާގައިވެސް ދަނީ ދަޢުރުވަމުންނެވެ.
އެއީ 24 އަހަރުގެ ދިވެހި ފިރިހެނެއްކަމަށާއި، އެ މީހާގެ ހާލު ރަނގަޅުކަމަށް ފުލުހުން މަޢުލޫމާތުދެއެވެ.
އެ މީހާ ސަލާމަތްކުރުމަށް ފުލުހުން ޙަރަކާތްތެރިވާ މަންޒަރު ފެންނަ ވީޑިއޯއެއް ސޯޝަލް މީޑިއާގައިވެސް ދަނީ ދަޢުރުވަމުންނެވެ.
ކިޔުންތެރިންގެ ހިޔާލު