ކުޅުދުއްފުށީ ފަރި ރީތި ފިހާރަ ގޮއްވާލާނެ ކަމަށް ބުނިމީހާ 6 މަހަށް ޖަލަށް ލުމަށް ކްރިމިނަލް ކޯޓުން ހުކުމް ކޮށްފިއެވެ.

މި މައްސަލާގައި ދައުލަތުން ކުޅުދުއްފުށި، ކަނޑޫމާގެ، އިބްރާހިމް ހަސަންގެ މައްޗަށް އުފުލީ ބިރު ދެއްކުމުގެ ކުށުގެ ދައުވާ އެވެ. މައްސަލައިގެ ދައުވާގައިވަނީ މިއަހަރުގެ ފެބްރުއަރީ ހަތަރުވަނަ ދުވަހު ކުޅުދުއްފުށި ފަރިރީތި ފިހާރައިގެ ވެރިޔާއަށް، އިބްރާހީމް ހަސަން ބިރުދައްކައި އިންޒާރު ދީފައިވާ ކަމަށެވެ.

އިބްރާހިމް ހަސަންގެ މައްޗަށް އުފުލި ބިރުދެއްކުމުގެ ދައުވާއަށް އޭނާ ވަނީ ތަހުގީގު މަރުހަލާ އާއި ޝަރީޢަތުގެ މަރުޙަލާގައިވެސް އިއުތިރާފުވެފައެވެ. އެހެންކަމުން އަވަސްނިޔާގެ އަޑުއެހުމެއްގެ ގޮތުގައި މައްސަލަ ކުރިއަށް ގެންގޮސް އިއްޔެ ވަނީ ޙުކުމް ކޮށްފައެވެ.

މިކުށުގެ އަސާސީ އަދަބަކީ ހަ މަހާއި 18 ދުވަހަށް ޖަލަށް ލުމެވެ. ނަމަވެސް އޭނާ ކުށަށް އިއުތިރާފްވެފައިވާތީ ފަނޑިޔާރު ވަނީ އިބްރާހީމް ހަސަންގެ ކުށުގެ އަދަބު ހަމަސް ދުވަހަށް ކުޑަކޮށްފަ އެވެ.

އަދި ތަހުގީގުގެ ބޭނުމަށް ބަންދުގައި ބެހެއްޓި އަށް ދުވަސް ކެނޑުމަށްފަހު އޭނާ ޖަލުގައި ތަންފީޒުކުރާނީ ފަސް މަހާއި 22 ދުވަހެވެ.