ރައްޔިތުން ހާސް ކަނޑާލުމަށާއި ޖޭޕީގެ ވެރިކަމެއްގައި ބޭސްފަރުވާގެ ހުރިހާ ޚަރަދެއް ސަރުކާރުން ހަމަޖައްސައި ދެއްވާނެ ކަމަށް އެޕާޓީގެ ރިޔާސީ ކެންޑިޑޭޓް ޤާސިމް އިބްރާހިމް ރޭ ވިދާޅުވެއްޖެއެވެ.
މާލޭ ދާއިރާގެ ޒުވާނުންނަށް ޚާއްސަކޮށްގެން ޖޭޕީން ރޭބޭއްވި ކެމްޕޭން އިވެންޓަކަށް ފޮނުއްވި ޚާއްސަ ވީޑިއޯ މެސެޖެއްގައި ޖުމުހޫރީ ޕާޓީގެ ލީޑަރު އަދި އެޕާޓީގެ ރިޔާސީ ކެންޑިޑޭޓް ޤާސިމް އިބްރާހީމް ވިދާޅުވީ ޖޭޕީގެ ވެރިކަމެއްގައި ބަލިމީހާއަށް ރާއްޖޭން ބޭރުން އާސަންދައިން ހިލޭ ބޭސްފަރުވާގެ އިތުރުން ހުރުމާ ކެއުންވެސް ހިލޭ ލިބޭނެ ކަމަށެވެ.
ދިވެހި ރައްޔިތުންގެ ބޭސްފަރުވާއަށް ވަރަށް ދީލަތި އެހީތަކެއް މިހާރު ވެސް ފޯރުކޮށްދެއްވަމުން ގެންދަވާ ޤާސިމް ވިދާޅުވީ، ބޮޑެތި ބަލިތައް ދިމާވާ ޒުވާން ކުދިންނަށާއި، އަދި އެނޫން ފުރައިގެ މީހުންނަށްވެސް ފުރިހަމަ ސިއްހީ ފަރުވާ ޖުމްހޫރީޕާޓީގެ ސަރުކާރެއްގައި ލިބޭނެކަމަށެވެ. އަދި ބޭސްފަރުވާއަށް ރާއްޖޭން ބޭރަށް ދާނަމަ ހުރިހާ ހަރަދެއް ސަރުކާރުން ފޯރުކޮށްދޭނެކަމަށް ޤާސިމް ވިދާޅުވިއެވެ.
ޤާސިމް އިތުރަށް ވިދާޅުވީ ރާއްޖޭން ބޭރަށް ބޭސްފަރުވާ ކުރުމަށް ދަތުރުކުރާ މީހުން މަދުކުރުމަށްޓަކައި ރާއްޖޭގެ ތިން ސަރަހައްދެއްގައި އޭގެތެރޭގައި މާލެވެސް ހިމެނިގެންދާގޮތަށް ހުރިހާ ބަލިބައްޔަށް ބޭސްފަރުވާކުރެވޭނެ ނިޒާމު ހަމަޖެއްސުމަށް މަސައްކަތް ކުރަށްވާނެ ކަމަށެވެ.
"އެކަމަށްޓަކައި ބޭނުންވާ ވަސީލަތްތައް ގާއިމް ކުރުމަށް ރާއްޖޭގެ ތިން ސަރަހައްދުގައި ވާންޖެހޭ ތައްޔާރީތައް ވުމަށް އެންމެ ގިނަވެގެންވެސް އަޅުގަނޑުމެންގެ ވެރިކަމުގެ ތިންވަނަ އަހަރު ފެށިގެންދާއިރު، ނުވަތަ ދެވަނަ އަހަރު ފެށިގެންދާއިރު، އެވަސީލަތްތައް ގާއިމްކޮށް، ރާއްޖޭން ބޭރަށް ދިޔުމުގެ ދަތި އުނދަގޫ ބުރަ މަސްއޫލިއްޔަތުން ސަލާމަތްކުރާނަން އިރާދަކުރެއްވިއްޔާ." ޤާސިމް ވިދާޅުވިއެވެ.
ރޭގެ ޙަފްލާގައި ޤާސިމް ވަނީ މާލެއާ އަތޮޅުތެރޭގައި މިހާރު ސަރުކާރުން އަޅާދީފަހުރި ގެތަކާއި ފުލެޓުތަކުގެ ކުލިވެސް މަޢާފުކޮށްދެއްވާނެކަމަށް ވިދާޅުވެފައެވެ. އޭގެއިތުރުން ހުރިހާ ޒުވާނުންނަށް ވަޒީފާގެ ޔަގީންކަން ދެއްވާ ކަމަށާއި ކިޔަވާ ކުދިންނަށް ރާއްޖެއާ ރާއްޖޭންބޭރުން މަތީތައުލީމު ހިލޭ ފޯރުކޮށްދެއްވާނެ ކަމަށްވެސް ޤާސިމް ވަނީ ވިދާޅުވެފައެވެ.
ރިޔާސީ އިންތިޚާބުގެ ކެމްޕޭން ޤާސިމް ފަށާފައިވާއިރު ޖުމްހޫރީ ޕާޓީގެ ކެމްޕޭން ޓީމްތަކުން ދަނީ ރާއްޖޭގެ އެކި ކަންކޮޅުތަކަށް ދަތުރުކޮށް ޤާސިމް އިބްރާހީމަށް ތާޢީދު ހޯދުމަށް މަސައްކަތް ކުރަމުންނެވެ.
ދިވެހި ރައްޔިތުންގެ ބޭސްފަރުވާއަށް ވަރަށް ދީލަތި އެހީތަކެއް މިހާރު ވެސް ފޯރުކޮށްދެއްވަމުން ގެންދަވާ ޤާސިމް ވިދާޅުވީ، ބޮޑެތި ބަލިތައް ދިމާވާ ޒުވާން ކުދިންނަށާއި، އަދި އެނޫން ފުރައިގެ މީހުންނަށްވެސް ފުރިހަމަ ސިއްހީ ފަރުވާ ޖުމްހޫރީޕާޓީގެ ސަރުކާރެއްގައި ލިބޭނެކަމަށެވެ. އަދި ބޭސްފަރުވާއަށް ރާއްޖޭން ބޭރަށް ދާނަމަ ހުރިހާ ހަރަދެއް ސަރުކާރުން ފޯރުކޮށްދޭނެކަމަށް ޤާސިމް ވިދާޅުވިއެވެ.
ޤާސިމް އިތުރަށް ވިދާޅުވީ ރާއްޖޭން ބޭރަށް ބޭސްފަރުވާ ކުރުމަށް ދަތުރުކުރާ މީހުން މަދުކުރުމަށްޓަކައި ރާއްޖޭގެ ތިން ސަރަހައްދެއްގައި އޭގެތެރޭގައި މާލެވެސް ހިމެނިގެންދާގޮތަށް ހުރިހާ ބަލިބައްޔަށް ބޭސްފަރުވާކުރެވޭނެ ނިޒާމު ހަމަޖެއްސުމަށް މަސައްކަތް ކުރަށްވާނެ ކަމަށެވެ.
"އެކަމަށްޓަކައި ބޭނުންވާ ވަސީލަތްތައް ގާއިމް ކުރުމަށް ރާއްޖޭގެ ތިން ސަރަހައްދުގައި ވާންޖެހޭ ތައްޔާރީތައް ވުމަށް އެންމެ ގިނަވެގެންވެސް އަޅުގަނޑުމެންގެ ވެރިކަމުގެ ތިންވަނަ އަހަރު ފެށިގެންދާއިރު، ނުވަތަ ދެވަނަ އަހަރު ފެށިގެންދާއިރު، އެވަސީލަތްތައް ގާއިމްކޮށް، ރާއްޖޭން ބޭރަށް ދިޔުމުގެ ދަތި އުނދަގޫ ބުރަ މަސްއޫލިއްޔަތުން ސަލާމަތްކުރާނަން އިރާދަކުރެއްވިއްޔާ." ޤާސިމް ވިދާޅުވިއެވެ.
ރިޔާސީ އިންތިޚާބުގެ ކެމްޕޭން ޤާސިމް ފަށާފައިވާއިރު ޖުމްހޫރީ ޕާޓީގެ ކެމްޕޭން ޓީމްތަކުން ދަނީ ރާއްޖޭގެ އެކި ކަންކޮޅުތަކަށް ދަތުރުކޮށް ޤާސިމް އިބްރާހީމަށް ތާޢީދު ހޯދުމަށް މަސައްކަތް ކުރަމުންނެވެ.
ކިޔުންތެރިންގެ ހިޔާލު