މާލޭ މަގުމަތިން އަންހެނަކު ފިރިހެނަކަށް ތޫނު އެއްޗަކުން ޙަމަލާދީފިއެވެ.

ދިވެހި ފުލުހުންގެ ޚިދުމަތުން މިއަދު ބުނީ، ރޭ މާލޭގައި ކަލާފާނު ސްކޫލް ކައިރިން އަންހެނަކު ފިރިހެނަކަށް ތޫނު އެއްޗަކުން ޙަމަލާދިން މައްސަލައެއް ފުލުހުން ބަލަމުންދާ ކަމަށެވެ.

މަޢުލޫމާތު ލިބިފައިވާ ގޮތުގައި މި މައްސަލާގައި ޙަމަލާދިން އަންހެން މީހާ ހުރީ މޫނު ބުރުގާ އަޅައިގެންނެވެ. ފަހަކަށް އައިސް މާލޭގައި މާރާމާރީގެ މައްސަލަތައް ވަނީ އިންތިހާއަށް އިތުރުވެފައެވެ.

މި ޙާދިސާގެ އިތުރު މަޢުލޫމާތު ފުލުހުން ހާމަކޮށްފައެއް ނުވެއެވެ.