ރާއްޖޭގައި ފިލައިގެން އުޅޭ އިންޑިއާ އަންހެނަކު ހޯދަން އިމިގްރޭޝަނުން އިއުލާންކޮށްފި އެވެ.

އިމިގްރޭޝަނުން ހޯދަން އިއުލާންކޮށްފައި ވަނީ އިންޑިއާ އަށް ނިސްބަތްވާ ޢުމުރުން 19 އަހަރުގެ މަންޕްރީތު ކޯރް ނަމަކަށް ކިޔާ އަންހެނެކެވެ.

އެމީހާ އަކީ 5 ދުވަސް ތެރޭގައި ހުޅުމާލޭ ދެވަނަ ފިޔަވަހީގައި ހުންނަ ޑިޓެންޝަން ސެންޓަރަށް ހާޒިވާން ޖެހޭ މީހެއް ކަމަށް އިމިގްރޭޝަނުން މަޢުލޫމާތު ދީފައިވެއެވެ.

އޭގެ އިތުރުން މަންޕްރީތުއާ ބެހޭ އެއްވެސް މައުލޫމާތެއް ލިބިފައިވާނަމަ އިމިގްރޭޝަންގެ ނަންބަރު 7980408 އަށް ގުޅައި އެކަން ހިއްސާކޮށްދިނުމަށްވެސް އިމިގްރޭޝަންގެ އިޢުލާނުގައިވެއެވެ.

ރާއްޖޭގައި ފިލައިގެން އުޅޭ ބިދޭސީންގެ މައްސަލަ ޙައްލު ކުރުމަކީ ސަރުކާރުން ވަރަށްބޮޑަށް އިސްކަންދޭ ކަމެއް ކަމަށް ހޯމްލޭންޑް ސެކިއުރިޓީ މިނިސްޓަރ ދާދިފަހުން ވަނީ ވިދާޅުވެފައެވެ.