ވަގު ޕާސްޕޯޓެއްގައި ރާއްޖެ ވަންނަން އުޅުނު ބިދޭސީއަކު ހުއްޓުވައިފިއެވެ.

އިމިގްރޭޝަނުން މިރޭ ބުނެފައިވަނީ ޕާސްޕޯޓަށް ބަދަލު ގެނެސްގެން ރާއްޖެއަށް ވަންނަން އުޅެނިކޮށް ހުއްޓާފައިވަނީ އުމުރުން 40 އަހަރުގެ ފިރިހެނެއް ކަމަށެވެ. ނަމަވެސް އެއީ ކޮން ގައުމެއްގެ މީހެއް ކަމެއް އިމިގްރޭޝަނުން ހާމަކޮށްފައެއް ނުވެއެވެ.

ސައްޙަ ޕާސްޕޯޓަކަށް ބަދަލު ގެނެސްގެން (forged passport) ރާއްޖެ އެތެރެވުމަށް މަސައްކަތްކުރި ބިދޭސީއެއް ހުއްޓުވައިފި. pic.twitter.com/bFYXO9mri8

— Maldives Immigration (@ImmigrationMV) July 27, 2020

ކޯވިޑް-19 އާ ގުޅިގެން ތިން މަހަށް ފަހު ރާއްޖޭގެ ބޯޑަރު އަލުން ހުޅުވާލާފައިވަނި މި މަހުގެ 15 ގައެވެ. ބޯޑަރު ހުޅުވާލިތާ ފުރަތަމަ 10 ދުވަހުގެ ތެރޭގައި ރާއްޖެއަށް 904 ފަތުރުވެރިން އައިސްފައިވާ ކަމަށް އިމިގްރޭޝަނުން ވަނީ ކުރީން ބުނެފައެވެ.

މީގެ ކުރިން ވެސް ރާއްޖެއަށް ވަގު ޕާސްޕޯޓްގައި އެތެރެވާން މަސައްކަތްކުރި މީހުން އަތުލައިގެންފައިވެ އެވެ.