ރާއްޖޭގެ އިގުތިސާސީ ހާއްސަ ސަރަހައްދުގައި ގާނޫނާއި ހިލާފަށް މަސްވެރިކަންކުރަން އުޅުނު ދެ ބޯޓެއް ހިފަހައްޓާފައިވާކަމަށް މޯލްޑިވްސް ނެޝަނަލް ޑިފެންސްފޯސް، އެމްއެންޑީއެފުން ބުނެފިއެވެ.

މި ދެ ބޯޓު ހިފަހައްޓާފައިވާކަން އެމްއެންޑީއެފުން ހާމަކުރި ނަމަވެސް، އެ ބޯޓުތަކަކީ ކޮންގައުމެއްގެ ބޯޓުތަކެއްކަމެއް އަދި އެ ނޫންވެސް އިތުރު މައުލޫމާތެއް ހާމަ ކޮށްފައެއް ނުވެއެވެ.

ދިވެހިރާއްޖޭގެ ޚާއްސަ އިގްތިސާދީ ސަރަހައްދުގައި ޤާނޫނާއި ޚިލާފަށް މަސްވެރިކަން ކުރަމުންދިޔަ ކަމަށްބެލެވޭ ބޭރުގެ 2 މަސް ބޯޓެއް އެމް.އެން.ޑީ.އެފް ކޯސްޓްގާޑުގެ ބެލުމުގެ ދަށަށް ގެނެސްފި. pic.twitter.com/3eK4aghwgx

— Maldives National Defence Force (@MNDF_Official) January 26, 2024

ރާއްޖޭގެ ކަނޑުގެ ސަރަހައްދުން ވަގަށް މަސްވެރިކަން ކުރަނިކޮށް މިފަދަ ބޯޓުފަހަރު އަތުލައިގަތުމަކީ އާންމުކަމެކެވެ. އެގޮތުން މިދިޔަ 2023 ވަނަ އަހަރުގެ އޮކްޓޯބަރު މަސްތެރޭގައި ވެސް ވަނީ ލަންކާގެ 5 ބޯޓެއް އަތުލައިގެންފައެވެ.