ލޮލުގެ ބަލިތަކަށް ހާއްސަ ޑރ. ޕްރަދީޕް ބަސްޓޮލާ، ރާއްޖެ ވަޑައިގެން މެޑިކާ ހޮސްޕިޓަލުގައި ބަލިމީހުން ބައްލަވަން ފައްޓަވައިފައިވާކަމަށް އެހޮސްޕިޓަލުން ބުނެފިއެވެ. މެޑިކާ އިން ބުނީ މިމަހުން ފެށިގެން އެހޮސްޕިޓަލުން ފުލްޓައިމްކޮށް ޑރ. ޕްރަދީޕް ބަސްޓޮލާ އެޕޮއިންޓްމެންޓްތަކަށް އެޓެންޑުވަމުންދާކަމަށެވެ.

ލޮލުގެ ބަލިތަކަށް ހާއްސަ ޑރ.ބަސްޓޮލާ އަކީ ލޮލުގެ ބަލިތަކުގެ އިތުރުން ޕަބްލިކް ހެލްތު ދާއިރާއިންވެސް ތަޢުލީމު ހާސިލުކުރައްވައި، ގިނަ ދުވަހުގެ ތަޖުރިބާ ލިބިފައިވާ ފަރާތެއްކަން ފާހަގަކޮށްލެވެއެވެ.

ޑރ.ބަސްޓޮލާ ވަނީ ނޭޕާލްގެ ކަތުމަންޑޫ ޔުނިވަރސިޓީއިން އެމްބީބީއެސް ހާސިލް ކުރެއްވުމަށްފަހު، ޓްރިބުވާން ޔުނިވާސިޓީ ޓީޗިން ހޮސްޕިޓަލުން އޮފްތަލްމޮލޮޖީގެ އެމްޑީ ހާސިލް ކުރައްވާފައެވެ. އަދި އެއަށްފަހު ލަންޑަން ސްކޫލް އޮފް ހައިޖީން އެންޑް ޓްރޮޕިކަލް މެޑިސިން އިން ކޮމިއުނިޓީ އޮފްތަލްމޮލޮޖީ އާއި ރިސާޗް އަށް ޚާއްސަ އިސްކަމެއްދީ، ޕަބްލިކް ހެލްތު ފޯ އައި ކެއާ އިން މާސްޓާސް ޑިގްރީ ހާސިލް ކޮށްފައިވެއެވެ. މީގެއިތުރުން، ޑރ.ބަސްޓޯލާ ވަނީ ވިޓްރިއޮރެޓިނަލް ސާޖަރީ، ފޭކޯއެމަލްސިފިކޭޝަން، ފެމްޓޯސެކަންޑް ލޭޒަރ ކެޓަރެކްޓް ސާޖަރީ އަދި އޮކިއުލޯޕްލާސްޓީ ފަދަ ތަފާތު ޒަމާނީ ސާޖިކަލް ޓެކްނިކްތަކުން ފެލޯޝިޕްވެސް ފުރިހަމަކޮށްފައެވެ.

ތަޢުލީމީ ގޮތުންވެސް ފާހަގަކޮށްލެވޭ ޑރ.ބަސްޓޮލާ އަކީ މިދާއިރާގައި 20 އަހަރަށްވުރެ ގިނަ ދުވަހުގެ ޕްރޮފެޝަނަލް ތަޖުރިބާ ލިބިފައިވާ ފަރާތެކެވެ. އެގޮތުން ގިނަބައެއްގެ ލޯތްބާއި އިޙުތިރާމު އަދިވެސް ލިބެމުންދާ ޑރ.ބަސްޓޯލާ ވަނީ އެކިއެކި މުއައްސަސާތަކުގައި ފާހަގަކޮށްލެވޭ މަޤާމުތަކެއްވެސް ފުރުއްވާފައެވެ.



ޑރ.ބަސްޓޯލާގެ ސާޖިކަލް ރެކޯޑަކީ އޭނާގެ ތަޖުރިބާއާއި ޚިދުމަތްތެރިކަމުގެ ހެކިތައްކަން ހަމަޔަގީނެވެ. ޑރ.ބަސްޓޯލާގެ ސާޖިކަލް ރެކޯޑައް ބަލާލާއިރު:

- 70،000 އަށްވުރެއް ގިނަ ކެޓަރެކްޓް ސާޖަރީ

- 15،000 އަށްވުރެއް ގިނަ ލޭޒަރ ސާޖަރީ

- 2،000 އަށްވުރެއް ގިނަ އޮކިއުލޯޕްލާސްޓިކް ސާޖަރީ

- 3،000 އަށްވުރެއް ގިނަ ކުޑަކުދިންގެ ލޮލުގެ ސާޖަރީ

- 200 އަށްވުރެއް ގިނަ ރެޓިނާ ސާޖަރީ އަދި،

- 5،000 އަށްވުރެއް ގިނަ ކުއްލި ހާލަތުގައި ކޯނިއަލް މަރާމާތުކުރުން ހިމެނެއެވެ.

މީގެއިތުރުން ޑރ.ބަސްޓޮލާ އަކީ ހަކުރުބަލީގެ ރެޓިނޯޕެތީ، އޮކިއުލަރ ޓްރޮމާ، އަދި ކޮވިޑް-19 ގެ ސަބަބުން ލޮލުގެ ސިއްހަތަށް ކުރާ އަސަރު ފަދަ ދާއިރާތަކުން އަގުހުރި ދިރާސާތަކެއް ކޮށް، އާންމުކޮށް އެދިރާސާތައް ފެންނާނެހެން މަޝްހޫރު ޖާނަލްތަކުގައި ޝާއިއުކޮށްފައިވާ ފަރާތެއްކަން ފާހަގަކޮށްލެވެއެވެ. ޑރ.ބަސްޓޮލާ އަކީ އިންޓަނޭޝަނަލް ސޮސައިޓީ އޮފް ޖިއޮގްރަފިކަލް އެންޑް އެޕިޑެމިއޮލޮޖިކަލް އޮފްތަލްމޮލޮޖީ އާއި ނޭޕާލް އޮފްތަލްމިކް ސޮސައިޓީ ފަދަ މަޝްހޫރު ބައެއް ޖަމިއްޔާތަކުގެ ހީވާގި މެންބަރެއްވެސްމެއެވެ.



މިހިނގާ ޖުލައި މަހުން ފެށިގެން މެޑިކާ ހޮސްޕިޓަލުގައި ބަލިމީހުން ބައްލަވަމުން ގެންދަވާ ޑރ. ޕްރަދީޕް ބަސްޓޯލާ އަށް ދައްކަވަން އެޕޮއިންޓްމަންޓް ހެއްދެވުމަށް މެޑިކާ ހޮސްޕިޓަލުގެ ކޯލް ސެންޓަރ 3002255، ވަޓްސްއެޕް ނަންބަރު 9748013، ނުވަތަ ވައިބާ ނަންބަރު 7280622 އަދި 7280626 މެދުވެރިކޮށް އެޕޮއިންޓްމަންޓް ހެއްދެވޭނެ ކަމަށް މެޑިކާ ހޮސްޕިޓަލުން މައުލޫމާތު ދެއެވެ.