އަންނަ ސެޕްޓެމްބަރު މަހުގެ ތިންވަނަ ހަފުތާގައި ރާއްޖެ އާއި އިންޑިއާ އާ ދެމެދު ބައްވާ ފެރީގެ ހިދުމަތް ފެށިގެންދާނެ ކަމަށް އިންޑިއާ ސަރުކާރުން ބުނެފިއެވެ.

ރާއްޖޭގައި ހުންނަވާ އިންޑިއާގެ ހައި ކޮމިޝަނުން ބުނީ އިންޑިއާގެ ޝިޕިން ކޯޕަރޭޝަންގެ 20 ފޫޓުގެ 200 ކޮންޓޭނަރާއި 3000 މެޓްރިކް ޓަނުގެ މުދާ އުފުލޭނެ ބޯޓެއްގައި މި ފެރީގެ ހިދުމަތް ސެޕްޓެމްބަރު މަހުގެ ތިންވަނަ ހަފުތާގެ ތެރޭގައި ފެށިގެންދާނެ ކަމަށެވެ.

ކޮންމެ 10 ދުވަހަކުން މި ބޯޓުން ދަތުރެއް ފުރިހަމަ ކުރާއިރު، މި ހިދުމަތް އެންމެ ފުރަތަމަ ފަށާނީ މާލެއަށެވެ. އަދި ކުރިޔަށް އޮތް ތަނުގައި ހދ. ކުޅުދުއްފުށްޓައް ވެސް މި ހިދުމަތް ފުޅާކުރެވިގެންދާނެ ކަމަށް އިންޑިއާއިން ވަނީ ބުނެފައެވެ.

Sea-connectivity for prosperity!

A direct ‘Cargo Ferry Service’ connecting #Kochi/#Tuticorin with #Malé will be flagged off fm 🇮🇳 in the 3rd week of Sep.The vessel,operated by Shipping Corp. of India,can carry 200 teus & 3000 mts of break-bulk cargo;turnaround time of 10 days. pic.twitter.com/R2HoCoL1k5

— India in Maldives (@HCIMaldives) August 20, 2020

ފޮރިން މިނިސްޓްރީއިން ބުނެފައިވަނީ، ދިވެހިރާއްޖެއާއި އިންޑިއާ އާ ދެމެދު ފެށިގެން މިދާ ކާގޯ ފެރީގެ ޚިދުމަތާއެކު ދެޤައުމުގެ ދެމެދުގައި އޮތް ޒަމާންވީ ވިޔަފާރީގެ ގުޅުން އިތުރަށް ހަރުދަނާވެގެންދާނެ ކަމަށް އުއްމީދު ކުރާ ކަމަށެވެ. އަދި ކުޅުދުއްފުއްޓަކީ މި ކާގޯ ފެރީގެ އެއް މަންޒިލްކަމަށްވުމާއެކު، މި ފެރީގެ ނިޒާމުގެ ސަބަބުން އުތުރުގެ އިޤްތިޞާދަށް ކުރިއެރުން ލިބޭނޭ ކަމަށް އެ މިނިސްޓަރީން މީގެ ކުރިން ވަނީ ބުނެފައެވެ.