ރައްޔިތުންގެ މަޖިލީހުގެ ރައީސްގެ ރަސްމީ ގެކޮޅު ‘މުރައިދޫ’ ގޭގައި މަަސައްކަތްކުރާ މުވައްޒަފުންގެ ތަފްސީލު ހާމަކުރުމާ ގުޅޭ މައްސަލައިގައި، މަޖިލީހުގެ ސަލާމަތީ ހިދުމަތްތަކާ ބެހޭ ކޮމިޓީން ބާއްވާ ބައްދަލުވުން ސިއްރުކޮށްފިއެވެ.
މިއަދުގެ ކޮމިޓީ ބައްދަލުވުމުގައި ކޮމިޓީގެ މުގައްރިރު އޭދަފުށި ދާއިރާގެ މެންބަރު އަހްމަދު ސަލީމް ވިދާޅުވީ، މުރައިދޫ ގޭގައި މަސައްކަތްކުރާ މުވައްޒަފުންގެ އަދަދާއި މުސާރައިގެ ތަފްސީލް ހޯދުމަށް އެކި ފަރާތްތަކުން ހުށަހަޅާފައިވާތީ އެ މައުލޫމާތު ހާމަކުރުމާމެދު ގޮތެއް ނިންމުމަށް އެދި މަޖިލީހުގެ އިދާރާގެ ފަރާތުން ކޮމިޓީއަށް ސިޓީއެއް ހުށަހަޅާފައިވާ ކަމަށެވެ.
މިއަދުގެ ކޮމިޓީގެ ބައްދަލުވުން ސިއްރު ކުރެއްވުމަށް ހުށައެޅުއްވީ ޕީއެންސީގެ ޕީޖީ ލީޑަރު އަދި އިނގުރައިދޫ ދާއިރާގެ މެންބަރު އިބްރާހިމް ފަލާހެވެ. ތާއީދު ކުރެއްވީ މާމިގިލީ ދާއިރާގެ މެންބަރު ގާސިމް އިބްރާހިމެވެ.
އޭގެފަހުން ކޮމިޓީގެ މިއަދުގެ ބައްދަލުވުން ސިއްރުކުރަން ފެނޭތޯ ސަލީމް ވޯޓަށް އެއްސެވުމުން، ކޮމިޓީގެ އިއްތިފާގުން ނިންމީ މިއަދުގެ ބައްދަލުވުން ސިއްރުކުރުމަށެވެ.
މުރައިދޫގެއަކީ ރައްޔިތުންގެ މަޖިލީހުގެ ރައީސްގެ މަގާމުގައި ރައީސް މުޙައްމަދު ނަޝީދު ހުންނަވަނިކޮށް އެމަނިކުފާނަށް ދިން ބޮމުގެ ހަމަލާއަށްފަހު ދައުލަތުގެ ތިންބާރުގެ ވެރިންގެ ރައްކާތެރިކަން ކަށަވަރު ކޮށްދިނުމަށް 2021 ވަނަ އަހަރު ގެކޮޅު ހަމަޖައްސައިދިނުމަށް މަޖިލީހުން ނިންމުމާއި ގުޅިގެން ރައީސް ނަޝީދު ހުންނެވި ގެކޮޅެވެ.
20 ވަނަ މަޖިލީހުގެ ރައީސް ޢަބްދުއްރަޙީމް މުރައިދޫގެއަށް ބަދަލުވެވަޑައިގަތީ ޖުލައިމަހުގެ 26 ވަނަ ދުވަހުއެވެ.
މިއަދުގެ ކޮމިޓީގެ ބައްދަލުވުން ސިއްރު ކުރެއްވުމަށް ހުށައެޅުއްވީ ޕީއެންސީގެ ޕީޖީ ލީޑަރު އަދި އިނގުރައިދޫ ދާއިރާގެ މެންބަރު އިބްރާހިމް ފަލާހެވެ. ތާއީދު ކުރެއްވީ މާމިގިލީ ދާއިރާގެ މެންބަރު ގާސިމް އިބްރާހިމެވެ.
އޭގެފަހުން ކޮމިޓީގެ މިއަދުގެ ބައްދަލުވުން ސިއްރުކުރަން ފެނޭތޯ ސަލީމް ވޯޓަށް އެއްސެވުމުން، ކޮމިޓީގެ އިއްތިފާގުން ނިންމީ މިއަދުގެ ބައްދަލުވުން ސިއްރުކުރުމަށެވެ.
20 ވަނަ މަޖިލީހުގެ ރައީސް ޢަބްދުއްރަޙީމް މުރައިދޫގެއަށް ބަދަލުވެވަޑައިގަތީ ޖުލައިމަހުގެ 26 ވަނަ ދުވަހުއެވެ.
ކިޔުންތެރިންގެ ހިޔާލު