ގަވައިދާ ހިލާފަށް ބިދޭސީން ވިޔަފާރިކުރާ ކަމަށް ބުނެ 221 މައްސަލަ ބިދޭސީންގެ މައްސަލަތައް ރިޕޯޓް ކުރުމަށް ގާއިމުކުރި ޕޯޓަލް، އިމިގްރޭޝަން ވޮޗްއަށް ހުށަހަޅާފައިވާ ކަމަށް އިމިގްރޭޝަނުން ބުނެފި އެވެ.

އިމިގްރޭޝަނުން މިއަދު އާންމުކުރި ތަފާސް ހިސާބުތަކުން ދައްކާ ގޮތުން މިދިިޔަ ޖުލައި މަހު އިމިގްރޭޝަން ވޮޗު ތައާރަފްކުރި ފަހުން މި މަހުގެ 15 އާ ހަަމައަށް 840 މައްސަލަ ރިޕޯޓްކޮށްފައި ވެއެވެ.

އޭގެ ތެރެއިން އެންމެ ގިނައިން ހުށަހެޅީ ގަވައިދާ ހިލާފަށް ވިޔަފާރިކުުރުމުގެ މައްސަލަކަމަށް ބުނެފައި ވެއެވެ. އެއީ 221 މައްސަލަަ އެވެ.

އެއަށްފަހު ދެން އެންމެ ގިނައިން ހުށަހެޅީ ވިސާއާ ހިލާފުވުމުގެ މައްސަލަ އެވެ. އެއީ 206 މައްސަލަ އެވެ.

އޭގެ އިތުރުން ހަށިވިއްކުމުގެ 50މައްސަލަ ވެސް ހުށަހަޅާފައި ވެއެވެ.

ގަވައިދާ ހިލާފަށް ވިޔަފާރި ކުުރުމުގެ މައްސަލަ ބޮޑުވެފައިވާއިރު ނުތާހިރު ތަންތަނުގައި ކާބޯ ތަކެތި ހަދައިގެން ވެސް ގިނަ އަދަދެއްގެ ބިދޭސީން އަތުލައިގެންފައި ވެއެވެ.