ފުލުހުންގެ ތަރުޖަމާނުގެ މަގާމުގައި ހުންނެވި އެސިސްޓެންޓް ކޮމިޝަނާ އޮފް ޕޮލިސް މުހައްމަދު ޝިފާން ފުލުހުންގެ ހިދުމަތުގެ ސާވިސް ޑިވޮލޮޕްމަންޓް ޑައިރެކްޓޮރޭޓްގެ ވެރިއާގެ މަގާމަށް ބަދަލުކޮށްފި އެވެ.

ފުލުހުން މިއަދު މީޑިއާތަކަށް ފޮނުވި މެސެޖުގައި ބުނީ ފުލުހުންގެ އިދާރާގެ ބަހާތަކުގެ ހިންގުމަށް އަބަދުވެސް ދާނީ ބަދަލު ގެންނަމުން ކަމަށެވެ.

އެގޮތުން ހެޑް އޮފް ސާވިސް ޑިވޮލޮޕްމަންޓް ޑައިރެކްޓޮރޭޓްގެ މަގާމަށް އެސިސްޓެންޓް ކޮމިޝަނާ އޮގް ޕޮލިސް އަހުމަދު ޝިފާން ހަަމަޖައްސައި ހެޑް އޮފް ދަ އޮފީސް އޮފް ދަ ކޮމިޝަނަރުގެ މަގާމަށް އެސިސްޓެންސް ކޮމިޝަނަރު އޮފް ޕޮލިސް މޫސާ އަލީ އިއްޔެ އައްޔަނުކުރައްވާފައިވާ ކަމަށެވެ.

ރައީސް ޔާމީންގެ ވެރިކަމުގައި ޑްރަގް އެންފޯސްމެންޓް ޑިޕާޓްމެންޓުގެ ވެރިޔާގެ މަގާމާއި، ފުލުހުންގެ ތަރުޖަމާނުގެ މަގާމުވެސް ފުރުއްވާފައިވާ ޝިފާން މީގެ ކުރިން ވަނީ އައްޑޫ އާއި ފުވައްމުލައް ހިމެނޭ ރީޖަންގެ ފުލުހުންގެ ކޮމާންޑަރުކަން ވެސް ކުރައްވާފައެވެ. އަދި ހެޑް އޮފް މާލެ އޭރިއާގެ މަޤާމުވެސް ޝިފާން ވަނީ އަދާކުރަށްވާފައެވެ.