ރާއްޖޭގެ އިގުތިސާދީ ހާލަތު ރަނގަޅުކޮށް ދައުލަތުގެ ހަރަދުތައް ކުޑަކުރުމުގެ ގޮތުން ދައުލަތުގެ އިސް ވެރިންގެ މުސާރަތައް ކުޑަކުރަން ރައީސް ޑރ. މުހައްމަދު މުއިއްޒު ނިންމެވި ނިންމެވުމާ ގުޅިގެން ރައްޔިތުންގެ މަޖިލީހުގެ ރައީސްގެ މުސާރައިގެ 50 ޕަސެންޓް ނުނަންގަވަން ރައްޔިތުންގެ މަޖިލީހުގެ ރައީސް އަބްދުއް ރަހީމް އަބްދުﷲ ނިންމަވައިފި އެވެ.

ހަރަދުކުޑަކުރަން މުސާރައިން 50 ޕަސެންޓް ނުނަންގަވަން އެންމެ ފުރަތަމަ ނިންމެވީ ސީދާ ރައީސް ޑރ. މުހައްމަދު މުއިއްޒު އެވެ. އަދި ރައްޔިތުންގެ މަޖިލީހުގެ މެމްބަރުންގެ މުސާރައިން 10 ޕަސެންޓް އުނިކުރުމަށް އެ ފަރާތްތަކުގައި އެދިވަޑައިގަންނަވާނެ ކަމަށް ވެސް ރައީސް ވިދާޅުވި އެވެ.

އެކަން ރައީސް ހާމަ ކުރެއްވިތާ މަދު ވަގުތުކޮޅެއްގެ ތެރޭގައި އަބްދުއް ރަހީމް އެކްސްގައި މިރޭ ވިދާޅުވީ ރައީސްގެ ނިންމެވުމަށް އެއްބާރުލުން ދެއްވުމުގެ ގޮތުން މަޖިލީހުގެ ރައީސްގެ މުސާރައިގެ 50 އިންސައްތަ ނަންގަވަން ނިންމަވާފައިވާ ކަމަށެވެ.

"އެއްބާރުލުން ދިނުމުގެގޮތުން އަޅުގަނޑުގެ މުސާރައިން 50 ޕަސެންޓް ނުނަގާގޮތަށް ނިންމައިފިން." އަބްދުއް ރަހީމް ވިދާޅުވި އެވެ.

އިގުތިސާދީ ހާލަތާއި ގުޅިގެން އެކި ފިޔަވަޅުތައް ސަރުކާރުން އަޅަމުން ދިޔަނަމަވެސް، މުސާރައަށް ބޮޑެތި ބަދަލުތަކެއް އަންނަގޮތަށް މިފަދަ ބަދަލެއް ގެންނަން ނިންމި މިއީ ފުރަތަމަ ފަހަރެވެ.