އެންޓި ކޮރަޕްޝަން ކޮމިޝަންގެ ރައީސާއި ނައިބު ރައީސުންނަކީ ރައީސުލްޖުމްހޫރިއްޔާ އައްޔަނު ކުރާ ބަޔަކަަށް ހެދުމަށް ސަރުކާރުން ހުށަހެލި ބިލަކީ އެހެން މުވައްސަސާތަކަށް ރައީސް ޑރ. މުހައްމަދު މުއިއްޒު ފޮނުއްވި ނުރައްކާތެރި މެސެޖެއް ކަމަށް ގަލޮޅު ދެކުނު ދާއިރާގެ މެމްބަރު މީކާއިލް ނަސީމް ވިދާޅުވެއްޖެ އެވެ.
އޭސީސީގެ ގާނޫނަށް އިސްލާހު ގެންނަން ހުށަހަޅާފައިވާ ބިލަށް މިއަދު މަޖިލީހުގައި ކުރި ބަހުސްގައި މީކާއިލް ވިދާޅުވީ ކުރިން މަޖިލީހުގައި ރައީސުލްޖުމްހޫރިއްޔާ ތަމްސީލުކުރައްވާ މެމްބަރުންތަކެއްވެސް މަޖިލީހުގައި ތިއްބެވި ކަމަށާއި އެހެން ނަމަވެސް އެކަން މިހާރު މާޒީވެ ނިމިފައިވާ ކަމަށެވެ.
އެހެން ނަމަވެސް 90ގެ އަހަރުތަކުގެ ތެރޭގައި ހުށަހެޅޭ ބިލުތައް 2024ގައި ހުށަހެޅިގެން ދިއުމަކީ ލަދުވެތިކަމެއް ކަމަށް މީކާއީލް ވިދާޅުވި އެވެ.
މީކާއިލް އިތުރަށް ވިދާޅުވީ އޭސީސީގެ ބިލަކީ ހަަމައެކަނި ބިލެއް ނޫން ކަމަށެވެ.
"މިއީ ސިގްނަލެއް. އޭސީސީއަށް ވެސް އަދި އެހެނިހެން މުވައްސަސާތަަކަށް ވެސް ރައީސް މުއިއްޒު ފޮނުއްވާ ސިގްނަލެއް. ރައީސް ބޭނުންވާ ގޮތަށް އަަމަލުނުކުރާ ކަމަށްވަންޏާ ކަނޑާލާނަމޭ. މިއީ ފުރަތަމަ ފިޔަވަހި." މީކާއީލް ވިދާޅުވި އެވެ.
އެގޮތުން މިއީ ގޯހެއް ކަމަށާއި ރައްޔިތުން ހޮވައިފައި ތިއްބެވި މެމްބަރުން އެ ބިލަށް އެއްބާރުލުން ނުދިނުމަށް މީކާއީލް ގޮވާލެއްވި އެވެ.
އެހެން ނަމަވެސް 90ގެ އަހަރުތަކުގެ ތެރޭގައި ހުށަހެޅޭ ބިލުތައް 2024ގައި ހުށަހެޅިގެން ދިއުމަކީ ލަދުވެތިކަމެއް ކަމަށް މީކާއީލް ވިދާޅުވި އެވެ.
މީކާއިލް އިތުރަށް ވިދާޅުވީ އޭސީސީގެ ބިލަކީ ހަަމައެކަނި ބިލެއް ނޫން ކަމަށެވެ.
އެގޮތުން މިއީ ގޯހެއް ކަމަށާއި ރައްޔިތުން ހޮވައިފައި ތިއްބެވި މެމްބަރުން އެ ބިލަށް އެއްބާރުލުން ނުދިނުމަށް މީކާއީލް ގޮވާލެއްވި އެވެ.
ކިޔުންތެރިންގެ ހިޔާލު