ހުއްޓިފައި އޮތް ރަސްމާލެ ހިއްކުމުގެ މަޝްރޫއު އަލުން ފަށައިފި އެވެ.

މާލެ ކައިރީގައި އޮންނަ ފުށިދިއްގަރު ފަޅު ހިއްކައިގެން ތަރައްގީކުރާ ރަސްމާލެ ހިއްކުމުގެ މަސައްކަތް ފެށީ މިދިިޔަ އަހަރު ޑިސެމްބަރު މަހު އެވެ.

ނަމަވެސް ސަރުކާރުން ބޭނުންވި ގޮތަށް އެ މަޝްރޫއު ހަވާލުކުރި ލަންކާގެ ކުންފުނި، ސީއެމްސީއަށް ނުގެންދެވި ބިން ހިއްކުން ވަކި ހިސާބަކުން ހުއްޓުފައިވާ ކަމަށް މިދިޔަ މޭ މަހު ސަރުކާރުން އޮތީ ބުނެފަ އެވެ.

އަދި އެ މަޝްރޫއު ކުރިއަށް ގެންދަން އިތުރު ގޮތްތަކެއް ހޯދަމުންދާކަަމަށް ސަރުކާރުން އޭރު އޮތީ ބުނެފަ އެވެ.

ހައުސިން ޑިވޮލޮޕްމަންޓް ކޯޕަރޭޝަނުން މިއަދު މެންދުރު ބުނީ ރަސްމާލެ ހިއްކުމުގެ މަސައްކަތް މިއަދު އަލުން ފަށާފައިވާ ކަމަށެވެ.

އަދި މިހާރު ހިއްކަމުން ދަނީ ފުށިދިއްގަރު ފަޅުގެ އެފް ސަރަހައްދުކަމަށް ވެސް ބުނެފައި ވެއެވެ.

ރަސްމާލެއާ މާލެ ކަނޑުއަޑީގެ ޓަަނަލަކުން ގުޅާލާނެކަމަށް ވެސް ސަރުކާރުން ބުނެފައި ވެއެވެ.