ކުރީގެ ޕްރޮސެކިއުޓާ ޖެނެރަލް (ޕީޖީ) ހުސެއިން ޝަމީމަށް ހަމަލާ ދިން ކަމަށް ތުހުމަތު ކުރެވޭ މީހުން އެމީހުންގެ މައްޗަށް ކޮށްފައިވާ ދަޢުވާތަކަށް އިންކާރު ކޮށްފިއެވެ.
މި މައްސަލައިގައި ދަޢުލަތުން ދައުވާ ކޮށްފައި ވަނީ ހަތް މީހެއްގެ މައްޗަށެވެ. އެއީ، ރ. އަލިފުށި ރިވެލި މިދުހަތު އާދަމާއި، ލ. ގަން ތުނޑި ޖަވާހިރުވިލާ މުހައްމަދު ޖަޒްލާނާއި، ދަފްތަރު ނަންބަރު 2247 އަހުމަދު މައިސާން ހާޝިމާއި، ލ. މާމެންދޫ މުރިނގު ރަޖުވާން ލަތީފާއި، ތ. ގާދިއްފުށި މުސްތަރީގެ ޝަމާލް ހުސައިންގެ އިތުރުން ތ. ދިޔަމިގިލި ރުވާ އަބާން އަބްދުލްހަންނާނާއި، އދ. މާމިގިލި ކެމީހިޔާ ޒަޔާން ނަސީރުގެ މައްޗަށެވެ.
މި ހަތް މީހުންގެ މައްޗަށް ވެސް ދަޢުލަތުން އުފުލާފައި ވަނީ ތޫނު ހަރިޔާރެއް ބޭނުން ކޮށްގެން ގަސްދުގައި މީހަކު މަރާލަން އުޅުމުގެ ކުށުގެ ދައުވާ އެވެ. މައްސަލާގައި މިއަދު ބޭއްވި އަޑުއެހުމުގައި މި އެންމެންވެސް ވަނީ ދަޢުވާއަށް އިންކާރު ކޮށްފައެވެ.
އެހެންކަމުން މައްސަލަ ބައްލަވާ ޤާޟީ އިހުސާން ވަނީ މިމަހުގެ 24 ވަނަ ދުވަހުގެ ނިޔަލަށް ދިފާއީ ހެކި ހުށަހަޅަން ތުހުމަތު ކުރެވޭ ފަރާތްތަކަށް ފުރުސަތު ދީފައެވެ.
މިއަދުގެ އަޑުއެހުމުގައި ދައުލަތުން ބުނެފައި ވަނީ މިއީ މާލޭގައި ކުށްކުރާ ގުރޫޕަކުން ދުރާލާ ރާވައިގެން ކޮމަން އިންޓެންޝަނެއްގައި ދީފައިވާ ހަމަލާއެއް ކަމަށެވެ. އަދި އެކަން ސާބިތު ކުރަން ދައުލަތުން ވަނީ ހެކި ހުށަހަޅާފަ އެވެ.
ދަޢުލަތުން ބުނީ މި މީހުން ޝަމީމަށް ހަމަލާ ދޭން ރާވައި، 2024 ޖެނުއަރީ 31 ވަނަ ދުވަހު މާލޭގެ ނޫރު މިސްކިތް ކައިރީ މަގުމަތީން ޝަމީމް ހުއްޓުވައި، ބޮލަށް ހަމަލާ ދޭން މަސައްކަތްކޮށް، ޝަމީމާމެދު މާރާމާރީ ހިންގައި އަތުގެ މުލައްދަނޑި ޒަހަމްކޮށްލާފައިވާ ކަމަށެވެ.
އެގޮތުން ޝަމީމްގެ ބޮލަށް ހަމަލާދޭން މަސައްކަތް ކޮށްފައި ވަނީ މިދުހަތު ކަމަށާއި، ސައިކަލުގައި މިދުހަތު ގޮވައިގެން އެތަނަށް ގޮސް ސީނުން އޭނާ ގޮވައިގެން އަނބުރާ ދިޔައީވެސް ޖަޒްލާން ކަމަށެވެ. އަދި އެސައިކަލު ހޯދައިދިނީ މައިސާން ކަމަށް ވެސް ދައުލަތުން ބުންޏެވެ.
މި މައްސަލައިގައި ދައުވާ ކޮށްފައި އަނެއް ހަތަރު މީހުންނަކީ ހަމަލާ ދިން ވަގުތު އެ ސަރަހައްދުގައި ކާރެއްގައި މަޑުކޮށްގެން ތިބި މީހުންނެވެ. އަދި ހަމަލާއަށްފަހު ސައިކަލުގައި ތިބި ދެ މީހުންނާއެކު ހަތަރު މީހުން ކާރުގައި އެ ސަރަހައްދު ދޫކޮށް ގޮސްފައިވާ ކަމަށްވެސް ދައުލަތުން މިއަދު ކޯޓުގައި ބުނެފައިވެއެވެ.
މި މައްސަލައިގެ އިތުރު އަޑުއެހުމެއް މިމަހުގެ ފަހުކޮޅު ބާއްވާނެ ކަމަށް ކޯޓުން މިއަދު ވަނީ ބުނެފައެވެ.
މި ހަތް މީހުންގެ މައްޗަށް ވެސް ދަޢުލަތުން އުފުލާފައި ވަނީ ތޫނު ހަރިޔާރެއް ބޭނުން ކޮށްގެން ގަސްދުގައި މީހަކު މަރާލަން އުޅުމުގެ ކުށުގެ ދައުވާ އެވެ. މައްސަލާގައި މިއަދު ބޭއްވި އަޑުއެހުމުގައި މި އެންމެންވެސް ވަނީ ދަޢުވާއަށް އިންކާރު ކޮށްފައެވެ.
އެހެންކަމުން މައްސަލަ ބައްލަވާ ޤާޟީ އިހުސާން ވަނީ މިމަހުގެ 24 ވަނަ ދުވަހުގެ ނިޔަލަށް ދިފާއީ ހެކި ހުށަހަޅަން ތުހުމަތު ކުރެވޭ ފަރާތްތަކަށް ފުރުސަތު ދީފައެވެ.
ދަޢުލަތުން ބުނީ މި މީހުން ޝަމީމަށް ހަމަލާ ދޭން ރާވައި، 2024 ޖެނުއަރީ 31 ވަނަ ދުވަހު މާލޭގެ ނޫރު މިސްކިތް ކައިރީ މަގުމަތީން ޝަމީމް ހުއްޓުވައި، ބޮލަށް ހަމަލާ ދޭން މަސައްކަތްކޮށް، ޝަމީމާމެދު މާރާމާރީ ހިންގައި އަތުގެ މުލައްދަނޑި ޒަހަމްކޮށްލާފައިވާ ކަމަށެވެ.
އެގޮތުން ޝަމީމްގެ ބޮލަށް ހަމަލާދޭން މަސައްކަތް ކޮށްފައި ވަނީ މިދުހަތު ކަމަށާއި، ސައިކަލުގައި މިދުހަތު ގޮވައިގެން އެތަނަށް ގޮސް ސީނުން އޭނާ ގޮވައިގެން އަނބުރާ ދިޔައީވެސް ޖަޒްލާން ކަމަށެވެ. އަދި އެސައިކަލު ހޯދައިދިނީ މައިސާން ކަމަށް ވެސް ދައުލަތުން ބުންޏެވެ.
މި މައްސަލައިގެ އިތުރު އަޑުއެހުމެއް މިމަހުގެ ފަހުކޮޅު ބާއްވާނެ ކަމަށް ކޯޓުން މިއަދު ވަނީ ބުނެފައެވެ.
ކިޔުންތެރިންގެ ހިޔާލު