ވޭޕް މަނާކުރިރޭ އަތުލައިގަތް ތަކެއްޗަކީ މަސްތުވާތަކެތި ނޫން ކަމަށް ފުލުހުން ހާމަކޮށްފިއެވެ.
މިދިޔަ އޮކްޓޯބަރު މަހުގެ 14 ވަނަ ދުވަހުގެ ރޭ ދާޚިލީ ސަލާމާތާއި ފަންނީއްޔާތާބެހޭ ވަޒީރު ޢަލީ އިހުސާން މީސްމީޑިއާގައި ކުރެއްވި ޕޯސްޓެއްގައި ވިދާޅުވީ، ވޭޕް އޮއިލްގެ ނަމުގައި ރާއްޖެ އެތެރެ ކުރި މަސްތުވާތަކެތީގެ ބާވަތެއް ކަމަށްވާ ކަމަށްވާ ކެނެބިސް އަޅާފައިވާ ޝިޕްމެންޓެއް ކަސްޓަމްސް އިން އެރޭ ހިފަހައްޓާފައިވާ ކަމަށެވެ.
އަދި މިއީ ރާއްޖޭގައި ވޭޕް މަނާކުރަން ރައީސް ނެންގެވި ޑިޝިޝަން ނަގަންޖެހުނު އެންމެ ބޮޑު ސަބަބު ކަމަށް މިނިސްޓަރު އިހުސާން އެރޭ ވަނީ ވިދާޅުވެފައެވެ.
ނަމަވެސް ފުލުހުން މިއަދު ބުނީ އެރޭ އަތުލައިގަތް ތަކެތި މަސްތުވާތަކެއްޗަށް ޕޮޒިޓިވް ވެފައި ނުވާ ކަމަށެވެ.
"މި ޝިޕްމަންޓުގައި ހުރި ތަކެތި މަސްތުވާ ތަކެއްޗަށް ޓެސްޓު ކުރުމަށް ހެދި ފޮރެންސިކް ލެބް ޓެސްޓުން ދައްކާފައިވަނީ ނެގެޓިވް ކަމަށް." ފުލުހުން މިއަދު ހާމަކޮށްފައިވެއެވެ.
ކަސްޓަމްސުން މި ވޭޕް ޝިޕްމަންޓް އަތުލައިގެންފައިވަނީ، ވޭޕްކުރުމަށް ބޭނުންކުރާ ތަކެއްޗާއި، އެ ތަކެތީގެ ވަކިވަކި ބައިތައް ރާއްޖެއަށް އެތެރުކުރުން މަނާ ކުރުމުގެ އިތުރުން، ރާއްޖޭގައި ވޭޕްކުރުމަށް ބޭނުންކުރާ ތަކެތި ބޭނުންކުރުމާއި، ގެންގުޅުމާއި، އުފެއްދުމާއި، ވިއްކުމާއި، ރާއްޖޭގައި އިޝްތިހާރު ކުރުމާއި ހިލޭބެހުން މަނާކުރުމަށް ކުރަންޖެހޭ އެންމެހާ ކަންކަން ކުރުމަށް ކަމާބެހޭ ފަރާތްތަކަށް ރައީސް މުޢިއްޒު އެދުވަހު އަންގަަވާފައި ވަނިކޮށެވެ.
އޭގެ ފަހުން ސަރުކާރުން ވަނީ އިލެކްޓްރޯނިކް ސިނގިރޭޓާއި ވޭޕްކުރުމަށް ބޭނުންކުރާ އާލާތްތައް ވިއްކުމާއި ހިލޭ ބެހުމާއި ބޭނުންކުރުން މަނާކުރުމަށް މަޖިލީސް މެދުވެރިކޮށް ޤާނޫނެއް ފާސްކޮށްފައެވެ. އެޤާނޫނުގެ ދަށުން ރާއްޖޭގައި ވޭޕް ބޭނުންކުރުން 15 ޑިސެންބަރު 2024 އިން ފެށިގެން އެއްކޮށް މަނާވާނެއެވެ.
އަދި މިއީ ރާއްޖޭގައި ވޭޕް މަނާކުރަން ރައީސް ނެންގެވި ޑިޝިޝަން ނަގަންޖެހުނު އެންމެ ބޮޑު ސަބަބު ކަމަށް މިނިސްޓަރު އިހުސާން އެރޭ ވަނީ ވިދާޅުވެފައެވެ.
ނަމަވެސް ފުލުހުން މިއަދު ބުނީ އެރޭ އަތުލައިގަތް ތަކެތި މަސްތުވާތަކެއްޗަށް ޕޮޒިޓިވް ވެފައި ނުވާ ކަމަށެވެ.
ކަސްޓަމްސުން މި ވޭޕް ޝިޕްމަންޓް އަތުލައިގެންފައިވަނީ، ވޭޕްކުރުމަށް ބޭނުންކުރާ ތަކެއްޗާއި، އެ ތަކެތީގެ ވަކިވަކި ބައިތައް ރާއްޖެއަށް އެތެރުކުރުން މަނާ ކުރުމުގެ އިތުރުން، ރާއްޖޭގައި ވޭޕްކުރުމަށް ބޭނުންކުރާ ތަކެތި ބޭނުންކުރުމާއި، ގެންގުޅުމާއި، އުފެއްދުމާއި، ވިއްކުމާއި، ރާއްޖޭގައި އިޝްތިހާރު ކުރުމާއި ހިލޭބެހުން މަނާކުރުމަށް ކުރަންޖެހޭ އެންމެހާ ކަންކަން ކުރުމަށް ކަމާބެހޭ ފަރާތްތަކަށް ރައީސް މުޢިއްޒު އެދުވަހު އަންގަަވާފައި ވަނިކޮށެވެ.
އޭގެ ފަހުން ސަރުކާރުން ވަނީ އިލެކްޓްރޯނިކް ސިނގިރޭޓާއި ވޭޕްކުރުމަށް ބޭނުންކުރާ އާލާތްތައް ވިއްކުމާއި ހިލޭ ބެހުމާއި ބޭނުންކުރުން މަނާކުރުމަށް މަޖިލީސް މެދުވެރިކޮށް ޤާނޫނެއް ފާސްކޮށްފައެވެ. އެޤާނޫނުގެ ދަށުން ރާއްޖޭގައި ވޭޕް ބޭނުންކުރުން 15 ޑިސެންބަރު 2024 އިން ފެށިގެން އެއްކޮށް މަނާވާނެއެވެ.
ކިޔުންތެރިންގެ ހިޔާލު