ފުލުހުންގެ ޚިދުމަތުގައި ގިނަ ދާއިރާތަކަކުން ކުރިއަށް ދިޔުމުގެ ފުރުޞަތު އެބައޮތް ކަމަށް ކޮމިޝަނަރ އޮފް ޕޮލިސް ޢަލީ ޝުޖާއު ވިދާޅުވެއްޖެއެވެ.
ސީޕީ ޝުޖާއު މިހެން ވިދާޅުވީ ނޭޝަނަލް ކޮލެޖް އޮފް ޕޮލިސިންގ އެންޑް ލޯ އެންފޯސްމަންޓްގެ 2024 ވަނަ އަހަރުގެ ދަސްވެނިވުމުގެ ރަސްމިއްޔާތުގައި ރޭ ވާހަކަފުޅު ދައްކަވަމުންނެވެ.
ރޭގެ ރަސްމިއްޔާތުގައި ސީޕީ ޝުޖާއު ވިދާޅުވީ ދިވެހި ފުލުހުންގެ ޚިދުމަތުގައި ގިނަ ދާއިރާތަކަކުން ކުރިއަށް ދިޔުމުގެ ފުރުޞަތު އެބައޮތް ކަމަށެވެ. އެގޮތުން މިހާރުވެސް ގުރޭޑު 10 ނިންމުމަށްފަހު ފުލުހުންގެ ޚިދުމަތާއި ގުޅުނު އެތައް އޮފިސަރުންނެއް މާސްޓަރސް ޑިގްރީއާއި ހަމައަށް ތަޢުލީމު ޙާސިލުކޮށްފައިވާކަން ސީޕީ ފާހަގަ ކުރެއްވިއެވެ.
ސީޕީ ޝުޖާއު ވަނީ ކޮލެޖް އޮފް ޕޮލިސިންގެ ކުރިއަށް އޮތް އިންޓޭކަށް ހުޅުވާލުމުން އެފުރުސަތުގެ ބޭނުން ހިފުމަށް ދިވެހި ޒުވާނުންނަށް ގޮވާލައްވާފައެވެ. އަދި ފުލުހުންގެ ޚިދުމަތުގެ ތެރެއިން ޒުވާނުން ކުރިއަށް ދިއުމަށް ބޭނުންވާ ދާއިރާއަކުން މަތީ ތަޢުލީމު ހޯދުމުގެ ފުރުސަތު އޮތްކަން ސީޕީ ފާހަގަ ކުރެއްވިއެވެ.
"ފޮރެންސިކް އެކްސްޕާޓަކަށް ނުވަތަ ކުޅަދާނަ އިންވެސްޓިގޭޝަން އޮފިސަރަކަށްވާން ބޭނުންވާ ކުދިންނަށް އެފުރުސަތު ލިބިގެންދާނެ." ސީޕީ ޝުޖާއު ވިދާޅުވެފައިވެއެވެ.
ސީޕީ ޝުޖާއު މިހެން ވިދާޅުވެފައިވާއިރު ސިފައިންނާއި ފުލުހުން ތަމްރީނުކުރަން އަންނަ އަހަރު ނެޝަނަލް ސާވިސް ޕްރޮގްރާމެއް ފަށަން ނިންމާފައިވާކަން ރައީސުލްޖުމްޙޫރިއްޔާ ޑރ. މުހައްމަދު މުއިއްޒު ވަނީ ޢިޢުލާނު ކުރަށްވާފައެވެ.
އަދި އެ ޕްރޮގްރާމުގެ ތެރެއިން ކުރިއަށް އޮތް ހަތަރު އަހަރު، 4،000 ސިފައިންނާއި 1،000 ފުލުހުން ތަމްރީނު ކުރާނެ ކަމަށް ރައީސް ވިދާޅުވިއެވެ.
ރޭގެ ރަސްމިއްޔާތުގައި ސީޕީ ޝުޖާއު ވިދާޅުވީ ދިވެހި ފުލުހުންގެ ޚިދުމަތުގައި ގިނަ ދާއިރާތަކަކުން ކުރިއަށް ދިޔުމުގެ ފުރުޞަތު އެބައޮތް ކަމަށެވެ. އެގޮތުން މިހާރުވެސް ގުރޭޑު 10 ނިންމުމަށްފަހު ފުލުހުންގެ ޚިދުމަތާއި ގުޅުނު އެތައް އޮފިސަރުންނެއް މާސްޓަރސް ޑިގްރީއާއި ހަމައަށް ތަޢުލީމު ޙާސިލުކޮށްފައިވާކަން ސީޕީ ފާހަގަ ކުރެއްވިއެވެ.
ސީޕީ ޝުޖާއު ވަނީ ކޮލެޖް އޮފް ޕޮލިސިންގެ ކުރިއަށް އޮތް އިންޓޭކަށް ހުޅުވާލުމުން އެފުރުސަތުގެ ބޭނުން ހިފުމަށް ދިވެހި ޒުވާނުންނަށް ގޮވާލައްވާފައެވެ. އަދި ފުލުހުންގެ ޚިދުމަތުގެ ތެރެއިން ޒުވާނުން ކުރިއަށް ދިއުމަށް ބޭނުންވާ ދާއިރާއަކުން މަތީ ތަޢުލީމު ހޯދުމުގެ ފުރުސަތު އޮތްކަން ސީޕީ ފާހަގަ ކުރެއްވިއެވެ.
ސީޕީ ޝުޖާއު މިހެން ވިދާޅުވެފައިވާއިރު ސިފައިންނާއި ފުލުހުން ތަމްރީނުކުރަން އަންނަ އަހަރު ނެޝަނަލް ސާވިސް ޕްރޮގްރާމެއް ފަށަން ނިންމާފައިވާކަން ރައީސުލްޖުމްޙޫރިއްޔާ ޑރ. މުހައްމަދު މުއިއްޒު ވަނީ ޢިޢުލާނު ކުރަށްވާފައެވެ.
އަދި އެ ޕްރޮގްރާމުގެ ތެރެއިން ކުރިއަށް އޮތް ހަތަރު އަހަރު، 4،000 ސިފައިންނާއި 1،000 ފުލުހުން ތަމްރީނު ކުރާނެ ކަމަށް ރައީސް ވިދާޅުވިއެވެ.
ކިޔުންތެރިންގެ ހިޔާލު