ކޮވިޑް19 އާ ގުޅިގެން އާމްދަނީއަށް ނުރަނގަޅު އަސަރުކޮށްފައިވާ ފަރާތްތަކަށް ކުރީ ސަރުކާރުން ދޫކުރި އިންކަމް ސަޕޯޓް އެލަވަންސް ޝަރުތު ހަމަނުވާ އަމިއްލަ ކުންފުންޏެއްގެ ހިއްސާދާރަކު ނަގާފައިވާތީ އެ ފައިސާ އަނބުރާ ދައްކަން ސިވިލް ކޯޓުން މިދިޔަ ބުރާސްފަތި ދުވަހު ހުކުމްކޮށްފިއެވެ.
އެގޮތުން ސިވިލް ކޯޓުން އެޙުކުމް ކޮށްފައިވަނީ ދަފްތަރު ނަންބަރު ރސ 9801 އަހުމަދު ސިމްހާނުގެ މައްޗަށެވެ.
މި މައްސަލައިގެ އަޑުއެހުމަށް ސިމްހާން ޙާޟިރުވެފައިނުވާތީ އާއި ދަޢުވާއަށް ދިފާއު ހުށަހަޅާފައި ނުވާތީ ދަޢުލަތުން އެދިފައިވަނީ ދައުވާލިބޭ ފަރާތުގެ ޣައިރު ހާޒިރުގައި މައްސަލައިގައި ހުކުމްކޮށްދިނުމަށެވެ.
މައްސަލާގައި ސިވިލް ކޯޓުގެ ޤާޟީ ފައްޔާޟު ޝާތިރު ކުރެއްވި ހުކުމުގައި ބުނެފައިވަނީ ކޮވިޑް އިންކަމް ސަޕޯޓް އެލަވެންސްގެ ގޮތުގައި ދިހަހާސް ރުފިޔާ ސިމްހާނަށް ދޫކޮށްފައިވާ ކަމަށެވެ.
ނަމަވެސް އެލަވެންސްއަށް އެދި ސިމްހާނު ފޯމު ހުށަހެޅިއިރު އޭނާއަކީ ގެޓްއަވޭ މޯލްޑިވްސް ޕްރައިވެޓް ލިމިޓެޑްގެ ހިއްސާދާރެއްކަން އިކޮނޮމިކް މިނިސްޓްރީގެ ލިޔެކިޔުންތަކުން އެނގެން ހުރި ކަމަށް އެ ޙުކުމުގައި ވެއެވެ.
އަދި އެ އެލެވެންސަކީ އަމިއްލަ މަސައްކަތްކުރާ ފަރާތްތަކަށް ދިން އެލެވެންސެއް ކަމަށްވާއިރު ސިމްހާނު އެ އެލެވެންސަށް ޝަރުތު ހަމަނުވާ ކަމަށް ހުކުމުގައި ބުނެފައިވެ އެވެ.
އެހެންކަމުން އެ ފައިސާ މި މަހުގެ 21 ވަނަ ދުވަހުން ފެށިގެން 14 ދުވަހުގެ ތެރޭގައި ސިވިލް ކޯޓަށް ދައްކާ ހަލާސްކުރަން ސިމްހާނުގެ ޣައިރު ހާޒިރުގައި ކޮށްފައިވާ ޙުކުމުގައި ވަނީ ބުނެފައެވެ.
މި މައްސަލައިގެ އަޑުއެހުމަށް ސިމްހާން ޙާޟިރުވެފައިނުވާތީ އާއި ދަޢުވާއަށް ދިފާއު ހުށަހަޅާފައި ނުވާތީ ދަޢުލަތުން އެދިފައިވަނީ ދައުވާލިބޭ ފަރާތުގެ ޣައިރު ހާޒިރުގައި މައްސަލައިގައި ހުކުމްކޮށްދިނުމަށެވެ.
މައްސަލާގައި ސިވިލް ކޯޓުގެ ޤާޟީ ފައްޔާޟު ޝާތިރު ކުރެއްވި ހުކުމުގައި ބުނެފައިވަނީ ކޮވިޑް އިންކަމް ސަޕޯޓް އެލަވެންސްގެ ގޮތުގައި ދިހަހާސް ރުފިޔާ ސިމްހާނަށް ދޫކޮށްފައިވާ ކަމަށެވެ.
އަދި އެ އެލެވެންސަކީ އަމިއްލަ މަސައްކަތްކުރާ ފަރާތްތަކަށް ދިން އެލެވެންސެއް ކަމަށްވާއިރު ސިމްހާނު އެ އެލެވެންސަށް ޝަރުތު ހަމަނުވާ ކަމަށް ހުކުމުގައި ބުނެފައިވެ އެވެ.
އެހެންކަމުން އެ ފައިސާ މި މަހުގެ 21 ވަނަ ދުވަހުން ފެށިގެން 14 ދުވަހުގެ ތެރޭގައި ސިވިލް ކޯޓަށް ދައްކާ ހަލާސްކުރަން ސިމްހާނުގެ ޣައިރު ހާޒިރުގައި ކޮށްފައިވާ ޙުކުމުގައި ވަނީ ބުނެފައެވެ.
ކިޔުންތެރިންގެ ހިޔާލު