މާލޭ ސިޓީ ކައުންސިލްއިން ކުރިއަށް އޮތް ރޯދަ މަހު ބާއްވާ ޤުުރުއާން މުބާރާތާއި މަދަހަ ކިޔުމުގެ މުބާރާތުގައި ބައިވެރިވުމުގެ ފުުރުސަތު އަލުން ހުޅުވާލައިފިއެވެ.

ޤުރުއާން މުބާރާތުގައި ބައިވެރިވުމުގެ ފުރުސަތު ހަމަވީ މިދިޔަ މަހުގެ 30 ވަނަ ދުވަހުއެވެ.

އެހެން ނަމަވެސް މުބާރާތުގައި ބައިވެރިވުމުގެ މުއްދަތު އިތުރުކޮށްދިނުމަށް ބައެއް ފަރާތްތަކުން އެދެމުންދާތީ މިއަދުން ފެށިގެން މި މަހުގެ 11 އާ ހަމައަށް މުބާރާތުގައި ބައިވެރިވުމުގެ ފުރުސަތު އަލުން ހުޅުވާލައިފައިވާ ކަމަށް ސިޓީ ކައުންސިލްއިން ބުނެފައި ވެއެވެ.

ޤުރުއާން ކިޔެވުމުގެ މުބާރާތް ދެ ގޮތްޕަކަށް ބަހައިލެވިފައިވެއެވެ. އެއީ ބަލައިގެން ކިޔެވުމުގެ ގޮތްޕާއި ނުބަލައި ކިޔެވުމުގެ ގޮތްޕެވެ. ކޮންމެ ގޮތްޕެއްގައި ވެސް 3 އުމުރުފުރާ ހިމެނޭނެއެވެ. އެއީ 6 އަހަރުން ދަށާއި، 9 އަހަރުން ދަށާއި 11 އަހަރުން ދަށާއި، 13 އަހަރުން ދަށާއި، 16އަހަރުން ދަށާއި، 19 އަހަރުންދަށެވެ.

މަދަހަ މުބާރާތު ގައި ބައިވެރިވެވޭ އުމުރުފުރާތަކަކީ ވެސް 6 އަހަރުން ދަށާއި، 9 އަހަރުން ދަށާއި 11 އަހަރުން ދަށާއި، 13 އަހަރުން ދަށާއި، 16އަހަރުން ދަށާއި، 19އަހަރުން ދަށް ކަމަށް ސިޓީ ކައުންސިލްއިން ބުނެފައި ވެއެވެ.