ބިންވެރިޔާ ސްކީމާއި ގުޅިގެން ފުރުން މަނާކުރި ނުވަ މީހެއްގެ ޕާސްޕޯޓް ދޫކޮށްލައިފިއެވެ.
ދިވެހި ފުލުހުންގެ ޚިދުމަތުން މިއަދު ބުނީ ބިންވެރިޔާ ސްކީމާއި ގުޅުންހުރި މައްސަލައާ ގުޅިގެން، ކުރިން ރާއްޖެއިން ބޭރަށް ދަތުރުކުރުން މަނާކުރި މީހުންގެ ތެރެއިން ނުވަ މީހެއްގެ ޕާސްޕޯޓް ހިފެހެއްޓުމަށް ނެރެފައިވާ އަމުރު މިހާރު ބާތިލުކޮށްފައިވާ ކަމަށެވެ.
ނުވަ މީހެއްގެ މައްޗަށް ނެރެފައިވާ އަމުރު ބާތިލުކުރީ ޕްރޮސެކިއުޓާ ޖެނެރަލްގެ ލަފާގެ މަތިން ކަމަށް ފުލުހުން ބުނެފައިވެ އެވެ. މި މައްސަލާގައި ޖުމުލަ 20 މީހެއްގެ ޕާސްޕޯޓް ހިފަހައްޓާފައިވާއިރު ޕާސްޕޯޓް ދޫކޮށްލި މީހުންގެ މަޢުލޫމާތު ފުލުހުން ހާމަކޮށްފައެއް ނުވެއެވެ.
ނަމަވެސް ފުލުހުން ބުނީ ޕާސްޕޯޓް ދޫކޮށްލި މީހުންގެ ތެރޭގައި އެޗްޑީސީގެ ކުރީގެ މެނޭޖިން ޑިރެކްޓަރު އިބްރާހީމް ފަޒުލް ރަޝީދާއި އޭނާގެ ބޭބެ އަދި އެމްޑަބްލިއުއެސްސީގެ ޑެޕިއުޓީ މެނޭޖިން ޑިރެކްޓަރު މުހައްމަދު ފަޒީލް ރަޝީދު ނުހިމެނޭ ކަމަށެވެ.
ބިންވެރިޔާ ސްކީމްގައި ނުހިމެނޭ ބަޔަކަށް ގޯތިތަކެއް ދީފައިވާ ކަމަށް ތުހުމަތުކުރެވޭ މައްސަލަ ހޫނުވެފައިވާއިރު ގޯތި ލިބުނު މީހުންގެ ތެރޭގައި އެޗްޑީސީގެ ކުރީގެ މެނޭޖިން ޑިރެކްޓަރު ފަޒުލް ރަޝީދުގެ ބޭބެ މުހައްމަދު ފަޒީލް ރަޝީދު ވެސް ހިމެނެއެވެ.
އެ މައްސަލަ ފުލުހުންނާއި އޭސީސީން ބަލަމުންދާއިރު ފަޒުލް ވަނީ އެކަމުގައި އޭނާގެ ދައުރެއް ނޯންނާނެ ކަމަށް ވިދާޅުވެފައެވެ. އަދި ފުލުހުންވެސް ބުނީ އެ މައްސަލަައިގައި ފަޒުލްއަށް އަދި އެއްވެސް ތުހުމަތެއް ނުކުރެވޭ ކަމަށެވެ.
މި މައްސަލައާ ގުޅިގެން ކުރިމަތިވި ފާޑުކިޔުންތަކާއެކު ފަޒުލް މިހާރުވަނީ އެޗްޑީސީގެ އެމްޑީގެ މަޤާމުން އިސްތިއުފާވެސް ދެއްވާފައެވެ.
ނުވަ މީހެއްގެ މައްޗަށް ނެރެފައިވާ އަމުރު ބާތިލުކުރީ ޕްރޮސެކިއުޓާ ޖެނެރަލްގެ ލަފާގެ މަތިން ކަމަށް ފުލުހުން ބުނެފައިވެ އެވެ. މި މައްސަލާގައި ޖުމުލަ 20 މީހެއްގެ ޕާސްޕޯޓް ހިފަހައްޓާފައިވާއިރު ޕާސްޕޯޓް ދޫކޮށްލި މީހުންގެ މަޢުލޫމާތު ފުލުހުން ހާމަކޮށްފައެއް ނުވެއެވެ.
ނަމަވެސް ފުލުހުން ބުނީ ޕާސްޕޯޓް ދޫކޮށްލި މީހުންގެ ތެރޭގައި އެޗްޑީސީގެ ކުރީގެ މެނޭޖިން ޑިރެކްޓަރު އިބްރާހީމް ފަޒުލް ރަޝީދާއި އޭނާގެ ބޭބެ އަދި އެމްޑަބްލިއުއެސްސީގެ ޑެޕިއުޓީ މެނޭޖިން ޑިރެކްޓަރު މުހައްމަދު ފަޒީލް ރަޝީދު ނުހިމެނޭ ކަމަށެވެ.
ބިންވެރިޔާ ސްކީމްގައި ނުހިމެނޭ ބަޔަކަށް ގޯތިތަކެއް ދީފައިވާ ކަމަށް ތުހުމަތުކުރެވޭ މައްސަލަ ހޫނުވެފައިވާއިރު ގޯތި ލިބުނު މީހުންގެ ތެރޭގައި އެޗްޑީސީގެ ކުރީގެ މެނޭޖިން ޑިރެކްޓަރު ފަޒުލް ރަޝީދުގެ ބޭބެ މުހައްމަދު ފަޒީލް ރަޝީދު ވެސް ހިމެނެއެވެ.
މި މައްސަލައާ ގުޅިގެން ކުރިމަތިވި ފާޑުކިޔުންތަކާއެކު ފަޒުލް މިހާރުވަނީ އެޗްޑީސީގެ އެމްޑީގެ މަޤާމުން އިސްތިއުފާވެސް ދެއްވާފައެވެ.
ކިޔުންތެރިންގެ ހިޔާލު