ހުސްވެފައިވާ ރ. ފައިނު ކައުންސިލްގެ ރައީސްގެ މަގާމަށް މީހަކު އިންތިހާބު ކުރުމަށް ހުޅުވާލި ބައި އިލެކްޝަނުގައި އެކަމަށްއެދި ހުށަހަޅާފައިވަނީ އެންމެ ފަރާތަކުންކަމަށްވާތީ އިންތިހާބަކާ ނުލާ އޭނާއަށް އެ މަގާމު ލިބިއްޖެއެވެ.
އިލެކްޝަންސް ކޮމިޝަނުން މިއަދު ކޮށްފައިވާ އިއުލާނުގައި ބުނީ، ފައިނު ކައުންސިލްގެ ރައީސްކަމުގެ މަގާމަށް މީހަކު އިންތިހާބު ކުރުމަށް ބައި އިލެކްޝަނަށް ހުޅުވާލުމުން އެކަމަށް އެދި ކުރިމަތިލާފައިވަނީ އިންތިހާބު ކުރަންޖެހޭ އަދަދަށް ކަމަށެވެެ.
އެހެންކަމުން ޕީއެންސީގެ ޓިކެޓްގައި ވާދަކުރުމަށް ހުށަހެޅި އެރަށު މީނާޒު، އަޙްމަދު ރިޝްފާން އެ މަގާމަށް އިންތިހާބުވެފައިވާކަމަށް އިލެކްޝަންސް ކޮމިޝަނުން ވަނީ ބުނެފައެވެ.
އަޙްމަދު ރިޝްފާނަކީ ފައިނު ފެނަކަ ބްރާންޗްގެ މެނޭޖަރުގެ މަގާމުގައި ހުންނެވި ފަރާތެކެވެ. ފައިނު ކައުންސިލްގެ ރައީސްގެ މަގާމުގައި ކުރިން ހުންނެވީ އެމްޑީޕީގެ ޓިކެޓްގައި އިންތިހާބުވި މޫސާ ޢުމަރުމަނިކެވެ. ނަމަވެސް އޭނާ ފަހުންވަނީ ވެރިކަންކުރާ ޕީއެންސީއަށް ބަދަލުވެފައެވެ. އަދި އޭގެފަހުން އޭނާ ވަނީ މިދިޔަ އަހަރުގެ ސެޕްޓެމްބަރ 30 ގައި މަގާމުން އިސްތިއުފާ ދެއްވާފައެވެ.
އަޙްމަދު ރިޝްފާނަކީ ފައިނު ފެނަކަ ބްރާންޗްގެ މެނޭޖަރުގެ މަގާމުގައި ހުންނެވި ފަރާތެކެވެ. ފައިނު ކައުންސިލްގެ ރައީސްގެ މަގާމުގައި ކުރިން ހުންނެވީ އެމްޑީޕީގެ ޓިކެޓްގައި އިންތިހާބުވި މޫސާ ޢުމަރުމަނިކެވެ. ނަމަވެސް އޭނާ ފަހުންވަނީ ވެރިކަންކުރާ ޕީއެންސީއަށް ބަދަލުވެފައެވެ. އަދި އޭގެފަހުން އޭނާ ވަނީ މިދިޔަ އަހަރުގެ ސެޕްޓެމްބަރ 30 ގައި މަގާމުން އިސްތިއުފާ ދެއްވާފައެވެ.
ކިޔުންތެރިންގެ ހިޔާލު