ޚަބަރު

Share

އެޗްއާރުސީއެމްގެ ނާއިބު ރައީސް ކަމަށް މުއުމިނާއަށް ރުހުން ދީފި

އަހުޒަމް އަޙްމަދު   20 ޖެނުއަރީ 2025 - 10:45
އެޗްއާރުސީއެމްގެ މެމްބަރު މުއުމިނާ
އެޗްއާރުސީއެމްގެ މެމްބަރު މުއުމިނާ
އެޗްއާރުސީއެމްގެ ނާއިބު ރައީސް ކަމަށް އެ ކޮމިޝަންގެ މެމްބަރު މުއުމިނާ ވަހީދު އައްޔަނުކުރަން ރައްޔިތުންގެ މަޖިލީހުން ރުހުން ދީފި އެވެ.

މިިދިޔަ އަހަރު ފަހުކޮޅު ގާނޫނަށް ގެނައި އިސްލާހުގެ ދަށުން އެޗްއާރުސީއެމްގެ ރައީސާއި ނާއިބު ރައީސް އައްޔަނުކުރަން ވެސް މަޖިލީހުން ރުހުން ހޯދަން ޖެހެއެވެ.

އެހެންވެ ހުސްވެފައިވާ އެޗްއާރުސީއެމްގެ ނާއިބު ރައީސްގެ މަގާމަށް އައްޔަނުކުރަން ރައީސް ޑރ. މުހައްމަދު މުއިއްޒު މަޖިލީހަށް މުއުމިނާގެ ނަން ފޮނުއްވުމުން މަޖިލީހުގެ ޖެންޑާ އެންޑް ހިއުމަން ރައިޓްސް ކޮމިޓީން ވަނީ އެކަން ދިރާސާކުރުމަށް ފަހު މުއުމިނާ އައްޔަނުކުރަން ފާސްކޮށްފަ އެވެ.

އެއާއެކު މިއަދު މަޖިލީހުގެ ތަޅުމުގައި މުއުމިނާ އައްޔަނުކުރަން ވަނީ ވޯޓަށް އަހައިފަ އެވެ. މުއުމިނާ އައްޔަނުކުރަން މަޖިލީހުން މިއަދު ފާސްކުރީ 67 މެމްބަރުންގެ ވޯޓާއެކު އެވެ.

ފަސް މެމްބަރުންގެ މައްޗަށް އެކުލެވޭ އެޗްއާރުސީއެމްގެ ރައީސްގެ މަގާމުގައި މިހާރު ހުންނަވަނީ މަރިޔަމް މުނާ އެވެ.

މުނާގެ އިތުރުން ދެން ކޮމިޝަންގައި ހިމެނިވަޑައިގަންނަވަނީ އައިމިނަތު ޝިފާއަތު އަބްދުއްރައްޒާގާއި ސަމާއު އަހުމަދު ނަޖީބާއި އިސްމާއިލް ހަބީބެވެ.

ރައްޔިތުންގެ މަޖިލިސް އެޗްއާރުސީއެމް

މި ލިޔުމާ ގުޅޭ

Ad
Ad
Share

ކިޔުންތެރިންގެ ހިޔާލު



Ad

ފަހުގެ ލިޔުންތައް

Ad

ޓްރެންޑިން

Ad
Ad