އަމީނީ މަގުގެ ބައެއް ހިސާބުތައް ހަލާކުވެފައިވާތީ މަރާމާތު ކުރުމުގެ މަސައްކަތް ރޯޑް ޑިވެލޮޕްމެންޓް ކޯޕަރޭޝަން (އާރްޑީސީ) އިން ފަށައިފިއެވެ.
އެކްސްގައި ކުރި ޕޯސްޓެއްގައި އާރްޑީސީން ބުނެފައި ވަނީ އަމީނީމަގު މާފަންނު ސްޓޭޑިއަމް ސަރަހައްދުގައި ތާރު އަޅާފައިވާ ހިސާބަށް ގެއްލުންވެފައި ވުމުގެ ސަބަބުން އެ ސަރަހައްދު މަރާމާތު ކުރުމުގެ މަސައްކަތް ކުރަމުންދާ ކަމަށެވެ. އޭގެ ތެރެއިން މިހާރު ކުރިއަށް ދަނީ އޭބީސީ ފަށަލަ ޓެސްޓް ކުރުމުގެ މަސައްކަތް ކަމަށް އާރްޑީސީން ވަނީ ބުނެފައެވެ.
މި ސަރުކާރުން ވެރިކަމާ ހަވާލުވެ އަމީނީމަގުގެ ބާކީ ދެ ސެގްމަންޓުގެ މަސައްކަތް ފެށިއިރު މި މަސައްކަތް ހަލުވި ކަމާއެކު ކުރިއަށްގޮސް މަސް ދުވަސް ނުވަނީސް ވަނީ ނިންމާލައިފައެވެ.
އަމީނީ މަގު އެންމެ ފަހުން ތަރައްގީކޮށްފައި ވަނީ މިދިޔަ ސަރުކާރުގައެވެ. އެގޮތުން މި މަގުގައި ކުރިން އަޅާފައިވާ ގާތައް ނަގައި އޭރު ވަނީ ތާރު އަޅައިފައެވެ. މިސައްކަތް ކުރިއަށް ގެންދިޔައީ އޭރުވެސް އާރްޑީސީންނެވެ. ނަމަވެސް ވެރިކަން ބަދަލުވުމާ ހަމަޔަށްވެސް މުޅި މަގުގައި ތާރު އަޅާ ނުނިމެއެވެ. އަދި އަމީނީ މަގުގައި ތާރު އަޅާ އެއްކޮށް ނިންމާލާފައި ވަނީ މިދިޔަ އަހަރުގެ ތެރޭގައެވެ.
އަމީނީ މަގު އެންމެ ފަހުން ތަރައްގީކޮށްފައި ވަނީ މިދިޔަ ސަރުކާރުގައެވެ. އެގޮތުން މި މަގުގައި ކުރިން އަޅާފައިވާ ގާތައް ނަގައި އޭރު ވަނީ ތާރު އަޅައިފައެވެ. މިސައްކަތް ކުރިއަށް ގެންދިޔައީ އޭރުވެސް އާރްޑީސީންނެވެ. ނަމަވެސް ވެރިކަން ބަދަލުވުމާ ހަމަޔަށްވެސް މުޅި މަގުގައި ތާރު އަޅާ ނުނިމެއެވެ. އަދި އަމީނީ މަގުގައި ތާރު އަޅާ އެއްކޮށް ނިންމާލާފައި ވަނީ މިދިޔަ އަހަރުގެ ތެރޭގައެވެ.
ކިޔުންތެރިންގެ ހިޔާލު