އައިލެންޑް އޭވިއޭޝަންގެ ބޯޑުގެ ޗެއާމަންކަމަށް ހަޔާ އެޑިއުކޭޝަންގެ ސްޓޭޓް މިނިސްޓަރު އަހުމަދު ޝަފީއު އައްޔަނުކުރައްވައިފި އެވެ.

އައިލެންޑް އޭވިއޭޝަނުން މިއަދު އެކްސްގައި ކުރި ޕޯސްޓެއްގައި ވަނީ ޝަފީއު އެ މަގާމަށް އައްުޔަނުކުރިކަން ޔަގީންކޮށްދީފަ އެވެ.

ޝަފީއު އެ މަގާމަށް އައްޔަނުކުރި ނަމަވެސް ހަޔާ އެޑިއުކޭޝަންގެ ސްޓޭޓް މިނިސްޓަރުގެ މަގާމުން ވަކިވެވަޑައިގަތްކަމެއް ސާފެއް ނުވެއެވެ. ސަރުކާރުގެ އިސް މަގާމުތަކުގައި ތިއްބަވާ ބޭފުޅުން އެ މަގާމުތަކުގައި ތިބެ އެކި އިދާާރާާތަކުގެ ބޯޑުތަކުގައި ވެސް ތިއްބަވަ އެވެ.

ޝަފީއު މީގެ ކުރިން 2014 އިން 2018 އަށް ވެސް އައިލެންޑް އޭވިއޭޝަންގެ ޗެއާމަންގެ މަގާމު ވަނީ ފުރުއްވައިފަ އެވެ.

ޝަފީއުވަނީ މީގެ ކުރިން ސަރުކާރުގެ މުހިންމު އެތައް ވަޒީފާއެއް އަދާ ކުރައްވައިފަ އެވެ.

އެގޮތުން ކުރީގެ ރައީސް އަބްދުﷲ ޔާމީންގެ ވެރިކަމުގައި އެޑިއުކޭޝަންގެ ސްޓޭޓް މިނިސްޓަރުގެ މަގާމު ފުރުއްވި އިރު ފީޝަރީޒްގެ ސްޓޭޓް މިނިސްޓަރުގެ މަގާމުވެސް ފުރުއްވި އެވެ.