މީޑިއާ ރެގިއުލޭޓް ކުރުމާއި ގުޅޭގޮތުން އޮންލައިން ނޫހަކަށް ދެއްވި އިންޓަވިއުއަކާ ގުޅިގެން، އެ ވާހަކައިގެ މަފްޙޫމް އޮޅޭގޮތަށް ބައެއް މީޑިއާތަކުން ހަބަރު ފަތުރަމުން އަންނާތީ އެކަން އެގޮތަށް ނުކުރުމަށް ރައްޔިތުންގެ މަޖިލީހުގެ ނާއިބު ރައީސް އަޙްމަދު ނާޒިމް މީޑިއާތަކަށް ގޮވާލައްވައިފިއެވެ.
ނާޒިމް ވަނީ އޮންލައިން ނޫހަކަށް ދެއްވި އިންޓަވިއުއެއްގައި މީޑިއާ އާއި އިންޓަނެޓް ޕްލެޓްފޯމްތައް ބެލެހެއްޓުމަށް ތައްޔާރުކުރާ ބިލު ވަނީ ނިމުމަކާ ކައިރިވެފައިކަމަށް ވިދާޅުވެފައެވެ. އަދި މި ބިލުގެ މައިގަނޑު މަގްސަދަކީ އިންޓަނެޓް، ސޯޝަލް މީޑިއާ އަދި ނޫސްވެރިކަން އެއް ނިޒާމެއްގެ ދަށުން ބެލެހެއްޓުން ކަމަށާއި، ބިލު އެކުލަވާލުމުގައި ބައިނަލްއަގްވާމީ އުސޫލުތަކަށް ރިއާޔަތްކުރެވޭނެ ކަމަށް އޭނާ ވިދާޅުވިއެވެ.
ނަމަވެސް އެ ވާހަކަތައް ބައެއް މީޑިއާތަކުގައި ގެނެސްފައިވަނީ މީޑިއާތަކަށް ފިޔަވަޅު އެޅުމަށާއި ބަސްބުނުމުގެ މިނިވަންކަން ނަގާލުމަށް ސަރުކާރުން ބިލެއް ފަރުމާ ކުރާކަމަށް ބުނެ މީޑިއާތައް ކަންބޮޑުވާގޮތަށެވެ.
އެއާއި ގުޅިގެން މިރޭ ނާޒިމް ނެރުއްވި ބަޔާނުގައި ވިދާޅުވެފައިވަނީ، މީޑިއާ ރެގިއުލޭޓްކުރުމާ ގުޅޭގޮތުން އޭނާ ދެއްކެވި ވާހަކަތައް ބައެއް މީޑިއާތަކުން ގެނެސްދީފައިވަނީ އޭގެ އަސްލު މާނަ އޮޅޭގޮތަށް ކަމަށެވެ. އަދި އޭނާއަކީ މީޑިއާގެ މިނިވަންކަމަށް ހުރަސްއެޅުމަށް މަސައްކަތްކުރާނެ މީހެއް ނޫންކަމަށާއި، އެފަދަ ކަމަކަށް ތާއީދުކުރާނެ މީހެއްވެސް ނޫންކަމަށް ވިދާޅުވިއެވެ.
ނާޒިމް އިތުރަށް ފާހަގަކުރެއްވި ގޮތުގައި، ރާއްޖޭގައި މީޑިއާ ބެލެހެއްޓުމަށް ދެ މުއައްސަސާއެއް ހުރި ނަމަވެސް، މި ދެ މުއައްސަސާގެ މަސައްކަތް އެކަށީގެންވާ ގޮތެއްގައި ނުހިނގާކަން މީޑިއާތަކުންވެސް ގަބޫލުކުރާނެ ކަމަށެވެ. އަދި މި ދެ މުއައްސަސާއަށް ވޭތުވެދިޔަ އަހަރު ދައުލަތުގެ ބަޖެޓުން 18 މިލިއަނަށްވުރެ ގިނަ ރުފިޔާ ހަރަދުކުރެވިފައިވާ ކަމަށްވެސް އޭނާ ފާހަގަކުރެއްވިއެވެ.
އަދި ރާއްޖޭގެ މީޑިއާތަކާއި އިންޓަނެޓް ރެގިއުލޭޓް ކުރަން ބިލެއް ރައްޔިތުންގެ މަޖިލީހަށް ހުށަހަޅަނީ މިނިވަންކަން ނިގުޅައިގަތުމަށް ނޫންކަމަށްވެސް ނާޒިމް ވިދާޅުވިއެވެ.
ނަމަވެސް މިކަމާ ގުޅިގެން ރައީސް އޮފީހުގެ ސްޕޯކްސްޕަރސަން ހީނާ ވަލީދު މިއަދު ވަނީ އެފަދަ ބިލެއް ތައާރަފުކުރުމުގެ އެއްވެސް މަސައްކަތެއް ސަރުކާރުން ނުކުރާ ކަމަށް ވިދާޅުވެފައެވެ. އަދި ސަރުކާރުގެ ގާނޫނީ އެޖެންޑާގައިވެސް މިފަދަ ބިލެއް ނުހިމެނޭ ކަމަށާއި، ކުރިއަށް އޮތްތަނުގައިވެސް އެފަދަ ބިލެއް ގެނައުމުގެ ވިސްނުމެއް ނެތްކަމަށް ހީނާ ވިދާޅުވިއެވެ.
ނަމަވެސް އެ ވާހަކަތައް ބައެއް މީޑިއާތަކުގައި ގެނެސްފައިވަނީ މީޑިއާތަކަށް ފިޔަވަޅު އެޅުމަށާއި ބަސްބުނުމުގެ މިނިވަންކަން ނަގާލުމަށް ސަރުކާރުން ބިލެއް ފަރުމާ ކުރާކަމަށް ބުނެ މީޑިއާތައް ކަންބޮޑުވާގޮތަށެވެ.
އެއާއި ގުޅިގެން މިރޭ ނާޒިމް ނެރުއްވި ބަޔާނުގައި ވިދާޅުވެފައިވަނީ، މީޑިއާ ރެގިއުލޭޓްކުރުމާ ގުޅޭގޮތުން އޭނާ ދެއްކެވި ވާހަކަތައް ބައެއް މީޑިއާތަކުން ގެނެސްދީފައިވަނީ އޭގެ އަސްލު މާނަ އޮޅޭގޮތަށް ކަމަށެވެ. އަދި އޭނާއަކީ މީޑިއާގެ މިނިވަންކަމަށް ހުރަސްއެޅުމަށް މަސައްކަތްކުރާނެ މީހެއް ނޫންކަމަށާއި، އެފަދަ ކަމަކަށް ތާއީދުކުރާނެ މީހެއްވެސް ނޫންކަމަށް ވިދާޅުވިއެވެ.
ނާޒިމް އިތުރަށް ފާހަގަކުރެއްވި ގޮތުގައި، ރާއްޖޭގައި މީޑިއާ ބެލެހެއްޓުމަށް ދެ މުއައްސަސާއެއް ހުރި ނަމަވެސް، މި ދެ މުއައްސަސާގެ މަސައްކަތް އެކަށީގެންވާ ގޮތެއްގައި ނުހިނގާކަން މީޑިއާތަކުންވެސް ގަބޫލުކުރާނެ ކަމަށެވެ. އަދި މި ދެ މުއައްސަސާއަށް ވޭތުވެދިޔަ އަހަރު ދައުލަތުގެ ބަޖެޓުން 18 މިލިއަނަށްވުރެ ގިނަ ރުފިޔާ ހަރަދުކުރެވިފައިވާ ކަމަށްވެސް އޭނާ ފާހަގަކުރެއްވިއެވެ.
ނަމަވެސް މިކަމާ ގުޅިގެން ރައީސް އޮފީހުގެ ސްޕޯކްސްޕަރސަން ހީނާ ވަލީދު މިއަދު ވަނީ އެފަދަ ބިލެއް ތައާރަފުކުރުމުގެ އެއްވެސް މަސައްކަތެއް ސަރުކާރުން ނުކުރާ ކަމަށް ވިދާޅުވެފައެވެ. އަދި ސަރުކާރުގެ ގާނޫނީ އެޖެންޑާގައިވެސް މިފަދަ ބިލެއް ނުހިމެނޭ ކަމަށާއި، ކުރިއަށް އޮތްތަނުގައިވެސް އެފަދަ ބިލެއް ގެނައުމުގެ ވިސްނުމެއް ނެތްކަމަށް ހީނާ ވިދާޅުވިއެވެ.
ކިޔުންތެރިންގެ ހިޔާލު